Neemi 10:35 - NYANMIƐN NDƐ'N 1998

³⁵ Nyanmiɛn nyrun jranfuɛ mun, nin Levifuɛ mun, ɔ nin e nga mun, e kwlaa e tuli yie nga mmla'n kle kɛ be trɔ i e Nyanmiɛn'n i sɔwlɛ'n su'n i wun fɔtɔ. Blɛ nga e ko bu yie'n e ko ba'n afuɛ kwlakwla'n, e siesieli i awlobo-awlobo.

Neemi 10:35 ပူးပေါင်းရင်းမြစ်များ

Neemi 13:31

Yie nga be siesieli i kɛ i blɛ ju-ɔ, be ´man'n, ɔ nin fie su aliɛ klikli ng'ɔ fite'n i manlɛ'n, n siesieli be i osu'n nun. «Min Nyanmiɛn, man ɔ́ wla kpɛn min su, nan yo min ye.»

Ezipt Lɔ Tulɛ'n 23:19

Amun `fa amun fie'm bé su ninnge'm be mma klikli'n be fa bla min Anannganman mín sua'n nun. Nán amun fa boli'n i nin i nyɔnflɛn nzue fa tɔn i wa'n i nnɛn'n.»

Ezipt Lɔ Tulɛ'n 34:26

Amun `fa amun fie'm bé su lɔ ninnge'm be mma klikli mun fa blɛ min Anannganman bɔ n ti amun Nyanmiɛn'n. Amun `fa be blɛ min mín sua'n nun lɔ. Nán amun tɔn boli ba'n i nin i nyɔnflɛn nzue'n nun.»

Ezekiɛl 44:30

Fie'm be su ninnge klikli'n nga be nyan be'n nin ninnge nga Izraɛlfuɛ'm be yi be anyanbeun ninnge'm be su'n, be ti min nyrun jranfuɛ'm be liɛ. Be ble sanmlɛn'n i kpafuɛ'n, man be fa man be nan n `yo be liɛ ye.

Saun Yolɛ 6:5

Sin ng'ɔ o min sɔwlɛ'n su b'ɔ jue'n, nán man ɔ nuan. Nglɛmun kwlaa man min nyrun jranfuɛ'n gua su yie, i su yɛ ɔ `dun mmua sie nnɛn nga be ´fa yi tɛ-ɔ be yrɛ i'n, kwlaa nan ɔ'a yra bo kun yolɛ i su tɛ'n i nnɛn lui'n.

Saun Yolɛ 6:6

Man min sɔwlɛ'n su sin'n la nun cɛn kwlaa, nán man ɔ nuan le.»

Kalɛ 18:12

Fie su ninnge klikli'n, n ´fa man amun: sɛ ngo o, sɛ nzan o, sɛ ble o, ninnge sɔ'm be klikli'n bɔ Izraɛlfuɛ'm be fa man min'n, n ´fa man amun.

Kalɛ 18:2

Flɛ ɔ niaan bɔ be fin ɔ si Levi i akpasua'n su mun man be mantan wɔ. Kɛ bɔ a nin ɔ mma mun amun ´kɔ tannin sua bɔ min alaka'n wo nun'n nun lɔ'n, be ´yo amun ukafuɛ nin amun sufuɛ.

Mmla'n 26:2

amun kwlaa amun `fa asiɛ nga Anannganman amun Nyanmiɛn'n fa man amun'n i su mma klikli mun `sie gbogbo kun nun, nan amun `wɔ lika nga Anannganman ko kle kɛ lɛ yɛ ɔ tran'n i nun lɔ.