Neemi 13:15 - NYANMIƐN NDƐ'N 1998

¹⁵ Blɛ kunngba sɔ nun'n, n wunnin kɛ Zida nvle nun sran wie'm be cuɛn be vinyi mma i nzue'n yɛ be sua be ble'n wunmiɛn-delɛ-cɛn'n nun. Wie'm be fa aflunmun'm be sua nzan nin vinyi mma, nin figie mma, annzɛ trɔ uflɛ. Be fa ba Zerizalɛm wunmiɛn-delɛ-cɛn'n nun. Cɛn nga be ´yo be ninnge'm be atɛ sɔ'n, n ijɔli be.

Neemi 13:15 ပူးပေါင်းရင်းမြစ်များ

2 Be Nyoliɛ 24:19

Anannganman sunmɛnnin i nuan ijɔfuɛ mun kɛ be ko yo nan be sa bé sin blɛ i sin. Nyanmiɛn nuan ijɔfuɛ'm be kannin sa tɛ nga be yo'n i su ndɛ kleli be, sanngɛ sran fi ɔ'a fa-man be ndɛ sɔ'n.

Neemi 10:31

E tali nda ekun kɛ e fa-man é wa bla mun e man-man aja nvle uflɛ nun, nan e ja-man nvle uflɛ nun bla e man-man é mma mun.

Neemi 10:32

E tɛli i ekun kɛ nvle nga be yo aliɛ annzɛ like uflɛ atɛ'n, sɛ be fa ba wunmiɛn-delɛ-cɛn annzɛ e cɛn dilɛ uflɛ wie nun'n, e su to-man. E tɛli i kɛ e ´di fie afuɛ nsiɛn, nan i afuɛ nso su'n, e ´yaci asiɛ'n man ɔ de wunmiɛn. Sɛ é kalɛ o sran su'n, e ´yaci cɛ .

Neemi 13:16

Tirfuɛ nga be tran Zerizalɛm'n be kusu, be fa jue annzɛ aata ninnge uflɛ mun ba, be yo be atɛ wunmiɛn-delɛ-cɛn'n nun Zidafuɛ'm bé sa nun Zerizalɛm lɛ.

Neemi 13:21

N ijɔli be kpa. Yɛ n usali be kɛ: «?Ɔ yo sɛ ti yɛ amun la talɛ'n sin-ɔn? Sɛ amun yo i sɔ ekun'n, n ´yo man be tra amun.» Kɛ ɔ fɛ lɛ'n, b'a ba-man wunmiɛn-delɛ-cɛn'n nun kun.

Neemi 9:29

A jrannin bé wun kɛ be sa be sin be fa ɔ mmla'n su sanngɛ wuntulɛ'n ti b'a tie-man ɔ́ nuan ndɛ'n. Ɔ nuan ndɛ b'ɔ man sran ng'ɔ fa su'n i nguan'n, be yili i blo. B'a kan-man be wun ase, be keteli be anwlɛn'n, bé nyin ɔ'a yi-man wɔ.

Zɔb I Nyrɛnnɛn Wunlɛ 39:12

?A ´kwla lafi i su bɔ a ´fa ɔ ble bɔ b'a kpɛ'n a ´fa mɛn i kɛ ɔ ko guɛ i ɔ ngblaliɛ'n nun lɔ?

Jue Mun 50:7

Min sran mun, min bɔ n ti Nyanmiɛn'n, min bɔ n ti amun Nyanmiɛn'n, amun `sie amún su man n kan ndɛ n kle amun. Izraɛlfuɛ mun, amún wun ndɛ ng'ɔ o min klun'n, n wa kan kle amun.

Ezipt Lɔ Tulɛ'n 31:12

Anannganman seli Moiz kɛ:

Ezipt Lɔ Tulɛ'n 31:16

Man Izraɛlfuɛ'm be bu wunmiɛn-delɛ-cɛn'n i akunndan nan be `nian su. Blɛ kwlaa nun'n man be nin be osu'n nunfuɛ'm be si kɛ wunmiɛn-delɛ-cɛn sɔ'n ti aenguɛ nga e nin be e tra'n i su like, ɔ ´ka lɛ tititi.

Ezipt Lɔ Tulɛ'n 34:21

Amun `di junman cɛn ba nsiɛn, sanngɛ amun `fa cɛn nso su'n de wunmiɛn. Kannzɛ junman dilɛ blɛ o, sɛ kacɛ tulɛ blɛ o, sɛ ble kpɛlɛ blɛ o, amun `yo i sɔ.

Ezipt Lɔ Tulɛ'n 35:2

Amun `fa cɛn ba nsiɛn fa di junman, sanngɛ cɛn ba'n i nso su'n liɛ'n, ɔ ti Nyanmiɛn cɛn klonglo, be `de wunmiɛn. Sran kwlaa ng'ɔ di junman cɛn sɔ'n nun'n, man be kun i.

Nyanndra Mun 28:4

Be nga bɔ be fa-man Nyanmiɛn mmla'n su'n, be manman klunwifuɛ'n. Be bɔ be fa su'n kusu be nin klunwifuɛ'n bé ti sɛ-man.

