Neemi 1:9 - NYANMIƐN NDƐ'N 1998

⁹ sanngɛ sɛ e kaci ajalɛ'n, sɛ e fa ɔ mmla'm be su'n, nan e fa ɔ ndɛ'm be su'n, kannzɛ be tra ye ɔli asiɛ'n i awieliɛ lɔ'n, a ´ko fa ye ba lika nga a kleli kɛ be `bo ɔ dunman lɛ'n nun .

Neemi 1:9 ပူးပေါင်းရင်းမြစ်များ

1 Famiɛn Mun 8:48

Kɛ be o be kpɔfuɛ nga be trali be lomuɛn'n be mɛn'n nun lɔ'n, sɛ be tu be klun be kpata wɔ sakpa'n, sɛ be kpɛ bé nyin mɛn nga a fa mannin be nannan mun'n, nin klɔ nga a kpali'n, ɔ nin sua nga n kplan m mannin wɔ'n bé wun wa nan be srɛ wɔ'n,

1 Famiɛn Mun 9:3

Anannganman seli i kɛ: «Aunnvuɛ srɛlɛ nga a srɛli'n, n tili. Sua bɔ a kplannin'n, m'an sie i ngunmin. N ´tran nun tititi. Mín nyin ´ta su yɛ n ´yo amun ye tititi.

1 Be Nyoliɛ 16:35

Amun `se kɛ: «Nyanmiɛn, wɔ bɔ a ti e Defuɛ'n, de ye. Kan e bo nun. De ye nvle-nvle'm be nunfuɛ'm bé sa nun man e bo flɛ wɔ, afin ɔ dunman'n lɛ-man wunsu, yɛ man e fa ɔ manmanlɛ bɔ e manman wɔ'n di é nuan.»

Ɛsdras 6:12

Famiɛn kwlaa, ɔ nin nvle kwlaa ng'ɔ fa-man ndɛ nga su, b'ɔ jaso kɛ ɔ ´bu Zerizalɛm Nyanmiɛn sua'n, man Nyanmiɛn bɔ Zerizalɛm lɔ yɛ i waan ɔ yi i wun nglo weiin'n, ɔ yi i sɔ famiɛn'n i ase, annzɛ ɔ saci i sɔ nvle liɛ'n. M bɔbɔ min Dariis yɛ m man mmla nga-a. Man be nian su sɛsɛsɛ be yo.»

Jue Mun 106:47

Anannganman e Nyanmiɛn, de ye! Kan e bo nun, yi e nvle nga'm bé afiɛn fite, man e bo flɛ wɔ, afin ɔ dunman'n lɛ-man wunsu, yɛ man e fa ɔ manmanlɛ bɔ e manman wɔ'n e di é nuan.

Jue Mun 147:2

Anannganman su kplan Zerizalɛm i uflɛ. Izraɛlfuɛ nga be trali be lomuɛn ɔli'n, i yɛ ɔ yiayia bé nuan-an.

Ezai 11:12

Ɔ ´kplan nzɔliɛ kun fa man nvle-nvle mun. Ɔ wa flɛflɛ Izraɛlfuɛ nga be kannin bé bo bé mɛn nun'n. Ɔ wa tian Zidafuɛ nga be bo sanndili asiɛ'n i bue nnan'n su'n be nuan.

Ezai 27:12

I cɛn sɔ nun'n, waka nga be o nzue dan'n i nuan lele fa ju Ezipt nzue ba'n i nuan'n, Anannganman ´keje waka sɔ mun sa uya-uya-uya. Yɛ amun Izraɛlfuɛ mun, ɔ ´isa amun kunngunngun.

Ezai 56:8

Anannganman Nyanmiɛn b'ɔ kannin Izraɛlfuɛ'm bɔ be bo sanndili mun boli nun'n, ɔ kɛn i ekun kɛ: «N dun mmua n yiali wie'm bé nuan, n wa yia wie'm bé nuan ekun.»

Zeremi 12:15

Sanngɛ kɛ n ko tu be n ko wɔ'n, i sin n wa si be aunnvuɛ. N ´fa be n sa be sin be lika kunngun mun nin mɛn kunngun'm be nun.

