Neemi 13:17 - NYANMIƐN NDƐ'N 1998

¹⁷ N ijɔli Zida kpɛnngbɛn mun. Yɛ n usali be kɛ: «?Kɛlɛ amun si kɛ wunmiɛn-delɛ-cɛn'n i finfin nga amun yo'n ɔ ti sa tɛ dan yɛ amun yo-ɔ?

Neemi 13:17 ပူးပေါင်းရင်းမြစ်များ

Neemi 13:11

N ijɔli jɔlɛ difuɛ mun yɛ n usali be kɛ: «?Ɔ yo sɛ ti yɛ Nyanmiɛn i sua'n ka ngbɛn sa-a?» Nan m'an yia Levifuɛ mun nin jue tofuɛ mun, nan m'an sie be be osu'n nun.

Neemi 13:16

Tirfuɛ nga be tran Zerizalɛm'n be kusu, be fa jue annzɛ aata ninnge uflɛ mun ba, be yo be atɛ wunmiɛn-delɛ-cɛn'n nun Zidafuɛ'm bé sa nun Zerizalɛm lɛ.

Neemi 13:25

N ijɔli be nan m'an bo be sannzan. N boli sran sɔ'm be nun wie mun, n tutuli be timuɛn mun. N yoli man be tali Nyanmiɛn i nda be seli kɛ be fa-man bé wa bla be man-man aofuɛ'm bé wa yasua mun kun, be ja-man aofuɛ'm bé wa bla mun be man-man bé wa yasua mun kun, yɛ be bɔbɔ be ja-man aofuɛ'm bé wa bla mun kun.

Neemi 5:7

Yɛ m buli akunndan kɛ n ´ijɔ kpɛnngbɛn nin jɔlɛ difuɛ mun trɔ nga be fa jin be niaan'm be ti su'n i dan'n ti. Nan m'an kle anyia cɛn sa sɔ'n ti .

Nyanndra Mun 28:4

Be nga bɔ be fa-man Nyanmiɛn mmla'n su'n, be manman klunwifuɛ'n. Be bɔ be fa su'n kusu be nin klunwifuɛ'n bé ti sɛ-man.

Ezai 1:10

?Zerizalɛm kpɛnngbɛn mun, yoo amu'an kaci Sodɔm kpɛn siɛn'n? Amun `tie Anannganman i ndɛ b'ɔ kan'n! ?Zerizalɛmfuɛ mun, yoo kɛ ɔ o yɛ'n amu'an kaci Gomɔrfuɛ siɛn'n? Amun `sie amun su kpa be tie e Nyanmiɛn'n i mmla b'ɔ man'n!

Zeremi 13:18

Se famiɛn'n nin i nin be kɛ: «An `bubu gua asiɛ wun gblo. Afin amun famiɛn kle klanman'n ɔ'a fin amún ti su ɔ'a tɔ.

Zeremi 5:5

Man n sin n wɔ sran kaklaakla'm be sin ke! Be liɛ'n, be si Anannganman i atin'n. Mmla ng'ɔ ti i cinnjin'n be si i.» Kannzu be kusu b'a yi bé ti ɔ́ bo wie. Be nin wɔ b'a bu.

Ezekiɛl 20:13

Sanngɛ Izraɛlfuɛ'm be jasoli mín wun aawlɛ flɛnnɛn nun lɔ. B'a fa-man mín nuan ndɛ'n su. Be guali min mmla nga sran fa su-ɔ ɔ nyan nguan'n be blo. B'a bu-man be like fi. Be sacili min wunmiɛn-delɛ-cɛn'n tɛtɛ kpa. M buli akunndan kɛ n ´fa bé wun ya, yɛ n ´ngua-ngua ya sɔ'n i bo nan n ´nunnun be aawlɛ nun lɔ.

Saun Yolɛ 19:17

Nán amun niaan i kpɔlɛ ndɛ sa ɔ tran amun klun. Kɛ ɔ ko yo nan i dunman nun ti amu'an yo-man tɛ'n, sɛ ɔ yo amun sa'n, nán amun sisi amún bo, ndɛ nga amun wun i'n, amun kan kle i.

Mise 3:1

Zakɔb anunman'm bé su kpɛnngbɛn mun, Izraɛl nvle'n nun jɔlɛ difuɛ mun, an `sie amún su man n kan ndɛ n `kle amun. ?Nán amun yɛ ɔ fata bɔ an si mmla nin-ɔn?

Mise 3:9

Zakɔb anunman'm bé su ngbɛn mun, Izraɛl jɔlɛ difuɛ mun, amun yɛ n kan ndɛ nga m man amun-ɔn. Amun bɔ an klo-man nanwlɛ dilɛ, bɔ gblɛ'n yɛ amun kpɛ'n,