Neemi 11:1 - NYANMIƐN NDƐ'N 1998

¹ Kpɛnngbɛn'm be trannin Zerizalɛm. Be tuli be kun nga'm be wun fɔtɔ. Kɛ be tu sran blu be wun fɔtɔ'n, kun ´tran Zerizalɛm Nyanmiɛn i klɔ'n su, yɛ be ngwlan kun nga'm be ´tran klɔ uflɛ'm be su.

Neemi 11:1 ပူးပေါင်းရင်းမြစ်များ

1 Be Nyoliɛ 26:13

Be tu anuan'm bé wun fɔtɔ yɛ be fa sran sie be su-ɔ. Be fa be awlobo-awlobo. I kpɛnngbɛn o, i bakan o, be tu fɔtɔ yɛ be fa be si-ɔ.

1 Be Nyoliɛ 8:28

Be kwlaa nga be o lɛ'n be ti awlobo kpɛnngbɛn be akpasua'm bé su. Be tran Zerizalɛm.

1 Be Nyoliɛ 9:1

Be kali Izraɛlfuɛ'm be kwlaa, be klɛli be dunman Izraɛl famiɛn'm be fluwa'n nun. Be trali Zidafuɛ mun lomuɛn ɔli Babilɔni, afin be kacili be sin sili Anannganman.

1 Be Nyoliɛ 9:2

Be nga be dun mmua sali bé sin be klɔ'm bé su'n, bɔ be ko fali be asiɛ mun ekun'n, yɛlɛ Izraɛlfuɛ wie mun nin Nyanmiɛn nyrun jranfuɛ mun, nin Levifuɛ mun, ɔ nin Nyanmiɛn sua'n nun junman difuɛ mun.

1 Be Nyoliɛ 9:3

Zidafuɛ mun, nin Bɛnzamɛnfuɛ mun, nin Efraimfuɛ mun, nin Manasefuɛ mun be wie'm be wa trannin Zerizalɛm.

Neemi 10:34

Sika sɔ'n, be ´fa wie to kpaun nga be fa sie i Nyanmiɛn nyrun'n, be ´fa wie to sraka annzɛ tɛ nga e su wa bobo be su yɛ be wun ninnge annzɛ be wun nnɛn mun: sraka nga be yi i cɛn kwlaa, tɛ nga be yrɛ i nnɛn'n kɔlikɔli'n, wunmiɛn-delɛ-cɛn tɛ'n, ɔ nin anglo le kun tɛ'n, ɔ nin cɛn dilɛ uflɛ nun tɛ'n, ɔ nin sraka uflɛ nga be yi man Nyanmiɛn'n ɔ nin Izraɛlfuɛ'm be ti kpatalɛ tɛ'n, yɛ be ´fa wie di Nyanmiɛn i sua'n nun siesielɛ junman'n kwlakwla.

Neemi 11:18

Nyanmiɛn i klɔ'n su Levifuɛ'm be kwlakwla be ti ya nnyɔn sran ablaɔcuɛ-nin-nnan.

Jue Mun 122:5

Lɔ yɛ jɔlɛ dilɛ bia'n ɔ taka-a. Lɔ yɛ David i awlo'n i famiɛn bia'n ɔ wo-ɔ.

Jue Mun 122:6

An `srɛ Nyanmiɛn man fɔundi tran Zerizalɛm lɔ. Zerizalɛm, be bɔ be klo wɔ'n, man alaje'n ɔ `fua be.

Nyanndra Mun 16:33

Like nga be waan be ´fa si Nyanmiɛn i klun sa'n, be to guɛ i ase, sanngɛ Anannganman bɔbɔ yɛ ɔ kle i klun sa sɔ nin-ɔn.

Ezai 48:2

Amun bɔ Nyanmiɛn i klɔ'n i dunman'n wo amun su'n, amun bɔ amun kisa Izraɛl Nyanmiɛn bɔ i dunman yɛlɛ Anannganman b'ɔ sie mɛn wunmuan'n i su'n, amun `tie ndɛ nga.

Ezai 52:1

Amun `tinnge! Amun `tinnge! Siɔnfuɛ mun, amun `jran kekle! Zerizalɛmfuɛ mun, amun bɔ amun tran Nyanmiɛn i klɔ'n su'n, amun `wla amun cɛn dilɛ tralɛ mun! Afin be bɔ be wla-man klɛn'n, bɔ be ti fiɛn'n, be su wlu-man wa kun .

Matthieu 27:53

Kɛ Jésus cɛnnin'n, be kusu be fin ndia nun fiteli, be ɔli Zerizalɛm b'ɔ ti Nyanmiɛn klɔ'n su lɔ, sran sunman be wunnin be.

Matthieu 4:5

Mmusu'm bé si Satan fɛ i ɔli Nyanmiɛn klɔ'n su lɔ, ɔ fɛ i sieli Nyanmiɛn i sua'n su , ɔ seli i kɛ:

Sa nga bé yôli'n 1:24

Yɛ be kan kleli Nyanmiɛn kɛ: «Nannan Nyanmiɛn, ɔ bɔ a si sran'm be kwlaa be anwlɛn'n, sran nnyɔn nga, kle ye be nun kun nga a fɛli i'n,

Sa nga bé yôli'n 1:26

Be tuli fɔtɔ, fɔtɔ'n tɔli Matias su yɛ be fɛ i ukali sran blu-nin-kun nga Jésus sunmannin be'n be su-ɔ.

Zozie 18:10

Zozie tuli lika sɔ'm bé wun fɔtɔ Anannganman nyrun nan ɔ'a fa cɛcɛ Izraɛlfuɛ mun. Ɔ fa cɛcɛli akpasua'n kwlaa bé ti nun ti nun.