Neemi 13:13 - NYANMIƐN NDƐ'N 1998

¹³ N sieli Selemia b'ɔ ti Nyanmiɛn nyrun jranfuɛ'n, nin Zadɔk b'ɔ ti fluwa klɛfuɛ'n, ɔ nin Pɛdaza b'ɔ ti Levifuɛ'n be kɛ be nian sua ba nga be sie ninnge nun'n be su. N fali Matania i wa Zakir i klun ba Anan n ukali be su. Be kwlaa sɔ'n, sran'm be di be wun lalo kɛ be ti sran kpa. Be yɛ n seli be ekun kɛ be cɛ ninnge'n nun be man be niaan mun-ɔn.

Neemi 13:13 ပူးပေါင်းရင်းမြစ်များ

2 Famiɛn Mun 12:15

Sanngɛ be fɛli i kwlakwla'n be mannin Anannganman i sua'n su junman difuɛ mun kɛ be fa wlawla sua'n nun.

2 Famiɛn Mun 12:16

Sran nga be fa sika'n wla bé sa nun kɛ be fa man sua'n i su junman difuɛ mun'n, be usa-man be kɛ be kan sika i wun ndɛ, afin be si kɛ sran sɔ'm be ti nanwlɛfuɛ.

2 Famiɛn Mun 22:7

sanngɛ nán be usa sika nga be fa mannin be'n i osu, afin be di nanwlɛ.»

Neemi 10:38

E waan e ´man Nyanmiɛn nyrun jranfuɛ mun e sanmlɛn mlɛnnɛnnɛn kpa'n wie, ɔ nin e ndidiɛ ninnge nga be fa yi sraka'n be wie, ɔ nin e waka'm be kwlaa be mma'm be wie, ɔ nin nzan lɔflɛ'n, nin ngo'n wie. E ´fa kɔ e Nyanmiɛn i sua ba'm be nun lɔ. E fie'm be su blusu'n b'ɔ ti Levifuɛ'm be liɛ'n, e waan be bɔbɔ be `wlan-wlan klɔ'n kwlaa su be `fa e junman'n nuan like'm be blusu'n.

Neemi 11:22

Zerizalɛm lɔ Levifuɛ'm be kpɛnngbɛn'n yɛlɛ Bani i wa Izi. Bani i si'n yɛlɛ Asabia, Asabia liɛ'n yɛlɛ Matania, Matania liɛ'n yɛlɛ Mise. Izi ti Azaf i osu'n nunfuɛ. Be yɛ be nian Nyanmiɛn i sua'n nun jue tolɛ'n i su-ɔ,

Neemi 12:35

Nyanmiɛn nyrun jranfuɛ'm be su be su, awɛ o be sa nun. Zakari nin i niaan'm be su Nyanmiɛn nyrun jranfuɛ'm be su. Zakari ti Zonatan i wa. Zonatan i si'n yɛlɛ Sɛmaɛza, Sɛmaɛza liɛ'n yɛlɛ Matania, Matania liɛ'n yɛlɛ Mise, Mise liɛ'n yɛlɛ Zakir, Zakir liɛ'n yɛlɛ Azaf.

Neemi 12:44

I blɛ sɔ nun'n, be sieli sran wie mun kɛ be `nian sua nga be fali ndidiɛ ninnge nga be fa yi sraka'n, nin fie'm bé su mma klikli'n, ɔ nin blusu'm be gua nun'n i su. Nyanmiɛn nyrun jranfuɛ'm be aliɛ nga mmla'n kleli kɛ be man be'n, kɛ be ko fɛ i klɔ'm be su be ba'n, sran nga be sieli be'n be yɛ be sɔ nun yɛ be fa sie i sua'm be nun-ɔn. Yɛ be yɛ be nian su-ɔ. Zidafuɛ'm be klun jɔli junman nga Nyanmiɛn nyrun jranfuɛ mun, nin Levifuɛ'm be dili'n su.

Neemi 3:30

Selemia i wa Anania yɛ Anɛn b'ɔ ti Zalaf i wa nsiɛn su'n be o i sa su lɛ. Berekia i wa Mɛsilam wo be kusu be sa su lɛ. Ɔ dili i junman liɛ'n i sua'n i nyrun lɛ.

Neemi 7:2

N sieli min niaan Anani ɔ nin Anania Zerizalɛm klɔ'n su kpɛnngbɛn. Anania ti sran kun b'ɔ nanti klanman, yɛ i nyin yi Nyanmiɛn tra sran sunman.

Neemi 8:4

Be fali waka be boboli lika nglo-nglo kun. I su'n ti kpɛkplɛkpɛ. I su yɛ Ɛsdras jrannin-ɔn, Matitia nin Sema, nin Anania, nin Iri, nin Ilkiza, nin Maazeza be o i sa fama su, yɛ Pɛdaza, nin Mikaɛl, nin Malkiza, nin Asɔm be o i sa bɛ su.

JÉSUS-CHRIST I DYASIN FE'N BO LUC KLELI'N 12:42

Yɛ e Min'n seli kɛ: «?Wan yɛ ɔ ti sran kpa b'ɔ si like su nian kpa, bɔ i min'n fɛ i sie i minniɛn'm be su kɛ ɔ man be aliɛ cɛn bɔ be sieli'n su nin-ɔn?

Sa nga bé yôli'n 4:35

be fa blɛ be bɔ Jésus sunmannin be'n. Sika nga sran kun sa miɛn i wun'n, ɔ ba, be fa mɛn i.

Sa nga bé yôli'n 6:1

Blɛ sɔ'n nun'n, kɛ Jésus sɔnnzɔnfuɛ'm be ´trɛ'n, Zuif'm bɔ be ijɔ Grɛk'n be kan be bɔ be ijɔ Ebre'n be ndɛ yɛlɛ kɛ cɛn kwlaa kɛ be ´cɛ aliɛ'n, be bu-man be angboti mmla'm be akunndan.

Sa nga bé yôli'n 6:3

I sɔ'n ti, nja mun, an `kpa amun nun sran nso bɔ be bo be dunman kpa, bɔ Nyanmiɛn Wawɛ'n sie be, bɔ be si ngwlɛlɛ kpa'n, man e fa junman sɔ'n man be.

1 Korɛntfuɛ Mun 4:2

Kusu sa ng'ɔ ti cinnjin'n, yɛlɛ kɛ sran ng'ɔ nian ninnge su'n, ɔ `yo sran kpa.

1 Timote 1:12

N ´la e Min Krist-Jésus b'ɔ wlali n fanngan'n i ase, afin m bɔ laa n saci i dunman'n bɔ n kle i yalɛ'n, bɔ n kpɛ i nzowa'n, ɔ buli n sran, yɛ ɔ fa min wlɛli i i junman'n nun. Nyanmiɛn sili min aunnvuɛ, afin sa wlɛ bɔ n wun-mɛn i'n nin i su bɔ n lafi-man'n ti yɛ n yoli sɔ-ɔ.

1 Timote 3:10

Man be dun mmua sa be nian, sɛ be nian be bɔ b'a wun-man fɔ be wun'n, be ko di be junman sɔ'n.