Zeremi 3:14

Anannganman'n wan yoo: «Amun b'ɔ amun ti kɛ bian safuɛ'n sa'n mun, an `sa amun sin bla. Afin amun Min'n yɛlɛ min. N ´fa amun nun sran kun klɔ wie'm be su, n ´fa sran nnyɔn awlobo wie'm be nun, n ´fa amun sɔ trilili n sin yia nun yɛ n ´fa amun m ´ba Siɔn.

Zeremi 31:10

«Nvle kun nga mun, ndɛ nga Anannganman'n kan'n, an `sie amun su tie nan an `ko kan kle mɛn nga be o jenvie'n i kɔmin sin mmua lɔ'n. An `se be kɛ: ‹Sran nga man Izraɛlfuɛ'm be bo sanndili'n, ɔ su yiayia be nan ɔ ´nian be su kɛ bua sunianfuɛ'n niɛn i bua'm be su'n sa.›

Zeremi 32:37

‹Se kɛ sɛ: Mɛn nga n fɛli i wun ya dan kpa bɔ i ti min anwlɛn'n kpɛli min klun bɔ n fuannin i nunfuɛ mun'n, n ´yiayia be mɛn sɔ'm be nun n ´fa be m ´ba lika nga nun wa ekun, be ´nyan manndran wa.

Zeremi 6:22

Anannganman'n wan yoo: «Nvle kun nunfuɛ'm be fin mɛn'n i nglo lɔ lika'n nun be su ba. Nvle dan kun nunfuɛ'm b'a jaso mɛn'n i bue kun lɔ be su ba.

Ezekiɛl 14:6

I sɔ'n ti kan kle Izraɛlfuɛ'm be kɛ: ‹Anannganman Nyanmiɛn'n wan yoo: An `sa amún sin, an `kaci amún sin si amun amuɛn mun. Nán an kpɛ amún nyin amun tete ninnge'm be su kun.

Ezekiɛl 36:24

«N ´fa amun nvle-nvle'm be afiɛn. Kɛ n fa amun mɛnmɛn'm be nun bɔ n ko tian amún nuan'n, yɛ n ´fa amun n kɔ amún mɛn'n nun-ɔn.

Saun Yolɛ 26:3

«Sɛ amun fa min mmla'm bé su'n, ndɛ nga n kan n kle amun'n, sɛ amun fa bé su'n,

Zakari 8:7

Anannganman b'ɔ sie mɛn wunmuan'n wan yoo: «N wa de min nvlefuɛ nga be o wia afiliɛ lɔ'n nin i atɔliɛ lɔ mun.

Matthieu 24:31

Kɛ awɛ'n ko tɛ'n, n ´sunman min anz mun, be wa yia be bɔ Nyanmiɛn fali be bɔ be o mɛn wunmuan'n nun'n, kɛ ɔ fin nyanmiɛn b'ɔ la nglo lɔ plaii'n i bue kun su lele fa ju i bue kun ekun su lɔ'n yɛ ɔ ´yo i sɔ nin-ɔn .»

Mmla'n 12:21

Sɛ lika nga Anannganman amun Nyanmiɛn'n kle kɛ ɔ ´tran lɛ'n nin amun tranwlɛ'n wo mmua dan'n, amun kwla kun nannin, nin bua, nin boli nga Anannganman fa mannin amun'n wie be di kɛ n kan kleli amun'n sa. Amun `di amun klun klo liɛ'n kan amun tran lɛ'n.

Mmla'n 12:5

Lika nga Anannganman amun Nyanmiɛn'n ko kle amun kɛ lɛ yɛ be `bo i dunman nan lɛ yɛ ɔ ´tran'n, lɛ kunngba yɛ amun `ko su i-ɔ.

Mmla'n 30:1

Muae nin sa yalɛ'n bé wun ndɛ mun yɛ m'an fa sie amun nyrun lɛ-ɔ. Kɛ sa sɔ'n kwlaa ko ju amún su'n, bɔ Anannganman amun Nyanmiɛn'n ko fa amun ko ɔ mɛn uflɛ'm be nun'n, kpɛkuun muae nin sa yalɛ ndɛ nga n fa sieli amun nyrun lɛ'n ɔ wa kpɛn amun klun.