Neemi 10:29 - NYANMIƐN NDƐ'N 1998

²⁹ Izraɛlfuɛ kun nga'm be yɛ: Nyanmiɛn nyrun jranfuɛ mun, nin Levifuɛ mun, nin anuan su nianfuɛ mun, nin jue tofuɛ mun, nin Nyanmiɛn i sua'n nun junman difuɛ bɔ be lɛ su kpɛn mun'n, ɔ nin be kwlaa nga be nin nvle uflɛ'm be tili nun afin be kunndɛ kɛ be ´fa Nyanmiɛn mmla'n su'n, be sɔfuɛ mun nin bé yi, nin be mma bla annzɛ yasua nga be wun sa wlɛ'n.

Neemi 10:29 ပူးပေါင်းရင်းမြစ်များ

2 Famiɛn Mun 10:31

Ɔ nin i sɔ ngba'n, Zei ɔ'a nian-man Anannganman b'ɔ ti Izraɛl Nyanmiɛn'n i mmla'n su ɔ'a nanti-man kɛ ɔ fata'n sa. Ɔ'a kaci-mɛn i sin ɔ'a si-man sa tɛ nga Zeroboam yoli bɔ man Izraɛl fɔnnin'n.

2 Famiɛn Mun 23:3

Famiɛn'n jrannin nglo Nyanmiɛn i sua'n i ja mlomlo'n i wun lɛ. Ɔ tali nda Anannganman nyrun kɛ ɔ ´fɛ i mmla fanunfanun'n kwlaa su. Ɔ tali nda ekun kɛ aenguɛ nga Anannganman nin be trali'n, bɔ i wun ndɛ'n wo fluwa nun'n, ɔ ´nian su. Yɛ ɔ kɛnnin i ekun kɛ ɔ ´klo Anannganman kpa, yɛ ɔ ´fɛ i wla'n kwlaa guɛ i su. Sran'm be kwlaa be tali nda sɔ wie.

1 Be Nyoliɛ 9:2

Be nga be dun mmua sali bé sin be klɔ'm bé su'n, bɔ be ko fali be asiɛ mun ekun'n, yɛlɛ Izraɛlfuɛ wie mun nin Nyanmiɛn nyrun jranfuɛ mun, nin Levifuɛ mun, ɔ nin Nyanmiɛn sua'n nun junman difuɛ mun.

2 Be Nyoliɛ 34:31

Famiɛn'n jrannin nglo Anannganman'n i sua'n nun kɛ ɔ jran lɛ titi'n. Ɔ tali nda Anannganman i mmla fanunfanun'n kwlaa su. Ɔ tali nda ekun kɛ aenguɛ nga Anannganman nin be trali'n, bɔ i wun ndɛ'n wo fluwa'n nun'n, ɔ ´nian su. Yɛ ɔ kɛnnin i ekun kɛ ɔ ´klo Anannganman kpa, yɛ ɔ ´fɛ i wla'n kwlaa ´guɛ i su.

2 Be Nyoliɛ 6:16

Siɛn'n, Anannganman Izraɛl Nyanmiɛn, yia ndɛ nga a kan kleli min si David b'ɔ ti ɔ sufuɛ'n i nuan. A seli i kɛ: ‹Sɛ ɔ osu'n nunfuɛ'm be nanti min atin'n su klanman kɛ a fa nanti'n sa'n, sɛ be fa min mmla'n su kɛ a fali su'n sa'n, ɔ osu'n nun sran su tu-man Izraɛl famiɛn bia'n su le.›

Neemi 13:25

N ijɔli be nan m'an bo be sannzan. N boli sran sɔ'm be nun wie mun, n tutuli be timuɛn mun. N yoli man be tali Nyanmiɛn i nda be seli kɛ be fa-man bé wa bla be man-man aofuɛ'm bé wa yasua mun kun, be ja-man aofuɛ'm bé wa bla mun be man-man bé wa yasua mun kun, yɛ be bɔbɔ be ja-man aofuɛ'm bé wa bla mun kun.

Neemi 7:46

Nyanmiɛn i sua'n nun junman difuɛ bɔ be lɛ su kpɛn be nannan mun yɛlɛ: Zisa, Azifa, Tabaɔt,

Neemi 8:2

Ɛsdras b'ɔ ti Nyanmiɛn nyrun jranfuɛ'n ɔ fali mmla'n bali yasua nin bla, nin be kwlaa nga be wun sa wlɛ'n bɔ b'a yia'n be nyrun lɛ.

Neemi 8:3

Kɛ ɔ fɛ nglɛmun lele b'ɔ ´fa ju midi su'n, ɔ kanngannin fluwa nun anuan bɔ be flɛ i Nzue anuan i nyrun gbaun'n nun lɛ. Ɔ kanngan kleli yasua nin bla, nin be kwlaa bɔ be wun sa wlɛ'n mun. Sran'm be kwlaa be sieli bé su tieli mmla fluwa i nun ndɛ bɔ Ɛsdras kanngannin'n.

Neemi 9:2

Ɔ man Izraɛlfuɛ sɔ'm be yacili be nga be ti-man Zuif'm be lɛ, be cuɛnnin be wun kɛ be ´ko di be bɔbɔ bé sa tɛ'n ɔ nin be nannan'm be liɛ'n i nanwlɛ.

Jue Mun 105:45

I waan ɔ ´yo sɔ nan be di i nuan ndɛ'm bé su, nan be niɛn i mmla ng'ɔ fa mannin be'n bé su be nanti. An `manman Anannganman!

Jue Mun 119:106

Jɔlɛ klanman nga a dili'n, i su sa bɔ n seli wɔ kɛ n ´yo'n, san n ´yo i nuan su.

Jue Mun 8:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan sɛ be ´to'n, be `bo jru nga be yo be Gat lɔ'n wie. I waan:

Jue Mun 8:9

anunman mun o, jue mun o, jenvie nun nnɛn'm be wafa-wafa'n kwlakwla, ɔ lɛ-man kun, be kwlaa bé ti o i bo.

Ezai 14:1

Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Zeremi 26:4

Se be kɛ Anannganman'n wan yoo: «Amun `tie ndɛ nga n kan'n, amun `nian min mmla bɔ n fa mannin amun'n su.

Zeremi 34:15

Amun kusu ndɛ amu'an kaci amun ajalɛ'n, amun yoli ng'ɔ yo min klanman'n. Amun waan amun ´yaci amun niaan'm be nun. Amún nuan ɔ'a sɛ amún wun min nyrun sua nga min dunman'n wo su'n nun wa.

Ezekiɛl 36:27

N ´fa min Wawɛ'n n ´wla amun nun. N ´yo man amun ´fa min mmla nin mín nuan su ndɛ'm be su.

Saun Yolɛ 20:26

Man amun nzuɛn'n ɔ fa min liɛ'n. Afin min Anannganman, min nzuɛn'n liɛ'n nin klɔ sran liɛ'n ti-man kun. Min waan amun yo min liɛ ti yɛ n waan nán amun nin nvle uflɛ nunfuɛ mun be sanngan nin-ɔn.

Kalɛ 5:21

man Anannganman tu wɔ fɔ. Man ɔ yo man ɔ klun'n ɔ yo kpan, man ɔ ku'n ɔ wla ɔ́ wun. Yɛ man i sɔ'n ti sɛ ɔ nvle'n nunfuɛ'm be waan be ´bo sran wie sannzan nzra nun'n, be `nian ɔ liɛ'n su yɛ be bo-ɔ.

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Jean 15:14

Sɛ an fa min ndɛ'n su'n, an ti n janvuɛ.

Jean 7:19

?Moiz yɛ ɔ fa mmla'n mannin amun-ɔn, nɛ́n i-ɔ? Sanngɛ amun nun wie fi a fa-man su. ?Nguɛ ti yɛ an klo kɛ amun ´kun min-ɔn? »

Sa nga bé yôli'n 11:23

Ɔ ti sran kpa, Nyanmiɛn Wawɛ'n sie i, yɛ ɔ lafi Nyanmiɛn su kpa. Kɛ ɔ juli lɔ b'ɔ wunnin ye dan nga Nyanmiɛn yoli be'n, i klun jɔli, ɔ tuli be kwlaa be fɔ kɛ be fa bé wla gua e Min'n su yɛ be jran kekle, yɛ sran kpanngban kpa be fa bé wun mannin e Min'n.

Sa nga bé yôli'n 17:34

Sanngɛ be wie'm be fa bé wun mɛntɛnnin i, yɛ be fɛli i ndɛ'n su. Be wie yɛlɛ Denis b'ɔ ti be bɔ be di jɔlɛ Areopazi lɔ'n be nun kun'n, yɛ bla kun bɔ be flɛ i kɛ Damaris'n, ɔ nin sran wie mun ekun.

Sa nga bé yôli'n 23:21

Nán kplin su, afin be nga b'a sɛ i nyrun be tra sran ablanan. Be waan be di-man like be nɔn-man nzue san b'a kun i. I sɔ'n ti b'a fa Nyanmiɛn b'a wuawua bé wun. B'a wie tanndan, be gua lɔ, wɔ yɛ be su minndɛ wɔ-ɔ.»

Rɔmfuɛ Mun 12:9

Nán amun sran klolɛ'n ɔ yo amún nuan bui su. An `kpɔ sa tɛ'n, nán an nian, sanngɛ like nga be ti kpa'n, man be lo amun.

Mmla'n 33:4

Mmla nga Moiz fa mannin ye'n, ɔ ti Zakɔb i osu nunfuɛ'm be aja like.

Mmla'n 5:1

Moiz flɛli Izraɛlfuɛ'm be kwlaa, nan ɔ'a se be kɛ: Izraɛlfuɛ mun, amun `tie mmla fanunfanun nga n ´kan be n ´kle amun ndɛ yɛ'n. Amun `suan be, yɛ amun `nian bé su `nanti.

Mmla'n 5:32

Moiz seli Izraɛlfuɛ'm be kɛ: «Amun `fa ndɛ nga Anannganman amun Nyanmiɛn'n fa mannin amun'n i su kpa. Nán amun yi i ase.