Neemi 12:45 - NYANMIƐN NDƐ'N 1998

⁴⁵ Nyanmiɛn nyrun jranfuɛ mun, nin Levifuɛ'm be dili be Nyanmiɛn i junman'n, yɛ be dili sran nin ninnge'm be saun yolɛ junman'n. Jue tofuɛ mun, nin anuan su nianfuɛ'm be kusu be niannin siesielɛ nga David nin i wa Salomɔn be siesieli'n su.

Neemi 12:45 ပူးပေါင်းရင်းမြစ်များ

2 Famiɛn Mun 7:10

Yɛ be ɔli-ɔ. Kɛ be juli lɔ'n, be flɛli anuan nun gladi difuɛ mun, nan b'a bo jasin'n b'a kle be. Be waan: «E ɔli Sirifuɛ'm be nanmue'n nun lɔ. Sran fi nun-man lɔ, y'a ti-man sran fi ngan. Like nga be o lɔ'n, yɛlɛ nnɛn kpanngɔ mun, ɔ nin aflunmun mun, be minnda-minnda lɛ. Yɛ tannin sua'm be o lɛ bɔ cɛ.»

1 Be Nyoliɛ 23:28

Sran sɔ mun be o Aarɔn osu'n nunfuɛ'm bé sa nun. Anannganman i sua'n nin awlo klun'n, ɔ nin sua ba nga be mantan Nyanmiɛn i sua'n, be nun lɔ yɛ be di junman-an. Be yɛ be yo Nyanmiɛn sulɛ ninnge'm be saun-ɔn. Be di junman fanunfanun ng'ɔ o Nyanmiɛn i sua'n nun'n.

1 Be Nyoliɛ 26:26

Ninnge kpakpa nga famiɛn David, nin awlobo kpɛnngbɛn mun, nin sonja akpi, nin sonja ya bé su kpɛn mun, ɔ nin sonja'm bé su kpɛn kun nga mun be sieli be ngunmin mannin Nyanmiɛn'n, Sɛlɔmit nin i niaan mun yɛ be nian su-ɔ.

2 Be Nyoliɛ 23:6

Nán sran fi wlu Anannganman i sua'n nun, san Nyanmiɛn nyrun jranfuɛ mun nin Levifuɛ'm bɔ junman'n ɔ'a to be'n, yɛlɛ kɛ be ti saun. Sran kun nga mun, be `fa Anannganman i mmla ng'ɔ mannin'n su.