Neemi 12:46 - NYANMIƐN NDƐ'N 1998

⁴⁶ Kɛ ɔ fɛ i lalafuɛ nun'n, David nin Azaf be blɛ su'n, jue tofuɛ'm be nyrun jranfuɛ'm be o lɛ, be tinngɛ Nyanmiɛn i ayɛ yilɛ nin i manmanlɛ jue mun.

Neemi 12:46 ပူးပေါင်းရင်းမြစ်များ

1 Be Nyoliɛ 9:33

Levifuɛ nga be ti awlobo kpɛnngbɛn bɔ be to jue'n, be la Nyanmiɛn i sua'n i sua ba'm be nun. Be di-man junman uflɛ. Kɔnguɛ nin wia su be o be junman liɛ sɔ'n su.

2 Be Nyoliɛ 29:30

Yɛ famiɛn'n nin i awlo lɔ sran dandan'm be seli Levifuɛ'm be kɛ be to jue bɔ David nin Azaf b'ɔ ti Nyanmiɛn nuan ijɔfuɛ'n be kpɛli'n. Be waan be `to be manman Anannganman. Levifuɛ'm be kpajali bé wun be toli jue'n, i sin be kotoli yɛ be utuli be nyin ase, yɛ be suli Anannganman.

Neemi 11:17

Be wie yɛlɛ Mise i wa Matania. Mise i si'n yɛlɛ Zabdi, Zabdi liɛ'n yɛlɛ Azaf. Kɛ be ´srɛ Nyanmiɛn, Matania yɛ ɔ man Nyanmiɛn i manmanlɛ jue'm be su-ɔ, Bakbikia, b'ɔ ti Matania i niaan be nun kun'n ɔ ukɛ i. Be wie yɛlɛ Samia i wa Abda. Samia i si'n yɛlɛ Galal, Galal liɛ'n yɛlɛ Zɛditɛn.

Jue Mun 137:4

?E to Anannganman i jue'n mɛn uflɛ nun sɛ bɔ cɛ yɛ ɔ yo ye-ɔ?

Jue Mun 73:1

Jue nga ti Azaf liɛ. I waan: Nanwlɛ, Anannganman yo Izraɛl i kpa. Ɔ yo be nga be anwlɛn'n nun ti weiin'n be kpa kusu.

Jue Mun 83:1

Jue nga ti Azaf liɛ. I waan: