Neemi 10:30 - NYANMIƐN NDƐ'N 1998

³⁰ Be ukali e niaan Zuif nga be ti e nun kaklaakla'm be su. E kwlakwla e tali nda yɛ e jrannin su kɛ e ´fa Nyanmiɛn i mmla'm bɔ i sufuɛ Moiz fa mannin ye'n su. E tali nda kɛ e ´fa ndɛ wafa kwlaa nga Anannganman e Min'n kannin'n, yɛ e tali nda ekun kɛ e ´fɛ i mmla'n nin i sa nuan su yolɛ mmla'm be su.

Neemi 10:30 ပူးပေါင်းရင်းမြစ်များ

2 Famiɛn Mun 23:25

Famiɛn nga be dunnin mmua Zozias nyrun'n, wie fi nun-man lɛ b'ɔ kacili i ajalɛ nin-ɔn, b'ɔ kloli Anannganman kpa-a, b'ɔ fɛli i wun mɛntɛnnin i-ɔ, b'ɔ fɛli i wla'n kwlaa guɛli i su-ɔ, b'ɔ fɛli i wunmiɛn'n kwlaa yoli like ng'ɔ kle kɛ ɔ klo Anannganman'n kɛ Zozias liɛ'n sa-a. Be nga be bali kasiɛn'n kusu, be nun wie fi ɔ'a yo-man sɔ. Be nga be dunnin mmua o, be nga be kali siɛn o, be nun wie fi ɔ'a yo-man nga Moiz i mmla'n kannin'n.

2 Famiɛn Mun 23:3

Famiɛn'n jrannin nglo Nyanmiɛn i sua'n i ja mlomlo'n i wun lɛ. Ɔ tali nda Anannganman nyrun kɛ ɔ ´fɛ i mmla fanunfanun'n kwlaa su. Ɔ tali nda ekun kɛ aenguɛ nga Anannganman nin be trali'n, bɔ i wun ndɛ'n wo fluwa nun'n, ɔ ´nian su. Yɛ ɔ kɛnnin i ekun kɛ ɔ ´klo Anannganman kpa, yɛ ɔ ´fɛ i wla'n kwlaa guɛ i su. Sran'm be kwlaa be tali nda sɔ wie.

2 Be Nyoliɛ 34:31

Famiɛn'n jrannin nglo Anannganman'n i sua'n nun kɛ ɔ jran lɛ titi'n. Ɔ tali nda Anannganman i mmla fanunfanun'n kwlaa su. Ɔ tali nda ekun kɛ aenguɛ nga Anannganman nin be trali'n, bɔ i wun ndɛ'n wo fluwa'n nun'n, ɔ ´nian su. Yɛ ɔ kɛnnin i ekun kɛ ɔ ´klo Anannganman kpa, yɛ ɔ ´fɛ i wla'n kwlaa ´guɛ i su.

Neemi 10:1

Sa ng'ɔ juli ye su'n i kwlaa ti, é nuan yiali ndɛ kun su. Ndɛ sɔ'n e klɛli. E famiɛn i awlo lɔ sran dandan mun, nin e Levifuɛ mun, nin e Nyanmiɛn nyrun jranfuɛ mun, be fali bé sa nuan nzɔliɛ'n sieli su, nan y'a kata su kpan.

Neemi 13:23

I blɛ sɔ nun'n, n wunnin kɛ Zuif wie'm b'a ja Asdɔd, nin Amɔn, ɔ nin Moab bla mun.

Neemi 13:25

N ijɔli be nan m'an bo be sannzan. N boli sran sɔ'm be nun wie mun, n tutuli be timuɛn mun. N yoli man be tali Nyanmiɛn i nda be seli kɛ be fa-man bé wa bla be man-man aofuɛ'm bé wa yasua mun kun, be ja-man aofuɛ'm bé wa bla mun be man-man bé wa yasua mun kun, yɛ be bɔbɔ be ja-man aofuɛ'm bé wa bla mun kun.

Neemi 13:30

N fuannin aofuɛ'm be kwlaa Izraɛlfuɛ'm be afiɛn. Nyanmiɛn nyrun jranfuɛ nin Levifuɛ'm be junman wafa nga be siesieli i laa kɛ be ´yo'n, n siesieli i osu'n nun. Be nun kunngun be trannin be osu'n nun.

Neemi 5:12

Be tɛli min su kɛ: «E ´yo nga a kan'n, e ´yi be ninnge nga e fali'n, e usɛ-mɛn i sin like uflɛ.» Yɛ n flɛli Nyanmiɛn nyrun jranfuɛ mun nan m'an yo man sran sɔ'm b'a ta nda be nyrun kɛ ndɛ nga be kannin'n, be nian su yo.

Jue Mun 119:106

Jɔlɛ klanman nga a dili'n, i su sa bɔ n seli wɔ kɛ n ´yo'n, san n ´yo i nuan su.

Ezipt Lɔ Tulɛ'n 34:16

I kunngba'n, kɛ ɔ ´yo nan amu'an fa-man lɔ bla amu'an man-man amun wa yasua mun, nan bla sɔ'm be kusu kɛ be ´sɔ be amuɛn mun'n, b'a cuɛn-man amun mma liɛ mun b'a wla-man amuɛn sɔ'm be sɔlɛ nun wie'n ti.

Mmla'n 29:11

Ndɛkɛn Anannganman amun Nyanmiɛn'n ɔ nin amun wa tra aenguɛ ng'ɔ tali su nda laa'n.

Mmla'n 7:3

Nán amun nin nvle sɔ nunfuɛ mun amun ja amun afiɛn bla. Nán amun fa amún wa bla man bé wa yasua kɛ ɔ jɛ i. Yɛ nán amun ja bé sa nun bla man amún wa yasua.