Neemi 12:30 - NYANMIƐN NDƐ'N 1998

³⁰ Nyanmiɛn nyrun jranfuɛ'n nin Levifuɛ'm be yoli bé wun saun. Be yoli Izraɛlfuɛ'm be saun, be yoli anuan'm be saun, yɛ be yoli talɛ'n i saun.

Neemi 12:30 ပူးပေါင်းရင်းမြစ်များ

Bo Bolɛ 35:2

Yɛ Zakɔb seli i yi nin i mma nin i sa nun sran'm be kwlaa kɛ: «An `gua amuɛn nga be o amún sa nun'n be ase. An `yo bé wun saun. An `kaci amun tralɛ mun.

1 Be Nyoliɛ 15:14

Nyanmiɛn nyrun jranfuɛ mun nin Levifuɛ'm be yoli bé wun saun kɛ be ´ko fa Anannganman b'ɔ ti Izraɛl Nyanmiɛn'n i alaka'n be ´ba.

2 Be Nyoliɛ 29:34

Nyanmiɛn nyrun jranfuɛ nga be o lɛ'n b'a sɔn-man. Ɔ man Nyanmiɛn nyrun jranfuɛ nga be o lɛ sɔ'n be kwla yi-man nnɛn nga be fa yili tɛ nga be yra be nnɛn'n kɔlikɔli'n bé kplo'n i ngba. I sɔ'n ti kɛ Nyanmiɛn nyrun jranfuɛ wie'm be nian wie-man be wun saun yo'n, be nga be o lɛ sɔ'n be niaan Levifuɛ'm be ukali be nnɛn'm be kplo yilɛ sɔ'n nun lele ɔ wieli. Levifuɛ'm bé wun saun yolɛ'n miannin be trali Nyanmiɛn nyrun jranfuɛ mun.

2 Be Nyoliɛ 29:5

Yɛ ɔ seli be kɛ: «Levifuɛ mun, amun `sie bé su! Amun `yo amún wun saun siɛn'n, amun `yo Anannganman amun nannan'm be Nyanmiɛn'n i sua'n i saun. Amun `yiyi i nun ninnge nga be ti fiɛn'n mun.

Ɛsdras 6:21

Izraɛlfuɛ nga be trali be lomuɛn bɔ be sali be sin'n, be dili Delɛ-cɛn'n. Be niaan nga be yili bé wun mɛn nunfuɛ'm be sa tɛtɛ bɔ be yo be i nun'n, be kusu be dili wie, afin be nin be nga mun bé bo yoli kun be suli Anannganman b'ɔ ti Izraɛl Nyanmiɛn'n.

Neemi 12:29

ɔ nin Bɛt-Gilgal, ɔ nin Gɛba, nin Azmavɛt asa'n su be bali.

Neemi 13:22

Yɛ n seli Levifuɛ'm be kɛ be yo bé wun saun nan be nian anuan'm be su wunmiɛn-delɛ-cɛn'n nun. I liɛ'n, sran'm be su yo-man wunmiɛn delɛ cɛn'n i finfin kun. «Min Nyanmiɛn! Man ɔ́ wla kpɛn min su sa nga n yoli i lɛ'n ti. Wɔ bɔ wɔ aunnvuɛ silɛ'n lɛ-man sin'n, nian min lika.»

Neemi 13:30

N fuannin aofuɛ'm be kwlaa Izraɛlfuɛ'm be afiɛn. Nyanmiɛn nyrun jranfuɛ nin Levifuɛ'm be junman wafa nga be siesieli i laa kɛ be ´yo'n, n siesieli i osu'n nun. Be nun kunngun be trannin be osu'n nun.

Zɔb I Nyrɛnnɛn Wunlɛ 1:5

Kɛ be ko wie bé cɛn'n i di'n, Zɔb flɛ be yɛ ɔ yo bé saun. Kpɛkuun ɔ jaso nglɛmun ndɛ ɔ kun nnɛn yi tɛ nga be yrɛ i nnɛn'n kɔlikɔli'n. Ɔ yi tɛ sɔ'n i mma'm bé ti nun ti nun. Afin i waan: «N si-man sɛ min mma'm be yoli sa tɛ wie o! Sɛ be kannin Nyanmiɛn i ya o!» Kɛ Zɔb yo i sɔ titi-ɔ.

Ezipt Lɔ Tulɛ'n 19:10

Anannganman seli Moiz ekun kɛ: «Sa ɔ́ sin sran'm bé wun lɔ nan se be kɛ be `yo bé wun saun ndɛ nin ainman. Be `kpu be tralɛ mun.

Ezipt Lɔ Tulɛ'n 19:15

I sin ɔ seli be kɛ: «Amun `siesie amun wun amun `minndɛ ainman. Nán amun nin amun yi'm be la nna tɛ.»

Hébreu 5:1

Nyanmiɛn nyrun jranfuɛ'm be su kpɛn kwlaa nga be fɛ i'n, be sie i kɛ ɔ jran sran'm bé nuan Nyanmiɛn nyrun nan like nga sran'm be waan be ´fa mɛn i'n, ɔ nin nnɛn nga be fa sɔ i'n, be fa mɛn i.

Hébreu 5:3

Kɛ ɔ ti sran sɔ'n ti'n, san ɔ ´fa nnɛn sɔ Nyanmiɛn i bɔbɔ i sa tɛ'n nin sran'm be liɛ'n ti .