Neemi 11:30 - NYANMIƐN NDƐ'N 1998

³⁰ Zanɔak, nin Adilam ɔ nin be klɔ nga be o be asa'n su'n, nin Lakis nin i klɔ mun, nin Azeka nin klɔ nga be o i asa'n su'n. Be tran Beɛr-Seba nin Inɔm kongo'n be afiɛn.

Neemi 11:30 ပူးပေါင်းရင်းမြစ်များ

Bo Bolɛ 21:14

Yɛ Abraam jasoli nglɛmun tutu kpa'n, ɔ fali like diwa nin nzue kplo kun mannin Agar, ɔ fali ba'n sieli i sin nan ɔ'a se i kɛ be wɔ. Agar toli i ti Beɛr-Seba aawlɛ flɛnnɛn'n nun lɔ.

Bo Bolɛ 25:16

Ismaɛl i wa blu-nin-nnyɔn'm be dunman mun yɛ be o lɛ-ɔ. Be ti wlengbi blu-nin-nnyɔn. Be dunman'm be o be klɔ nin be nanmue'm be su.

2 Famiɛn Mun 23:10

Zozias sacili Tɔfɛt b'ɔ o Inɔm i wa'n i lika b'ɔ o kongo'n nun lɔ'n, kɛ ɔ ´yo nan sran fi ɔ'a fa-man i wa bla annzɛ yasua ɔ'a yrɛ-mɛn i ɔ'a yi-man sraka ɔ'a man-man Mɔlɔk'n ti .

Neemi 11:29

nin An-Rimɔn, nin Zɔrea, nin Zarmit, nin

Neemi 11:31

Bɛnzamɛn akpasua sufuɛ'm be trannin Gɛba, nin Mikmas, nin Aza, nin Betɛl ɔ nin klɔ nga be o i asa'n su'n,

Neemi 3:13

Anɛn nin Zanɔakfuɛ'm be yoli Kongo nun lɔ anuan'n. Be kplannin talɛ'n, be wlali anuan'n nin i sin blalɛ nga be fa nyin'n, ɔ nin i gboklo mun. Yɛ be wlawlali talɛ'n nun lele fa juli Wla Guawlɛ anuan'n nun, be yoli i sɔ mɛtri ya nnun.

Ezai 37:8

Safunyrɛn'n tili i kɛ Asiri famiɛn'n ɔ'a jaso Lakis ɔ'a ɔ Libna. Kɛ ɔ wa to i'n, wuun ɔ'a fa alɛ'n ɔ'a wla Libnafuɛ'm bé sin.

Zeremi 19:2

Nan `fin klɔ nun fite. A ´kɔ'n, sin Sɛ Bue Anuan'n nun. Kɔ Inɔm kongo'n i wun lɔ. A ju lɔ'n, n ´fa ndɛ n ´wla ɔ́ nuan yɛ a ´kan-an.

Zeremi 19:6

I sɔ'n ti Anannganman'n wan yoo: «Cɛn wie'n, be su flɛ-man lika nga Tɔfɛt annzɛ Inɔm kongo kun. Be wa flɛ i sran'm be nunnunlɛ kongo.

Zeremi 32:35

Be kplannin amuɛn Baal i sua Bɛn-Inɔm kongo'n nun yɛ be fa be mma bla nin be mma yasua mun be yi tɛ be man Mɔlɔk-ɔ. Kusu wuun m bɔbɔ min m'an se-man kɛ be yo i sɔ man min. I sɔ akunndan bɔbɔ nian ba-man mín ti nun le. Be yoli tete sa sɔ mun man Zidafuɛ'm be yoli sa tɛ.

Mise 1:15

Maresafuɛ mun, Anannganman'n man kwlafuɛ uflɛ ɔ wa fa amun mɛn'n. Izraɛl kpɛnngbɛn'm be wa ko fia Adilam yɛbuɛ buɛ'n nun .

Zozie 10:3

Adɔni-Zedɛk b'ɔ ti Zerizalɛm famiɛn'n ɔ sunmannin sran Ɔam b'ɔ ti Ebrɔn famiɛn'n, ɔ nin Piream b'ɔ ti Zarmit famiɛn, ɔ nin Zafia b'ɔ ti Lakis famiɛn'n, ɔ nin Debir b'ɔ ti Eglɔn famiɛn'n bé sin. Ɔ fali ndɛ nga wlali bé nuan:

Zozie 12:15

Libna, Adilam,

Zozie 15:39

Lakis, Bɔzkat, Eglɔn,

Zozie 15:8

Ɔ fu Inɔm kongo'n i kpɔlɛ'n Zɛbisfuɛ'm be kpɔlɛ'n i ngua lɔ ndroliɛ'n nun kan Zerizalɛm klɔ'n wo lɛ'n, ɔ sin oka ng'ɔ o Inɔm kongo'n i wia atɔliɛ'n i ti su, kpɛkuun ɔ sin Rɛfafuɛ'm be kongo'n i nglo lɔ.

Zozie 18:16

Kɛ ɔ fɛ i lɛ'n, ɔ jra oka nga i kongo yɛlɛ Inɔm kongo'n i bo ngua, ɔ sin Rɛfafuɛ'm be kongo'n i ti su nglo. Ɔ sin Inɔm kongo'n i nuan su Zɛbis kpɔlɛ'n i ngua lɔ kongo'n i afiɛn, kpɛkuun ɔ jra lele ju An-Rɔgɛl.