Neemi 13:23 - NYANMIƐN NDƐ'N 1998

²³ I blɛ sɔ nun'n, n wunnin kɛ Zuif wie'm b'a ja Asdɔd, nin Amɔn, ɔ nin Moab bla mun.

Neemi 13:23 ပူးပေါင်းရင်းမြစ်များ

1 Famiɛn Mun 11:1

Famiɛn Salomɔn jali nvle uflɛ'm be nun bla mun sa kakaka. Kɛ ɔ jali Ezipt famiɛn i wa bla'n, i sin ɔ wa jali Moab, nin Amɔn, nin Edɔm, nin Sidɔn, ɔ nin Ɛt mmla wie mun.

Ɛsdras 10:10

Ɛsdras b'ɔ ti Nyanmiɛn nyrun jranfuɛ'n jasoli, nan ɔ'a se be kɛ: «Amu'an fɔn Nyanmiɛn i wun nvle nun bla bɔ amun jali'n ti. Amu'an fa sa tɛ b'a uka Izraɛlfuɛ'm be sa tɛ'n su.

Ɛsdras 10:44

Sran nga be o lɛ'm be kwlaa be jali nvle nun bla. Be nun sunman be nin be yi sɔ'm be wuli ba.

Neemi 10:30

Be ukali e niaan Zuif nga be ti e nun kaklaakla'm be su. E kwlakwla e tali nda yɛ e jrannin su kɛ e ´fa Nyanmiɛn i mmla'm bɔ i sufuɛ Moiz fa mannin ye'n su. E tali nda kɛ e ´fa ndɛ wafa kwlaa nga Anannganman e Min'n kannin'n, yɛ e tali nda ekun kɛ e ´fɛ i mmla'n nin i sa nuan su yolɛ mmla'm be su.

Neemi 10:31

E tali nda ekun kɛ e fa-man é wa bla mun e man-man aja nvle uflɛ nun, nan e ja-man nvle uflɛ nun bla e man-man é mma mun.

Neemi 13:1

I blɛ sɔ nun'n, be kanngannin Moiz fluwa'n Izraɛlfuɛ'm be nyrun. Ɔ ti klɛwa i nun kɛ ɔ fata-man kɛ Amɔnfuɛ nin Moabfuɛ'm be wlu Nyanmiɛn i nvle'n nun mlɔnmlɔn le,

Neemi 13:24

Be mma'm be bue be kan Asdɔd aniɛn'n, annzɛ nvle uflɛ'm be aniɛn mun, sanngɛ be si-man Zuif aniɛn'n kan.

Neemi 13:27

Nán e ti i kɛ amu'an ja nvle nun bla kun, afin ɔ ti tɛ dan e Nyanmiɛn'n i nyrun.»

Neemi 4:7

Yɛ n fali Izraɛlfuɛ mun n siesieli be talɛ'n i sin, lika tɔnun'm be nun, ɔ nin asiɛ kee'm be su. N siesieli be awlobo-awlobo. Be tokofi nin be cua, nin be ta'm be o bé sa nun.

Ezipt Lɔ Tulɛ'n 34:11

Amun `nian nga n se amun kɛ amun yo i ndɛkɛn yɛ'n su kpa amun `yo. N wa dun mmua amun nyrun, n ´fuan Amɔrfuɛ mun, nin Kanaanfuɛ mun, nin Ɛtfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ mun.

2 Korɛntfuɛ Mun 6:14

Nán amun nin be nga be lafi-man Krist su'n, bɔ amun nzuɛn'n sɛ-man'n, an san nun. ?Nzu anuansɛ yɛ sran kpa nin sran tɛ'n be di-ɔ? ?Wia'n nin aosin'n be kwla tran lika wlɛ?

Mmla'n 7:1

Anannganman amun Nyanmiɛn'n ɔ ´fa amun wlu mɛn nga amun wa ko fa'n nun. Ɔ ´kankan nvle nga be o yɛ'n be bo amun nyrun: Ɛtfuɛ, Girgazfuɛ, Amɔrfuɛ, Kanaanfuɛ, Ferezfuɛ, Evfuɛ, yɛ Zɛbisfuɛ mun. Be sɔnnin tra amun, yɛ be lɛ wunmiɛn tra amun.

Rit I Wun Ndɛ 1:4

Be wa jali Moab bla. Kun yi'n suan Ɔrpa yɛ kun'n i liɛ'n kusu suan Rit. Kɛ be dili afuɛ kɔe blu'n,

1 Samiɛl 5:1

Filistifuɛ'm be fali Nyanmiɛn i alaka'n Ebɛn-Ezɛr lɛ be ɔli Asdɔd.