Neemi 13:19 - NYANMIƐN NDƐ'N 1998

¹⁹ Kɛ ɔ fɛ i lɛ'n, n yoli man kɛ lika'n ´yo kɛ ɔ ´dun bɔ wunmiɛn-delɛ-cɛn'n ɔ'a ju'n, be nyin Zerizalɛm anuan mun. San wunmiɛn-delɛ-cɛn'n sin yɛ be tike be ekun-ɔn. N sieli min gbanflɛn'n wie mun anuan'm be nun kɛ nán be kplin su kɛ be fa trɔ fi wlu klɔ'n nun wunmiɛn-delɛ-cɛn'n nun.

Neemi 13:19 ပူးပေါင်းရင်းမြစ်များ

Neemi 13:20

Ninnge fanunfanun atɛ yofuɛ'm be lali Zerizalɛm klɔ'n sin kpalɛ kun annzɛ kpalɛ nnyɔn su.

Neemi 7:3

N seli be kɛ: «Sɛ wia nian tu-mɛn i bo'n, nán be tike Zerizalɛm klɔ'n i anuan mun. Nnɔsua'n, man be nyin ka nan anuan su nianfuɛ'm b'a jra junman. Man Zerizalɛmfuɛ'm be sasa klɔ'n, be `kacikaci bé wun. Be `siesie wie'm be lika'm be nun, wie'm be kusu be `jranjran be awlo'm be nyrun.»

Saun Yolɛ 23:22

Cɛn nga bɔ amun ´kpɛ like kɛ ble sa'n, i ng'ɔ fifili fie'n i nuan su'n, nán amun kpɛ. I nga amun ´kpɛ b'ɔ kali'n, nán amun sa amún sin amun kpɛ nun kun. Amun `yaci i kwlaa sɔ'n i lɛ be man yalɛfuɛ mun nin aofuɛ mun. Min yɛ n ti Anannganman amun Nyanmiɛn nin-ɔn.»

Saun Yolɛ 23:32

Nan i sɔ cɛn liɛ'n, amun `fa de wunmiɛn kɛ wunmiɛn-delɛ-cɛn'n i liɛ'n sa, amun `ci nglɛmun. Anglo'n i le ngwlan'n su'n, amun `bo wunmiɛn'n delɛ i bo nnɔsua nun lele aliɛ fa `cɛn amun nan ɔ `fa ju nnɔsua ekun.»

Jean 5:10

Wunmiɛn-delɛ-cɛn'n nun yɛ ɔ yoli sa sɔ nin-ɔn. Ɔ man Zuif'm be seli bian ng'ɔ yoli juejue'n kɛ: «Ndɛ ti wunmiɛn-delɛ-cɛn, nán sua ɔ bɛ'n.»