Ezai 58:13

Anannganman wan yoo: «Sɛ amun di-man junman wunmiɛn-delɛ-cɛn nun kun'n, sɛ amun yo-man amun bɔbɔ amun klun klo ninnge mun min bɔbɔ mín cɛn sɔ nun'n, sɛ amun wun i wlɛ kɛ wunmiɛn-delɛ-cɛn'n yɛ man amun klun jɔ'n, nan ɔ ti min cɛn'n, nan ɔ ti cɛn dan'n, sɛ amun sie i ngunmin'n bɔ amun fa di-man junman'n, bɔ amun fa yo-man amun klun klo ninnge mun'n, bɔ amun fa kan-man finfin ndɛ kpanngban mun'n,

Zeremi 17:24

Anannganman'n waan: ‹Sanngɛ amun liɛ'n, sɛ amun tie mín nuan ndɛ'n, nan amu'an fa-man trɔ b'a wlu-man Zerizalɛm klɔ'n nun wunmiɛn-delɛ-cɛn nun'n, sɛ an sie wunmiɛn-delɛ-cɛn'n i ngunmin be man min nan amu'an di-man junman fi cɛn sɔ nun'n,

Zeremi 17:27

Nan sanngɛ sɛ amu'an sie-man amún su'n, sɛ amu'an sie-man wunmiɛn-delɛ-cɛn'n i ngunmin b'a man-man min nan an sua trɔ an fa sin Zerizalɛm klɔ'n i anuan nun, wunmiɛn-delɛ-cɛn nun'n, i liɛ'n, n ´trɔ klɔ'n nun sin yɛ sin sɔ'n ɔ ´di Zerizalɛm sua kpakpa mun, ɔ su nuan-man le.› »

Zeremi 42:19

Zeremi kɛnnin i ekun kɛ: «Amun bɔ amun ti Zidafuɛ'm be onga'n, Anannganman'n kan ndɛ kle amun. I waan nán amun wɔ Ezipt, amun tie i kpa, yɛ n ´kan kle amun kpongbogbo ndɛ yɛ.

Ezekiɛl 20:13

Sanngɛ Izraɛlfuɛ'm be jasoli mín wun aawlɛ flɛnnɛn nun lɔ. B'a fa-man mín nuan ndɛ'n su. Be guali min mmla nga sran fa su-ɔ ɔ nyan nguan'n be blo. B'a bu-man be like fi. Be sacili min wunmiɛn-delɛ-cɛn'n tɛtɛ kpa. M buli akunndan kɛ n ´fa bé wun ya, yɛ n ´ngua-ngua ya sɔ'n i bo nan n ´nunnun be aawlɛ nun lɔ.

Amɔs 8:5

An ko se kɛ: «Man anglo le kun'n wie sɔ nan e `nyan e ble'n i atɛ yowlɛ. Man wunmiɛn-delɛ-cɛn'n sin ndɛndɛ nan e `tike e tanngannin'm be su!» An kpɛ suliɛ'm be su, an kpɛ jayɛbuɛ'm be su. An mian toe'm be nun be fa di sran'm be lufle.

Mise 6:3

Ɔ usa be kɛ: «?Min sran mun, nguɛ sa yɛ n yoli amun-ɔn? ?Tɛ onin yɛ n yoli amun-ɔn? An `kan man n ti.

Sa nga bé yôli'n 2:40

Piɛr kannin ndɛ fanunfanun kleli be, ɔ yiyili nun weinwein, ɔ tuli be fɔ dan kpa kɛ be `yi bé wun ajulisufuɛ tɛtɛ nga'm be nun.

Sa nga bé yôli'n 20:21

N kan kleli Zuif mun nin Grɛk'm be kɛ be yaci nyin kekle yolɛ'n Nyanmiɛn su nan bé nyin yi i yɛ be lafi e Min Jésus su.

Galasifuɛ Mun 5:3

N ´kan kle be kwlaa nga be waan be ´wla klɛn mun'n kpa ekun kɛ san be ´fa mmla'n kwlakwlakwla su.

Efɛzfuɛ Mun 4:17

I sɔ'n ti'n, e Min'n dunman nun n se amun kɛ yoo: nán amun nzuɛn'n fa be bɔ be ti-man Zuif'n be liɛ'n kun. Be lɛ-man akunndan,

Mmla'n 8:19

Sɛ amún wla fi Anannganman amun Nyanmiɛn'n nan amun su amuɛn'm bé su amun sɔ be'n, nan amun koto bé bo'n, n ´kan kle amun ndɛkɛn weiin kpa kɛ amun ´wie wu.

1 Tɛsalonikfuɛ Mun 4:6

Sa kunngba nga su'n, nán an bu amun niaan lufle, nán an tiɛ i bɛ su, afin e kan kleli amun, yɛ e wlali amún su nun kpa kɛ sran ng'ɔ yo i sɔ sa'n, e Min'n ´tu i fɔ.