Neemi 12:43 - NYANMIƐN NDƐ'N 1998

⁴³ Le kun sɔ'n, e yili sraka kpanngban, yɛ e dili cɛn bɔbɔ, afin sa nga Nyanmiɛn yo mɛnnin i sran mun'n, ɔ man be klun jɔli dan. Bla nin ba kanngan'm be ngba yɛ be klun jɔli sɔ nin-ɔn. Be tili Zerizalɛmfuɛ'm be aklunjuɛ kplanlɛ'n mmua.

Neemi 12:43 ပူးပေါင်းရင်းမြစ်များ

2 Be Nyoliɛ 20:13

Zidafuɛ'm be kwlaa, be nin be anunman mun, nin bé yi mun, ɔ nin be mma mun, be jrannin Anannganman nyrun lɛ.

2 Be Nyoliɛ 20:27

I sin'n, Zidafuɛ mun nin Zerizalɛmfuɛ'm be kwlaa be suli Zozafat su be sali bé sin ɔli Zerizalɛm. Kɛ be ´kɔ'n, be klun ti jɔwa. Anannganman delɛ b'ɔ deli be be kpɔfuɛ'm bé sa nun'n ti be wun kpajali be.

2 Be Nyoliɛ 7:10

Anglo nso su'n i cɛn ba ablaɔn-nin-nsan su'n, Salomɔn mannin sran'm be atin kɛ be sanndi be wɔ tannin sua'm be nun. Kɛ be ´ko'n, bé wun kpajali be, yɛ be klun jɔli kpa, afin Anannganman yoli David nin Salomɔn, ɔ nin Izraɛl b'ɔ ti i nvle'n be ye.

Ɛsdras 3:13

Be aklunjuɛ kpanlɛ nin be sunlɛ'n, be lɛ-man ngbaciɛ, i kwlakwla sanngan nun kunngba. Nganniɛn dan b'ɔ Izraɛlfuɛ'm be yoli'n be ti i mmua lɔ.

Neemi 12:27

Kɛ be ´yi Zerizalɛm talɛ'n i nglo'n, be ko yiali Levifuɛ'm be lika nga be tran nun'n i kwlaa nun kɛ be bla Zerizalɛm be wa di cɛn'n wie. Be flɛ be kɛ be wa to jue, be bo aaba ndɛ nin jru, nin aluku be manman Nyanmiɛn.

Neemi 12:42

Maazeza, Sɛmaɛza, Eleazar, Izi, Zosanan, Malkiza, Elam, ɔ nin Ezɛr, be kusu be o lɛ wie. Jue tofuɛ'm be toli jue. Zizrakza yɛ ɔ jin be nyrun-ɔn.

Zɔb I Nyrɛnnɛn Wunlɛ 34:29

?I kusu, sɛ Nyanmiɛn waan ɔ yo-man like fi'n, wan yɛ ɔ kwla bu i fɔ-ɔ? ?Sɛ i waan ɔ su fia'n, wan yɛ ɔ kwla wun i-ɔ? Ɔ nian nvle wunmuan nin klɔ sran'm be su.

Jue Mun 27:6

Kpɛkuun min yɛ m'an nyan kɔmin min kpɔfuɛ nga be sin yia min'n be nyrun yɛ. N ´yi sraka Anannganman i sua'n nun n ´fa mɛn i. M ´bo awɛ, n ´to jue, m ´mɛnmɛn i.

Jue Mun 28:7

Ɔ man min wunmiɛn, yɛ ɔ sasa min. N fa min wun n wlɛ i sa nun, kpɛkuun i kusu uka min. Ɔ man min klun jɔ yɛ n to jue n fa mɛnmɛn i.

Jue Mun 9:2

Anannganman, n ´tu n klun m ´manman wɔ, n ´kan abonuan sa nga a yoli be'n i kwlakwla.

Jue Mun 92:4

wuun be bo jru annzɛ sanngo'n, annzɛ aluku'n, i sɔ'n ti kpa o!

Ezai 61:3

I waan nán Siɔnfuɛ bɔ be o sɛ nun'n be fa nzuɛn gua bé ti'n su kun. I ti i waan m blɛ be kle klanman. I waan nán be tran aunnvuɛ-aunnvuɛ kun. I ti i waan m blɛ be ngo fannin. I waan nán bé wla bo kun. I ti i waan m blɛ be cɛn dilɛ tralɛ. I liɛ'n, be ´flɛ be kɛ Sɛsɛ Yolɛ Waka Mun. Yɛ be ´flɛ be ekun kɛ Fie B'ɔ Yi Anannganman i Nyrun Nyannyan'n i Nglo.

Zeremi 31:13

Kpɛkuun siɛn'n, talua'm be klun wa jɔ, be ´si able. Gbanflɛn mun nin kpɛnngbɛn'm be ´si able wie. Afin n ´yo man be awlaboɛ'n kaci aklunjuɛ. N fɔnvɔ be man be klunngbɔ'n wie, yɛ be klun ´jɔ.

Kalɛ 10:10

Amun aklunjuɛ cɛn'm be nun'n, bɔ yɛlɛ amun cɛn dilɛ mun nin amun anglo le kun cɛn dilɛ mun'n, kɛ amun ´yi tɛ nga be yrɛ be nnɛn'n kɔlikɔli'n nin bo kun yolɛ i su tɛ'n, amun `bo awɛ'n. I sɔ'n nun yɛ mín wla ´kpɛn amún su-ɔ. Min yɛ n ti Anannganman amun Nyanmiɛn nin-ɔn.»

Matthieu 21:15

Sanngɛ abonuan sa bɔ Jésus yoli be'n, ɔ nin ba kanngan bɔ be kpan Nyanmiɛn i sua'n nun kɛ: «Nyanmiɛn man David Anunman'n cɛ é su'n!», ɔ yoli Nyanmiɛn nyrun jranfuɛ dandan nin mmla klefuɛ'm be ya.

Matthieu 21:9

Sran nga be dun mmua Jésus nyrun'n ɔ nin be nga be su i su'n, be kpan se kɛ: «Ozanna David Anunman! ‹Sran ng'ɔ ba e Min Nyanmiɛn dunman nun'n man ɔ nyan nguan!› Man Ozanna'n tɛ nyanmiɛn su lɔ !»

Jean 16:22

Amun kusu, awlaboɛ'n wo amun su kɛ e ´se yɛ'n, sanngɛ kɛ n wa wun amún wun ekun'n, amun klun ´jɔ, yɛ sran fi su kwla bo-man amún wla.

Efɛzfuɛ Mun 5:19

Kɛ amun ´koko yalɛ'n, an `kan Nyanmiɛn Jue fluwa nun ndɛ, yɛ an `to Nyanmiɛn manmanlɛ jue. An `tu amun klun to jue manman e Min'n, yɛ an `bo flɛ i.

Jacques 5:13

Sɛ nyrɛnnɛn wo amun nun wie su'n, man ɔ koko kle Nyanmiɛn. Sɛ amun nun wie klun ti jɔwa'n, man ɔ to jue manman Nyanmiɛn.

1 Samiɛl 4:5

Kɛ Anannganman i alaka'n juli lɛ cɛ'n, Izraɛlfuɛ'm be ngba be tru sɔ ekeee! Nan asiɛ'n ɔ'a keje.