Neemi 12:26 - NYANMIƐN NDƐ'N 1998

²⁶ Be dili be junman liɛ'n Zozadak i wa Zozie i klun ba Zozakim i blɛ su. Kɛ ɔ ´yo sɔ'n, wuun Neemi ɔ ti nvle siefuɛ'n, wuun Ɛsdras kusu ti Nyanmiɛn nyrun jranfuɛ nin mmla klefuɛ.

Neemi 12:26 ပူးပေါင်းရင်းမြစ်များ

2 Be Nyoliɛ 9:26

Famiɛn nga be o Efrat nzue'n nuan lele fa ju Filistifuɛ'm be mɛn'n nun'n nin Ezipt anyialiɛ'n su lɔ'n, Salomɔn sie be.

Ɛsdras 7:11

Ɛsdras ti Nyanmiɛn nyrun jranfuɛ, i kunngba'n ti mmla klefuɛ, ɔ si mmla nga Anannganman fa mannin Izraɛlfuɛ mun'n. Fluwa nga famiɛn Artaksɛrksɛs fa mɛnnin i'n yɛ:

Ɛsdras 7:6

Ɛsdras sɔ'n fin Babilɔni lɔ yɛ ɔ bali-ɔ. Ɔ ti Anannganman b'ɔ ti Izraɛl Nyanmiɛn'n i mmla nga Moiz mannin'n i klefuɛ. Ɔ si mmla sɔ'n kpa sakpa. Anannganman b'ɔ ti i Nyanmiɛn'n jin i sin. Ɔ man like kwlaa ng'ɔ usali famiɛn'n, ɔ fa mɛnnin i.

Neemi 8:1

Anglo nso'n i cɛn klikli'n su'n, be kwlaa be yiali anuan nga be flɛ i Nzue anuan'n i nyrun lɛ gbaun'n nun. Be seli Ɛsdras b'ɔ ti mmla klefuɛ'n kɛ ɔ fa mmla fluwa nga Anannganman man Moiz klɛ mannin Izraɛlfuɛ mun'n bla.

Neemi 8:9

Kɛ sran'm be tili ndɛ sɔ'n, kpɛkuun be su sun. Yɛ Neemi b'ɔ ti siefuɛ'n, ɔ nin Ɛsdras b'ɔ ti Nyanmiɛn nyrun jranfuɛ bɔ i kunngba'n ti mmla klefuɛ'n, ɔ nin Levifuɛ nga be tuli mmla'n i bo'n be seli be kɛ: «Ndɛ cɛn'n ti Anannganman amun Nyanmiɛn i cɛn, man nyrun mlanlɛ nin sunlɛ'n wie.»