Neemi 13:22 - NYANMIƐN NDƐ'N 1998

²² Yɛ n seli Levifuɛ'm be kɛ be yo bé wun saun nan be nian anuan'm be su wunmiɛn-delɛ-cɛn'n nun. I liɛ'n, sran'm be su yo-man wunmiɛn delɛ cɛn'n i finfin kun. «Min Nyanmiɛn! Man ɔ́ wla kpɛn min su sa nga n yoli i lɛ'n ti. Wɔ bɔ wɔ aunnvuɛ silɛ'n lɛ-man sin'n, nian min lika.»

Neemi 13:22 ပူးပေါင်းရင်းမြစ်များ

2 Famiɛn Mun 20:3

«Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

2 Famiɛn Mun 23:4

Famiɛn'n flɛli Ilkiza b'ɔ ti Nyanmiɛn nyrun jranfuɛ'm be su kpɛn'n, ɔ nin be nga be mɛntɛn i'n, ɔ nin be nga be nian Anannganman i sua'n i anuan'n su'n. Like nga be yoli be kɛ be fa sɔ Baal, nin waka nga be takali'n, ɔ nin nglo lɔ ninnge mun'n, ɔ seli be kɛ be `yi be Anannganman i sua'n nun fite. Yɛ ɔ fali be Zerizalɛm lɛ ɔli Sedrɔn kongo'n nun lɔ-ɔ. Nan ɔ'a wɔ be nun, kpɛkuun ɔ fali be nzuɛn'n ɔli Betɛl.

2 Be Nyoliɛ 29:24

Nyanmiɛn nyrun jranfuɛ'm be kpɛli be kɔmin, yɛ be fali be mmoja'n guɛli i Nyanmiɛn sɔwlɛ'n su nan Nyanmiɛn yaci Izraɛlfuɛ'm be kwlaa bé sa tɛ'n cɛ be, afin famiɛn'n dun mmua kɛnnin i kɛ Izraɛlfuɛ'm be dunman nun'n, be `yi tɛ nga be yrɛ i nnɛn'n kɔlikɔli'n, ɔ nin Nyanmiɛn kpatalɛ tɛ'n.

2 Be Nyoliɛ 29:27

Ezekias waan be `yi tɛ bɔ be yrɛ i nnɛn'n kɔlikɔli'n. I waan be `yi i Nyanmiɛn sɔwlɛ'n su. Kɛ be boli tɛ'n i yilɛ'n bo'n, kpɛkuun yɛ be boli Anannganman i manmanlɛ jue'm be tolɛ i bo-ɔ, wuun be ´bo awɛ'n, wuun be ´bo ninnge nga David b'ɔ ti Izraɛl famiɛn'n man be yoli be'n.

2 Be Nyoliɛ 29:30

Yɛ famiɛn'n nin i awlo lɔ sran dandan'm be seli Levifuɛ'm be kɛ be to jue bɔ David nin Azaf b'ɔ ti Nyanmiɛn nuan ijɔfuɛ'n be kpɛli'n. Be waan be `to be manman Anannganman. Levifuɛ'm be kpajali bé wun be toli jue'n, i sin be kotoli yɛ be utuli be nyin ase, yɛ be suli Anannganman.

Neemi 12:10

Zozie wuli Zozakim, Zozakim wuli Zozada,

Neemi 12:30

Nyanmiɛn nyrun jranfuɛ'n nin Levifuɛ'm be yoli bé wun saun. Be yoli Izraɛlfuɛ'm be saun, be yoli anuan'm be saun, yɛ be yoli talɛ'n i saun.

Neemi 13:14

«Min Nyanmiɛn, man ɔ́ wla kpɛn sa kpa nga n yoli'n su. Nán ɔ́ wla fi sa nga n yoli i ɔ sua'n i ti'n i su le. Nán ɔ wla fi ɔ sulɛ wafa nga n siesieli'n su. Ɔ klolɛ'n ti yɛ n yoli i sɔ-ɔ.»

Neemi 13:31

Yie nga be siesieli i kɛ i blɛ ju-ɔ, be ´man'n, ɔ nin fie su aliɛ klikli ng'ɔ fite'n i manlɛ'n, n siesieli be i osu'n nun. «Min Nyanmiɛn, man ɔ́ wla kpɛn min su, nan yo min ye.»

Neemi 5:19

Min Nyanmiɛn, kwlaa nga n yoli m mannin sran nga mun'n, man ɔ́ wla kpɛn su. Nian su yo min ye .

Jue Mun 130:7

Izraɛlfuɛ mun, amun `fa amun wla gua Anannganman su! Afin ɔ ti aklunyefuɛ, ɔ kwla de amun lele tra su.

Jue Mun 5:7

A nunnun ato buafuɛ mun. Anannganman waan nán i nyinma wun sran kunfuɛ mun nin ndrunmun difuɛ mun.

Jue Mun 51:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ David nin Bat-Seba be sili sua bɔ Natan b'ɔ ti Nyanmiɛn nuan ijɔfuɛ'n ko wunnin i wun'n, i sin yɛ ɔ kpɛli jue sɔ nin-ɔn . I waan:

Ezai 38:3

ɔ seli i kɛ: «Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

Ezai 49:23

Famiɛn'm be wa kaci amún si, yɛ bé yi'm be wa ta amun. Be ´koto yɛ be ´utu bé nyin ase amún bo, be ´tafitafi amun ja wun ndutre'n, yɛ amun wa wun i wlɛ jrɛiin kɛ min yɛ n ti Anannganman nin-ɔn. I liɛ'n, be nga be ´fa bé wla gua min su'n, nyannzuɛn su kun-man be.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

Mmla'n 5:12

Man ɔ wla kpɛn wunmiɛn-delɛ-cɛn'n su, man ɔ yo min liɛ klonglo kɛ n kan kle wɔ'n sa.