Neemi 12:7 - NYANMIƐN NDƐ'N 1998

⁷ Sali, Amɔk, Ilkiza, ɔ nin Zɛdaɛza. Be yɛ be ti be niaan Nyanmiɛn nyrun jranfuɛ'm be kpɛnngbɛn Zozie i blɛ su-ɔ.

Neemi 12:7 ပူးပေါင်းရင်းမြစ်များ

2 Famiɛn Mun 18:18

Be waan be ´kan ndɛ kle famiɛn'n. Ilkiza i wa Eliakim b'ɔ ti famiɛn'n i awlo'n i su kpɛn'n, ɔ nin Sɛbna b'ɔ ti famiɛn'n i fluwa klɛfuɛ'n, ɔ nin Azaf i wa Zɔas b'ɔ ti famiɛn'n i nuan ijɔfuɛ'n be ɔli be ko toli be kan be jrannin lɔ'n.

1 Be Nyoliɛ 24:18

Dɛlaza nyɛnnin i ablaɔn-nin-nsan su'n, yɛ Maazia nyɛnnin i ablaɔn-nin-nnan su'n.

Ɛsdras 3:2

Zozadak i wa Zozie, ɔ nin i niaan Nyanmiɛn nyrun jranfuɛ mun, be nin Sealtiɛl i wa Zorobabɛl nin i niaan mun be bo yoli kun kɛ be ´kplan Izraɛl Nyanmiɛn sɔwlɛ'n. Be waan be ´kplan nan be ´yi tɛ nga be yrɛ i nnɛn'n kɔlikɔli'n i su kɛ Moiz b'ɔ ti Nyanmiɛn i sran'n i mmla fluwa'n waan be yo'n sa.

Neemi 12:1

Nyanmiɛn nyrun jranfuɛ nin Levifuɛ nga be nin Sealtiɛl i wa Zorobabɛl, ɔ nin Zozie be bali'n be yɛ: Sɛraza, Zeremi, Ɛsdras,

Neemi 12:6

Sɛmaɛza, Zozarib, Zɛdaɛza,

Neemi 12:8

Levifuɛ'm be yɛ: Zozie, Binii, Kadmiɛl, Serebia, Zida, ɔ nin Matania. Matania ɔ nin i niaan'm be yɛ be jran jue tofuɛ'm be nyrun kɛ be ´to Nyanmiɛn manmanlɛ jue mun nin-ɔn.

Ndɛ Nga Nyanmiɛn I Nuan Ijɔfuɛ Aze Kannin'n 1:1

Kɛ Dariis trannin famiɛn bia su'n, i afuɛ nnyɔn'n i anglo nsiɛn'n i cɛn klikli'n su'n, Anannganman kannin ndɛ kleli Aze b'ɔ ti i nuan ijɔfuɛ'n. I waan ɔ `se Sealtiɛl wa Zorobabɛl b'ɔ sie Zida'n ɔ nin Zozadak wa Zozie b'ɔ ti Nyanmiɛn nyrun jranfuɛ'm bé su kpɛn'n be kɛ:

Zakari 3:1

Anannganman'n fali Nyanmiɛn nyrun jranfuɛ'm bé su kpɛn Zozie kleli min. Ɔ nin Anannganman i anz'm be jinjin lɛ. Satan kusu jin i sa fama su, ɔ kunndɛ kɛ ɔ ´sɛnmɛn i.