Neemi 10:34 - NYANMIƐN NDƐ'N 1998

³⁴ Sika sɔ'n, be ´fa wie to kpaun nga be fa sie i Nyanmiɛn nyrun'n, be ´fa wie to sraka annzɛ tɛ nga e su wa bobo be su yɛ be wun ninnge annzɛ be wun nnɛn mun: sraka nga be yi i cɛn kwlaa, tɛ nga be yrɛ i nnɛn'n kɔlikɔli'n, wunmiɛn-delɛ-cɛn tɛ'n, ɔ nin anglo le kun tɛ'n, ɔ nin cɛn dilɛ uflɛ nun tɛ'n, ɔ nin sraka uflɛ nga be yi man Nyanmiɛn'n ɔ nin Izraɛlfuɛ'm be ti kpatalɛ tɛ'n, yɛ be ´fa wie di Nyanmiɛn i sua'n nun siesielɛ junman'n kwlakwla.

Neemi 10:34 ပူးပေါင်းရင်းမြစ်များ

1 Be Nyoliɛ 24:5

Be tuli fɔtɔ yɛ be cɛcɛli be-ɔ. Eleazar nin Itamar osu'n nunfuɛ wie'm be ti Nyanmiɛn sua'n su kpɛn, yɛ wie'm be nian Nyanmiɛn i sulɛ'n su.

1 Be Nyoliɛ 24:7

Kɛ be tuli fɔtɔ klikli'n, Zɛozarib yɛ ɔ nyɛnnin i-ɔ, Zɛdaɛza nyɛnnin i nnyɔn su'n,

2 Be Nyoliɛ 2:3

N klo kɛ n kplan sua m ´man Anannganman min Nyanmiɛn'n. Sua sɔ'n ´yo i liɛ mlɔnmlɔn. I liɛ'n, be ´yra ansans be ´mɛn i, be ´fa kpaun nga be fa sie i nyrun blɛ'n kwlaa'n be ´fa sie i nyrun, yɛ be ´yi tɛ nga be yra be nnɛn'n kɔlikɔli'n. Be ´yi tɛ sɔ mun nglɛmun nin nnɔsua, ɔ nin wunmiɛn-delɛ-cɛn'm be nun, ɔ nin anglo le kun, ɔ nin i bɔbɔ Anannganman e Nyanmiɛn'n i cɛn nga be di'n be nun. Mmla'n kun kɛn i kɛ Izraɛlfuɛ'm be `yo sa sɔ mun tititi.

Ɛsdras 3:5

Kɛ ɔ fɛ lɛ'n, cɛn kwlaa be yi tɛ nga be yrɛ i nnɛn'n kɔlikɔli'n, ɔ nin anglo le kun tɛ mun, ɔ nin tɛ nga be yi i Anannganman i cɛn dilɛ'n be kwlaa nun'n, ɔ nin be klun klo tɛ nga be yi'n .

Neemi 11:1

Kpɛnngbɛn'm be trannin Zerizalɛm. Be tuli be kun nga'm be wun fɔtɔ. Kɛ be tu sran blu be wun fɔtɔ'n, kun ´tran Zerizalɛm Nyanmiɛn i klɔ'n su, yɛ be ngwlan kun nga'm be ´tran klɔ uflɛ'm be su.

Neemi 13:31

Yie nga be siesieli i kɛ i blɛ ju-ɔ, be ´man'n, ɔ nin fie su aliɛ klikli ng'ɔ fite'n i manlɛ'n, n siesieli be i osu'n nun. «Min Nyanmiɛn, man ɔ́ wla kpɛn min su, nan yo min ye.»

Nyanndra Mun 18:18

Like nga be guɛ i ase be fa si Nyanmiɛn klun sa'n ɔ kwla yo man utre'n wie, ɔ kwla kpɛ sran nnyɔn bɔ be lɛ nyrun'n be nun.

Ezai 40:16

Sɛ be waan be ´fa Liban lɔ bo'n nun waka mun be ´fa yo yie nan be ´yi tɛ'n, ɔ su ju-man sin trɔlɛ. Sɛ be waan be ´fa Liban lɔ nnɛn'm be ngba be ´yi tɛ nga be yra be nnɛn'n kɔlikɔli'n, be su ju-man.

Saun Yolɛ 24:5

«Fa ble sanmlɛn mlɛnnɛnnɛn kpa `tɔn kpaun paplapa nga be gua-man nun kpaun ayre'n blu-nin-nnyɔn. I blu-nin-nnyɔn'n, fa kilo nsiɛn-nsiɛn yɛ fa tɔn be-ɔ.

Saun Yolɛ 24:6

Fa be ko gua min nyrun lɛ tabli nga i wunmuan'n ɔ ti sika ɔkwlɛ'n i su lɛ. Gua be nsiɛn-nsiɛn sɔ kwle nnyɔn.

Kalɛ 28:2

ɔ `kan ndɛ yɛ mun kle Izraɛlfuɛ mun. I waan: «Amun `nian su kpa nan sɛ i blɛ'n ju'n, amun `fa tɛ ng'ɔ ti min liɛ'n i aliɛ nga be yrɛ i b'ɔ bɔn min bue nun fannin be man min.

Sa nga bé yôli'n 1:26

Be tuli fɔtɔ, fɔtɔ'n tɔli Matias su yɛ be fɛ i ukali sran blu-nin-kun nga Jésus sunmannin be'n be su-ɔ.

Zozie 9:27

ɔ seli be kɛ be kpɛ yie nan be sa nzue man Izraɛl nvle'n, ɔ seli be ekun kɛ be `sa nzue nan be fa kplan Anannganman i sɔwlɛ'n kan Anannganman bɔbɔ ´kle kɛ be kplɛn i lɛ'n. Lele nin ndɛ be anunman'm be tɛ di i sɔ junman liɛ'n.