Neemi 12:39 - NYANMIƐN NDƐ'N 1998

³⁹ I sin e sinnin Efraim anuan'n su, ɔ nin Zekana anuan'n su, nin Jue anuan'n su, e buli Ananeɛl i sasawlɛ sua'n, ɔ nin Mea i sasawlɛ sua'n be wun, e juli Bua anuan'n su. E ko jrannin bisua'n i anuan'n nun.

Neemi 12:39 ပူးပေါင်းရင်းမြစ်များ

2 Famiɛn Mun 14:13

Zɔas b'ɔ ti Izraɛl famiɛn'n trali Akazia i wa Zɔas i klun ba Amazia b'ɔ ti Zida famiɛn'n, ɔ trɛli i Bɛt-Semɛs lɔ. I sin'n, ɔ ɔli Zerizalɛm. Kɛ ɔ fɛ i Efraim anuan'n nun b'ɔ ´fa ju cɔnjɔ'n su anuan'n nun lɔ'n, ɔ bubuli klɔ'n i wun talɛ'n mɛtri ya nnyɔn.

Neemi 12:40

Jue tofuɛ akpasua nnyɔn'm be jrannin Nyanmiɛn i sua'n nun. N kusu e nin jɔlɛ difuɛ nga be nin min ba'n e jrannin,

Neemi 3:1

Eliasib b'ɔ ti Nyanmiɛn nyrun jranfuɛ'm be su kpɛn'n ɔ nin i wiengu Nyanmiɛn nyrun jranfuɛ'm bé bo yoli kun. Be kplannin anuan nga be flɛ i kɛ Bua'm be anuan'n i talɛ'n. Be yili i nglo nan b'a wlɛ i anuan'n. I sin be kplannin talɛ'n lele juli klɔ'n i sasawlɛ nga be flɛ i sran ya Sawlɛ'n. Be yili i nglo, kpɛkuun be kplannin talɛ'n lele juli klɔ'n i sasawlɛ kun nga be flɛ i Ananeɛl Sasawlɛ'n i wun lɔ.

Neemi 3:25

Izai i wa Palal o i sa su lɛ. I junman diwlɛ'n fɛ i talɛ'n i cɔnjɔ'n su lɛ fa ju klɔ'n i sasawlɛ ng'ɔ o famiɛn'n i sua'n i ndɛnman, bisua'n i wun lɛ'n. Parɛɔs i wa Pɛdaza o i sa su lɛ.

Neemi 3:3

Sɛnafuɛ'm be kplannin anuan nga be flɛ i Jue anuan'n. Be dun mmua kplannin anuan'n i wlawlɛ'n, kpɛkuun be fali anuan'n wlali nun, nan b'a wlɛ i sin blalɛ ng'ɔ tra nun'n nin i nun gboklo mun.

Neemi 3:6

Pazeak i wa Zozada nin Bɛzɔdia i wa Mɛsilam be yoli Zekana anuan'n i uflɛ. Be dun mmua kplannin i wlawlɛ'n, i sin be wlali anuan'n, nan b'a wlɛ i sin blalɛ ng'ɔ tra nun'n ɔ nin gboklo mun!

Neemi 8:16

Yɛ sran'm be ɔli-ɔ, nan b'a ko kpɛ nnya-nnya sɔ mun b'a ba. Wie'm be fuli bé sua'm bé ti su nglo gbagblagba'n su yɛ be kplannin be kpata liɛ mun-ɔn. Wie'm be kplannin be liɛ'n be awlo'n i klun lɛ. Wie'm be kplɛnnin i Nyanmiɛn i sua'n i awlo'n nun lɛ Nzue anuan'n i lika gbaun'n nun, annzɛ Efraim Anuan'n i nyrun lɛ gbaun'n nun.

Zeremi 31:38

Anannganman'n waan: «Cɛn wie lele be ´kplan Zerizalɛm klɔ'n Anannganman i dunman'n ti. Be ´bo i bo Ananeɛl i sasawlɛ sua'n wun lɔ be ´fa ju cɔnjɔ'n su anuan'n nun.

Zeremi 32:2

Kɛ ɔ ´kan kle i sɔ'n, wuun Babilɔni sonja'm b'a bo b'a sin b'a yia Zerizalɛm klɔ'n, wuun b'a wla Nyanmiɛn nuan ijɔfuɛ Zeremi i bisua Zida famiɛn'n i awlo'n nun lɔ.

Sofoni 1:10

I cɛn sɔ nun'n, kpanlɛ ´tɛ Jue Anuan'n nun lɔ, yɛ awuyomo ´tɛ klɔ'n i akpasua uflɛ'n su lɔ. Nganniɛn dan ´tɛ kpɔlɛ'm be su.» Anannganman'n yɛ ɔ kan sɔ-ɔ.

Jean 5:2

Zerizalɛm klɔ'n i anuan nga be flɛ i Bua'm be Anuan'n, gble kun o lɛ, be flɛ i ebre nun Betɛsda, be boli akpa nnun lɛ.