Neemi 13:26 - NYANMIƐN NDƐ'N 1998

²⁶ N seli be kɛ: «Nán sa nga b'ɔ man Salomɔn b'ɔ ti Izraɛl famiɛn'n ɔ fɔnnin'n yɛ? Nvle kpanngban nga be o mɛn'n nun'n, famiɛn'n wie fi nin i sɛ-man. I Nyanmiɛn'n klo i, i ti ɔ sieli i Izraɛl'n wunmuan'n i su famiɛn, sanngɛ ɔ nin i sɔ'n ngba'n, nvle nun bla mun man ɔ fɔnnin .

Neemi 13:26 ပူးပေါင်းရင်းမြစ်များ

1 Famiɛn Mun 21:25

Nanwlɛ, be nian wun-man sran kɛ Akab sa le bɔ i waan san like ng'ɔ kun Nyanmiɛn i ya'n i cɛ yɛ i waan ɔ ´yo-ɔ! I yi Zezabɛl yɛ ɔ wlɛwlɛli i kɛ ɔ yo sa tɛ sɔ nin-ɔn.

1 Famiɛn Mun 3:12

i ti like nga a usali'n, n wa yo man wɔ. N wa man wɔ ngwlɛlɛ, a ´yo akunndanfuɛ dan. Sran fi nian nyɛn-mɛn i sɔ ngwlɛlɛ'n le, yɛ sran fi su nyɛn-mɛn i sɔ le nan kɛ ɔ ´yo ɔ'a yo-ɔ.

1 Famiɛn Mun 3:13

Yɛ like nga w'a usa-man'n, n ´fa uka su: m ´man wɔ anyanbeun, ɔ nin anyrunnyan, ɔ ´tra ɔ blɛ su famiɛn'm be kwlakwla be liɛ'n.

1 Famiɛn Mun 4:1

Salomɔn yoli Izraɛl nvle wunmuan'n i su famiɛn.

2 Be Nyoliɛ 1:12

i sɔ'n ti n ´fa ngwlɛlɛ nin akunndan nga be fa wun sa'm be wlɛ'n m ´man wɔ. M ´man wɔ anyanbeun, nin ninnge kpanngban, ɔ nin anyrunnyan ekun. Ninnge nga n wa fa be man wɔ lɛ'n, famiɛn nga be dunnin mmua ɔ nyrun'n, wie fi nian nyɛn-mɛn i sɔ le, yɛ famiɛn nga be wa ba ɔ sin'n, wie fi su nyɛn-mɛn i sɔ le.»

2 Be Nyoliɛ 9:22

Sika nun o, ngwlɛlɛ nun o, famiɛn Salomɔn i dan trali asiɛ'n su famiɛn'm be ngba.

Nyanndra Mun 31:3

Nán saci ɔ wunmiɛn'n bla'm bé su. Wɔ atin nga a fa be'n, nán kle be bɔ be lakalaka famiɛn mun bɔ be mlin be'n.

Akunndanfuɛ'n 7:26

N wunnin kɛ bla nga ɔ sua yasua'm be wun aya'n, ɔ wla sran nyrɛnnɛn nun tra wie b'ɔ kun sran'n. Klolɛ ng'ɔ se kɛ ɔ klo yasua'n ɔ ti kɛ aya sa, yɛ i sa'n ɔ ti kɛ jrɔkɔ sa yɛ ɔ fa ci i-ɔ. Sanngɛ sran ng'ɔ klo Nyanmiɛn'n, i sɔ bla'n kwla nyɛn-mɛn i, san sran ng'ɔ yo sa tɛ'n yɛ ɔ kwla nyɛn i-ɔ.