Neemi 12:24 - NYANMIƐN NDƐ'N 1998

²⁴ Asabia nin Serebia, nin Kadmiɛl i wa Zozie bɔ be ti Levifuɛ'm be kpɛnngbɛn'n, be nin be niaan mun, be yɛ be to Nyanmiɛn i manmanlɛ nin i ayɛ yilɛ jue mun-ɔn. Be tran Levifuɛ kun nga'm be nyrun ndɛnman su. Be niannin nga David b'ɔ ti Nyanmiɛn i sran'n ɔ siesieli'n su yɛ be yoli-ɔ.

Neemi 12:24 ပူးပေါင်းရင်းမြစ်များ

1 Famiɛn Mun 17:24

Yɛ bla'n seli Eli kɛ: «Nanwlɛ, kannzu a ti Nyanmiɛn nuan ijɔfuɛ sakpa. Ndɛ nga a kan'n ɔ fin Nyanmiɛn sakpa.»

1 Be Nyoliɛ 16:4

Levifuɛ nga Nyanmiɛn junman'n ɔ'a to be'n, David fali be sieli Anannganman i alaka'n i nyrun lɛ kɛ be manman Anannganman b'ɔ ti Izraɛlfuɛ'm be Nyanmiɛn, be yi i ayɛ, yɛ be bo be flɛ i.

2 Be Nyoliɛ 8:14

Ɔ siesieli Nyanmiɛn nyrun jranfuɛ mun akpasua-akpasua kɛ be junman'n fa ti'n sa. Ɔ siesieli Levifuɛ'm be kusu kɛ be junman'n fa ti'n sa. Levifuɛ'm be junman'n yɛlɛ Anannganman manmanlɛ. Be di be junman'n Nyanmiɛn nyrun jranfuɛ'm be nyrun lɛ kɛ be kleli be kɛ be `fa yo i cɛn kwlaa'n sa. Ɔ siesieli be nga be nian anuan'm be su'n sɛsɛsɛ. Ɔ fa be siesieli anuan'm be kwlaa be su kɛ be akpasua'm be fa ti'n sa. Kɛ David b'ɔ ti Nyanmiɛn i sufuɛ'n waan be yo'n, i su yɛ ɔ niannin yɛ ɔ siesieli be kwlakwla sɔ nin-ɔn.

Ɛsdras 2:40

Zozie nin Kadmiɛl bɔ be ti Levifuɛ'm be awlo'n nunfuɛ'm be nannan yɛlɛ Ɔdavia, awlo sɔ'm be nunfuɛ'm be ti sran ableso-nin-nnan.

Neemi 11:17

Be wie yɛlɛ Mise i wa Matania. Mise i si'n yɛlɛ Zabdi, Zabdi liɛ'n yɛlɛ Azaf. Kɛ be ´srɛ Nyanmiɛn, Matania yɛ ɔ man Nyanmiɛn i manmanlɛ jue'm be su-ɔ, Bakbikia, b'ɔ ti Matania i niaan be nun kun'n ɔ ukɛ i. Be wie yɛlɛ Samia i wa Abda. Samia i si'n yɛlɛ Galal, Galal liɛ'n yɛlɛ Zɛditɛn.

Neemi 12:23

Be klɛli Levifuɛ'm be awlobo kpɛnngbɛn'm be dunman be nyoliɛ fluwa'n nun lele juli Eliasib i wa Zosanan i blɛ su.

Neemi 12:36

Zakari i niaan mun yɛlɛ Sɛmaɛza, Azareɛl, Milalai, Gilalai, Maai, Nɛtaneɛl, Zida, ɔ nin Anani. David b'ɔ ti Nyanmiɛn i sran'n, i jue tolɛ ninnge nga ɔ man be yoli'n, ɔ o be sa nun. Ɛsdras b'ɔ ti mmla klefuɛ'n, ɔ dun mmua akpasua sɔ'n i nyrun.

Neemi 8:7

I sin Levifuɛ mun, nin Zozie, Bani, Serebia, Zamɛn, Akib, Sabɛtai, Ɔdiza, Maazeza, Kɛlita, Azaria, Zozabad, Anan, ɔ nin Pɛlaza, be tuli Nyanmiɛn i mmla'n bo kleli sran mun. Be jin nglo yɛ be tie-ɔ.

Neemi 9:4

Zozie, Bani, Kadmiɛl, Sɛbania, Bini, Serebia, Bani, yɛ Kɛnani be jaso jrannin Levifuɛ'm bé jranwlɛ'n su lɔ, nan b'a kpan flɛ Anannganman be Nyanmiɛn'n.

Mmla'n 33:1

Muae nga Moiz b'ɔ ti Nyanmiɛn i sufuɛ'n ɔ bo mannin Izraɛlfuɛ mun ka nan ɔ'a wu'n yɛ. I waan:

1 Timote 6:11

Sanngɛ ɔ bɔ a ti Nyanmiɛn i sran'n, nán fa ɔ wun wlɛ i ninnge sɔ'm be yolɛ nun. Mian ɔ́ nyin yo sa ng'ɔ ti kpa'n, fa ɔ wun mantan Nyanmiɛn, lafi i su, klo Nyanmiɛn nin sran, tra wɔ anwlɛn, yɛ yo wɛtɛɛfuɛ.

2 Timote 3:17

nan Nyanmiɛn sran'n ɔ nyan like b'ɔ kwla fa di junman kwlaa ng'ɔ ti kpa'n.

Zozie 14:6

Le kun be o lɛ kpɛkuun Zida osu nunfuɛ wie mun b'a a to Zozie Gilgal lɛ. Zɛfine i wa liɛ Kalɛb b'ɔ ti Kɛnaz i awlo nunfuɛ'n, ɔ seli Zozie kɛ: «Kɛ e o Kadɛs-Barnea lɔ'n, a si kɛ Anannganman kannin e nin wɔ e ndɛ kleli Moiz b'ɔ ti Nyanmiɛn sran'n.