Neemi 10:32 - NYANMIƐN NDƐ'N 1998

³² E tɛli i ekun kɛ nvle nga be yo aliɛ annzɛ like uflɛ atɛ'n, sɛ be fa ba wunmiɛn-delɛ-cɛn annzɛ e cɛn dilɛ uflɛ wie nun'n, e su to-man. E tɛli i kɛ e ´di fie afuɛ nsiɛn, nan i afuɛ nso su'n, e ´yaci asiɛ'n man ɔ de wunmiɛn. Sɛ é kalɛ o sran su'n, e ´yaci cɛ .

Neemi 10:32 ပူးပေါင်းရင်းမြစ်များ

Bo Bolɛ 28:22

Yɛbuɛ nga n tɛkɛli i yɛ'n ɔ ´kaci Nyanmiɛn i sɔwlɛ, yɛ like kwlaa ng'ɔ man min'n n ´fɛ i blusu'n m ´mɛn i.»

1 Be Nyoliɛ 26:27

Be kpɔfuɛ'm bé bo ninnge nga be nyɛnnin i'n, i wie yɛ be sieli i ngunmin kɛ be ´fa di Anannganman i sua'n wun junman-an.

Neemi 13:15

Blɛ kunngba sɔ nun'n, n wunnin kɛ Zida nvle nun sran wie'm be cuɛn be vinyi mma i nzue'n yɛ be sua be ble'n wunmiɛn-delɛ-cɛn'n nun. Wie'm be fa aflunmun'm be sua nzan nin vinyi mma, nin figie mma, annzɛ trɔ uflɛ. Be fa ba Zerizalɛm wunmiɛn-delɛ-cɛn'n nun. Cɛn nga be ´yo be ninnge'm be atɛ sɔ'n, n ijɔli be.

Neemi 13:18

?Nán like nga amun nannan'm be yoli b'ɔ man Nyanmiɛn man sa yalɛ tɔli e nin klɔ nga e su nin-ɔn? ?Yɛ amun ´yo wunmiɛn-delɛ-cɛn'n finfin nan i ya'n `tɔ Izraɛlfuɛ'm be su ekun-ɔn?»

Neemi 13:21

N ijɔli be kpa. Yɛ n usali be kɛ: «?Ɔ yo sɛ ti yɛ amun la talɛ'n sin-ɔn? Sɛ amun yo i sɔ ekun'n, n ´yo man be tra amun.» Kɛ ɔ fɛ lɛ'n, b'a ba-man wunmiɛn-delɛ-cɛn'n nun kun.

Neemi 5:10

E nin min niaan nin min sufuɛ mun e sika kalɛ nin ble kalɛ o be su. Man e yaci kalɛ sɔ'n cɛ be.

Neemi 9:14

Wɔ man ɔ sufuɛ Moiz kleli be wunmiɛn-delɛ-cɛn* b'ɔ ti wɔ liɛ'n, nin ɔ ndɛ mun, nin wɔ atin klelɛ mmla mun.

Ezipt Lɔ Tulɛ'n 23:11

Sanngɛ afuɛ'n i nso'n su'n, yaci asiɛ'n lɛ man ɔ de wunmiɛn kpa. Ɔ nvle'n nun yalɛfuɛ'm be ´nyan like nun be fa ta bé wun, yɛ blo nnɛn'm be kusu be ´di ng'ɔ ka lɛ'n. Yo ɔ vinyi nin ɔ olivie'm be sɔ wie.

Nyanndra Mun 3:9

Fa ɔ́ sa nun ninnge kpakpa'n wie la Anannganman i ase. Ɔ fie'n su ninnge klikli nga a dun mmua nyan be'n, fa be lɛ i ase .

2 Korɛntfuɛ Mun 8:12

Afin sɛ sran kun bɔbɔ klun su i waan ɔ ´man Nyanmiɛn like'n, like nga i sa ju su b'ɔ fa mɛn i'n, ɔ sɔ nun, ɔ mian-man sran kɛ ɔ mɛn i like b'ɔ lɛ-mɛn i'n.