Neemi 13:14 - NYANMIƐN NDƐ'N 1998

¹⁴ «Min Nyanmiɛn, man ɔ́ wla kpɛn sa kpa nga n yoli'n su. Nán ɔ́ wla fi sa nga n yoli i ɔ sua'n i ti'n i su le. Nán ɔ wla fi ɔ sulɛ wafa nga n siesieli'n su. Ɔ klolɛ'n ti yɛ n yoli i sɔ-ɔ.»

Neemi 13:14 ပူးပေါင်းရင်းမြစ်များ

2 Famiɛn Mun 20:3

«Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

1 Be Nyoliɛ 29:3

Yɛ kusu n ´fa m bɔbɔ min sika ɔkwlɛ'n, ɔ nin min jɛtɛ ufue'n kwlaa n ´fa ukɛ i kwlaa nga n kunndɛli'n su n ´fa man, nan be fa kplan Anannganman i sua'n bɔ n klo i kpa'n.

2 Be Nyoliɛ 24:16

Be sieli i David Klɔ lɔ kan be sie famiɛn'm be lɛ'n, yɛlɛ kɛ ɔ yoli sa kpa Izraɛl mɛn'n nun, yɛ ɔ yoli man Nyanmiɛn nin i sua'n be nyannin nyrun.

Ɛsdras 7:20

Like uflɛ kwlaa ng'ɔ fata kɛ a yo i Nyanmiɛn i sua'n wun'n, fɛ i ti sika famiɛn'n i bɔlɛ'n nun.

Ɛsdras 7:24

I kun ekun b'ɔ nannan su'n, yɛlɛ Nyanmiɛn nyrun jranfuɛ mun, ɔ nin Levifuɛ mun, ɔ nin jue tofuɛ mun, ɔ nin anuan su nianfuɛ mun, ɔ nin Nyanmiɛn i sua nun junman difuɛ kun nga be lɛ su kpɛn mun, ɔ nin Nyanmiɛn i sua nun junman difuɛ nga'm be kwlaa be liɛ'n, nán be de be lapo fanunfanun'n wie fi.

Ɛsdras 7:27

«N ´la Anannganman, min nannan'm be Nyanmiɛn'n i ase, afin ɔ'a su famiɛn'n bo kɛ ɔ bu i bɔbɔ i Nyanmiɛn'n i sua ng'ɔ o Zerizalɛm lɔ'n i wun akunndan kpa.

Neemi 13:22

Yɛ n seli Levifuɛ'm be kɛ be yo bé wun saun nan be nian anuan'm be su wunmiɛn-delɛ-cɛn'n nun. I liɛ'n, sran'm be su yo-man wunmiɛn delɛ cɛn'n i finfin kun. «Min Nyanmiɛn! Man ɔ́ wla kpɛn min su sa nga n yoli i lɛ'n ti. Wɔ bɔ wɔ aunnvuɛ silɛ'n lɛ-man sin'n, nian min lika.»

Neemi 13:31

Yie nga be siesieli i kɛ i blɛ ju-ɔ, be ´man'n, ɔ nin fie su aliɛ klikli ng'ɔ fite'n i manlɛ'n, n siesieli be i osu'n nun. «Min Nyanmiɛn, man ɔ́ wla kpɛn min su, nan yo min ye.»

Neemi 5:19

Min Nyanmiɛn, kwlaa nga n yoli m mannin sran nga mun'n, man ɔ́ wla kpɛn su. Nian su yo min ye .

Ezai 38:3

ɔ seli i kɛ: «Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

Hébreu 6:10

Afin Nyanmiɛn yo-man sa b'ɔ ti-mɛn i su'n, i wla fi-man junman nga an dili nin klolɛ nga an fa klo i b'ɔ man an yoli i sran'm be ye bɔ an tɛ yo'n su'n.

Sa nglô yile 3:5

Sran ng'ɔ kwla'n, kɛ ɔ ´wlɛ i wun tralɛ ufue sɔ-ɔ. N su nunnun-mɛn i dunman'n nguan fluwa'n nun. M ´bo i dunman n kle min Si nin i anz mun .