Neemi 10:37 - NYANMIƐN NDƐ'N 1998

³⁷ E waan e ´fa e talua ba yasua mun, ɔ nin e nnɛn'm be talua ba mun, e ´fa be ba kɛ ɔ ti klɛwa mmla'n nun'n sa. E ´fa be ba e Nyanmiɛn i sua'n nun, e ´fa be blɛ Nyanmiɛn nyrun jranfuɛ mun bɔ be di e Nyanmiɛn i sua'n nun junman'n. E ´fa e nannin mun nin e bua'm be talua ba mun e ba.

Neemi 10:37 ပူးပေါင်းရင်းမြစ်များ

2 Be Nyoliɛ 31:6

I kunngba'n, nannin nin bua, nin boli, ɔ nin ninnge nga sran'm be fa mannin Anannganman be Nyanmiɛn'n, Izraɛlfuɛ mun nin Zidafuɛ mun bɔ be tran Zida klɔ dandan'm be su'n, be kusu be fali ninnge sɔ'm be blusu'n bali. Yɛ be tiantiannin be nuan kwlekwlekwle.

Neemi 13:10

N tili i ekun kɛ ninnge ng'ɔ fata kɛ be fa man Levifuɛ mun'n, b'a fa man-man be, nan Levifuɛ mun, nin jue tofuɛ'm b'a wanndi b'a ɔ be klɔ'm be su sɛsɛsɛ.

Neemi 13:12

Kpɛkuun Zidafuɛ'm be kwlaa be fali ble'n, ɔ nin nzan lɔflɛ'n, ɔ nin ngo'n i blusu'n be bali kan be sie ninnge'm be lɛ'n .

Neemi 13:5

ɔ fali sua ba dan kun mɛnnin i. Sua sɔ'n i nun yɛ be sie ndidiɛ ninnge nga be fa yi sraka'n, nin ansans, nin Nyanmiɛn i sua'n nun kpongbo mun-ɔn. I kunngba'n, i nun yɛ be sie ble, nin nzan lɔflɛ, nin ngo'm be blusu nga be fa man Levifuɛ mun, nin anuan su nianfuɛ mun, nin jue tofuɛ, ɔ nin Nyanmiɛn nyrun jranfuɛ mun nin-ɔn.

Neemi 13:9

N yoli man be yoli sua ba'm be saun, nan m'an fa Nyanmiɛn i sua'n nun ninnge mun m'an sie be osu'n nun. N fali ndidiɛ ninnge nga be fa yi sraka'n nin ansans'n n sieli be osu'n nun.

Ezipt Lɔ Tulɛ'n 13:12

amun `fa amún wa yasua klikli'm be mɛn i. Amun nnɛn'm bé wa yasua klikli'm be kusu be ti i liɛ.

Ezipt Lɔ Tulɛ'n 13:2

«Ba klikli mun'n, fa be wla mín sa nun, afin bla kun i wa yasua klikli'n ɔ nin nnɛn kun i wa yasua klikli'n, be ti min liɛ .»

Saun Yolɛ 23:17

Amun `fa kpaun nnyɔn nnyɔn amun awlobo-awlobo'm be nun, nan amun `toto be min nyrun lɛ. Sɛ amun ´tɔn kpaun kun-ɔn, amun `fa ble sanmlɛn mlɛnnɛnnɛn kpa'n i kilo nsan. Amun `gua nun kpaun ayre. Man ɔ yo amun fie'm bé su ninnge klikli mun.

Malasi 3:10

Amun ninnge nga amun nyɛn i'n, i ng'ɔ ti i blusu sakpa'n, amun `fa be ko guɛ i mín sua'n nun lɔ, nan nán aliɛ tu lɔ mlɔnmlɔn. Amun `sa min sɔ be nian, sɛ m'an tike-man nyanmiɛn su lɔ anuan'n m'an man-man amun nan m'an man-man amun ninnge kpakpa lele ɔ'a bobo-man amún su cɛ'n, wuun nán min-ɔn.

Malasi 3:8

Yɛ n ´tɛ amun su kɛ yoo: ‹?Nyanmiɛn i lakalɛ bɔ be lɛkɛ i'n ɔ ti kpa? Sanngɛ kusu amun liɛ'n, amun laka min.› Kpɛkuun amun usa min kɛ yoo: ‹?Lakalɛ sɛ yɛ e laka wɔ-ɔ?› Like nga amun lakalaka min su'n, yɛlɛ ninnge nga amun nyɛn i'n, i blusu'n, ɔ nin like nga amun fa ba min manlɛ'n.

Kalɛ 18:15

Like kwlaa i wa klikli nga be fa blɛ min'n, sɛ sran o, sɛ nnɛn o, ɔ ti amun liɛ. Sanngɛ amun `kpɔ sran'm be wa klikli'm be ti, amun `kpɔ nnɛn nga be ti fiɛn'n bé wa klikli'm bé ti wie.

Kalɛ 18:18

Be `toto be mín nyrun lɛ ka. Be nnɛn'n ti amun liɛ kɛ bo kun yolɛ i su tɛ nga i wue ti'n nin i sɔwa'n be ti amun liɛ'n sa.

Kalɛ 18:21

Anannganman kan guali su kɛ: «Nian, kalɛ nga n ´fa tua Levifuɛ mun be junman nga be di i tannin sua nun'n ti'n, yɛlɛ blusu bɔ Izraɛlfuɛ'm be yi'n.

Rɔmfuɛ Mun 11:16

Kpaun bɔ be ´tɔn'n, sɛ be dun mmua kpɛ Nyanmiɛn liɛ'n, wuun i wunmuan'n kwlaa ti i liɛ, yɛ sɛ waka'n i bo'n ti Nyanmiɛn liɛ'n, wuun i sama'n ti i liɛ .

Mmla'n 14:22

Afuɛ kwlakwla amun `yi amun fie su lɔ ninnge'm be blusu'n.

Mmla'n 18:4

Amun ble klikli, nin amun nzan lɔflɛ klikli, nin amun ngo klikli nga amun nyɛn i'n, ɔ nin amun bua ndrɛ klikli nga amun kpɛkpɛ'n, amun `fa man be.

Mmla'n 26:2

amun kwlaa amun `fa asiɛ nga Anannganman amun Nyanmiɛn'n fa man amun'n i su mma klikli mun `sie gbogbo kun nun, nan amun `wɔ lika nga Anannganman ko kle kɛ lɛ yɛ ɔ tran'n i nun lɔ.