Neemi 2:14 - NYANMIƐN NDƐ'N 1998

¹⁴ N ɔli n ko juli nzue ti'n i anuan'n wun lɛ yɛ n juli famiɛn'n i fɛtɛ'n i wun lɛ. Nnɛn nga n fu su'n nyan-man sinwlɛ.

Neemi 2:14 ပူးပေါင်းရင်းမြစ်များ

2 Famiɛn Mun 18:17

Asiri famiɛn'n sunmannin sonja kpɛnngbɛn'm be su kpɛn'n, nin i mantanfuɛ'n, ɔ nin safunyrɛn b'ɔ dun alɛ'n i mmua'n Ezekias sin Zerizalɛm. Kɛ be ´kɔ'n, be nin sonja kpanngban kpa yɛ be ɔli-ɔ. I blɛ sɔ nun'n, wuun i bɔbɔ o Lakis. Be ɔli. Kɛ be juli Zerizalɛm klɔ'n nun lɛ'n, be jrannin nglo lɔ fɛtɛ'n i mmuɛ'n bɔ be yili'n i wun lɛ. Lika sɔ'n wo ble wlafuɛ'm be lika'n i wun lɛ.

2 Famiɛn Mun 20:20

Ezekias i wun ndɛ'n i onga'n, nin i yakpa ninnge ng'ɔ yoli be'n, nin kɛ ɔ yoli b'ɔ kpɛli fɛtɛ'n, nin kɛ ɔ yoli b'ɔ yili nzue mmuɛ bɔ man Zerizalɛm klɔ'n nunfuɛ'm be nyannin nzue'n, i kwlakwla sɔ'n ti klɛwa Zida famiɛn'm bé wun ndɛ fluwa'n nun.

2 Be Nyoliɛ 32:30

Ezekias kunngba'n yɛ ɔ tanninnin Giɔn nzue b'ɔ o nglo lɔ'n nan ɔ'a kle i nyin ngua lɔ David Klɔ'n i wia atɔliɛ lɔ nin-ɔn. Like nga Ezekias yoli'n, i kwlaa yoli ye i sa nun.

Neemi 12:37

Kɛ be juli Nzue Ba anuan'n su'n, kpɛkuun David i klɔ'n i fuwlɛ nga be fa kɔ lɔ'n ɔ'a tran be nyrun ndɛnman su. Kɛ be ´sin klɔ'n i talɛ'n su'n, David i famiɛn sua'n wo be ngua. Be nanti juli Nzue anuan'n b'ɔ o wia afiliɛ'n su lɔ.

Neemi 3:15

Kɔl-Oze i wa Salɔm b'ɔ ti Mizpa asa'n su kpɛnngbɛn'n ɔ yoli Nzue ti anuan'n. Ɔ kplannin talɛ'n, ɔ tuli su nan ɔ'a wla anuan'n nin i sin blalɛ'n nin i gboklo mun. I sin ɔ kplannin talɛ ng'ɔ o Silɔe fɛtɛ wun lɛ'n, b'ɔ o famiɛn'n i fie nin asikalie ng'ɔ fin David klɔ'n su lɔ jra'n be afiɛn lɛ.

Neemi 3:16

Azbik i wa Neemi b'ɔ ti Bɛt-Zir asa'n i bue'n su kpɛnngbɛn'n, ɔ di i junman liɛ'n kpɛn David i asieliɛ'n i nuan, lele fa to fɛtɛ nga be kpɛli'n, lele fa ju famiɛn'n i sonja'm bé sua i wun lɛ.

Akunndanfuɛ'n 2:6

M boli n klun klo nzue bla dandan kpa mun, yɛ n sali be nun nzue'n n fa guaguali min waka nga n tali be'n bé su.