Neemi 11:21 - NYANMIƐN NDƐ'N 1998

²¹ Nyanmiɛn i sua'n nun junman difuɛ nga be lɛ su kpɛn'n be trannin Zerizalɛm i lika nga be flɛ i Ɔfɛl'n nun. Bé su kpɛn mun yɛlɛ Zisa nin Gispa.

Neemi 11:21 ပူးပေါင်းရင်းမြစ်များ

1 Be Nyoliɛ 9:2

Be nga be dun mmua sali bé sin be klɔ'm bé su'n, bɔ be ko fali be asiɛ mun ekun'n, yɛlɛ Izraɛlfuɛ wie mun nin Nyanmiɛn nyrun jranfuɛ mun, nin Levifuɛ mun, ɔ nin Nyanmiɛn sua'n nun junman difuɛ mun.

2 Be Nyoliɛ 27:3

Zɔtam yɛ ɔ yoli Anannganman i sua'n i anuan'n b'ɔ o nglo nin-ɔn. I yɛ man be wlawlali Ɔfɛl b'ɔ ti Zerizalɛm i akpasua kun'n i talɛ'n nun yɛ man ɔ jrannin cinnjin nin-ɔn.

Ɛsdras 2:43

Nyanmiɛn i sua'n nun junman difuɛ bɔ be lɛ su kpɛn mun'n, yɛlɛ sran nga be o yɛ'm be anunman mun: Zisa, Azifa, Tabaɔt,

Neemi 3:26

Nyanmiɛn i sua'n nun junman difuɛ'm bɔ be tran Ɔfɛl'n, be dili be junman liɛ'n juli klɔ'n i sasawlɛ sua ng'ɔ o Nzue anuan'n i wia afiliɛ lɔ'n i wun lɛ.

Neemi 3:31

Malkiza b'ɔ ti sika ɔkwlɛ ajuin difuɛ'n wo i sa su lɛ. I lika liɛ'n to Nyanmiɛn i sua nun junman difuɛ'n ɔ nin like atɛ yofuɛ'm bé sua mun. Ɔ fɛ i Mifkad anuan'n i ndɛnman lɛ fa ju nglo sua ng'ɔ o talɛ'n i cɔnjɔ'n i ti su nglo'n i wun lɛ.