Neemi 2:13 - NYANMIƐN NDƐ'N 1998

¹³ N sinnin Kongo'n Nun Lɔ anuan'n nun n fiteli kɔnguɛ, n ɔli nzue ti bɔ be flɛ i Dragɔn'n su lɔ, yɛ n juli kan be gua wla lɔ'n i anuan'n nun lɔ. N ´kɔ'n, wuun n ´nian Zerizalɛm klɔ'n i talɛ'n. N wunnin kɛ i lika'n wie ti buwa yɛ i anuan'm be ti yrawa.

Neemi 2:13 ပူးပေါင်းရင်းမြစ်များ

2 Be Nyoliɛ 26:9

Ɔ kplannin klɔ sasawlɛ lika mun Zerizalɛm lɔ. Be ti fleiinfleiin. Ɔ kplannin kun kan Cɔnjɔ su anuan'n wo lɛ'n, ɔ kplannin kun kan Kongo anuan'n wo lɛ'n, yɛ ɔ kplannin kun ekun kan talɛ'n fite piembie lɛ'n. Ɔ sili bé wun.

Neemi 1:3

Be seli min kɛ be nga be fin kanga nun ɔli'n be tran Zida akpasua'n su lɔ, yɛ be o nyrɛnnɛn nin nyannzuɛn'n nun. Be seli min ekun kɛ Zerizalɛm klɔ'n kusu i talɛ'n wie ɔ'a bu, yɛ be wɔli i anuan'm be nun.

Neemi 12:31

N yoli man Zida famiɛn i awlo lɔ sran dandan'm be fuli talɛ'n su, yɛ m buli jue tofuɛ'm be nun akpasua dandan nnyɔn. Akpasua kun fin talɛ'n i fama su, be ɔli Wla Guawlɛ anuan'n i ndɛnman.

Neemi 2:12

I sin n jasoli kɔnguɛ e nin sran wie mun. Kɛ ɔ ´yo sɔ'n, wuun n nian kan-man sa nga Nyanmiɛn waan n yo m man klɔ'n nian kle-man sran fi. Nnɛn kunngba ng'ɔ o mín sa nun'n yɛlɛ nga n fuli su'n.

Neemi 2:15

I sin n fali Sedrɔn nzue mmuɛ'n kɔnguɛ, n ´kɔ'n, wuun n ´nian talɛ'n, kpɛkuun n sinnin Kongo Nun Lɔ anuan'n nun yɛ n sali n sin-ɔn.

Neemi 2:17

Yɛ n seli be kɛ: «Amun `nian nyrɛnnɛn bɔ e o nun-ɔn. Zerizalɛm klɔ'n ɔ'a bubu, i anuan'm b'a yra. Amun man e kplan Zerizalɛm klɔ'n i wun talɛ'n ekun nan e `titi e nyrun nyannzuɛn'n.»

Neemi 2:3

Yɛ n seli famiɛn'n kɛ: «Nannan, man wie wla fi wɔ! Min nyrun bɔ m mlan'n yɛlɛ kɛ b'a bubu klɔ nga be sieli min nannan'm be su'n . Yɛ b'a wɔ i anuan'm be nun.»

Zeremi 5:10

Be `fu Zerizalɛm i vinyi'm be su be saci be, sanngɛ nán be nunnun be mlɔnmlɔn. Be `kpɛ vinyi sa mun, afin be ti-man min liɛ.