Neemi 1:8 - NYANMIƐN NDƐ'N 1998

⁸ Sanngɛ man ɔ́ wla kpɛn ndɛ nga a fa wlali ɔ sufuɛ Moiz nuan kɛ ɔ kan kle ye'n su . Ɔ waan sɛ e yo sa tɛ'n, wɔ man e ´bo sanndi nvle uflɛ'm be nun,

Neemi 1:8 ပူးပေါင်းရင်းမြစ်များ

Jue Mun 119:49

Ndɛ nga a kan kleli min bɔ n ti ɔ sufuɛ'n, nán man ɔ́ wla fi su! Afin i yɛ man n wla'n ɔ guali ase-ɔ.

Ezekiɛl 22:15

N wa yo man amun bo ´sanndi nvle-nvle'm be nun. Yɛ n ´yo man fiɛn'n ɔ ´wie amun nun.

Ezekiɛl 5:10

Klɔ'n su siɛ'm be wa fa be mma mun yo nnɛn be ´di, yɛ ba'm be ´fa bé si nin be nin mun yo nnɛn be ´di. N wa tu amun fɔ, be kwlaa nga be ´ka lɛ'n, n ´yo man be ´bo sanndi mɛn wunmuan'n nun zaun .›

Ezekiɛl 6:8

Sanngɛ amun nun wie'm be ´ka lɛ, alɛ su di-man amun ngba, be nga be ´ka lɛ sɔ'n be ´bo sanndi mɛn wie'm be nun.

JÉSUS-CHRIST I DYASIN FE'N BO LUC KLELI'N 1:72

Ɔ si e nannan'm be aunnvuɛ, yɛ i wla o ndɛ b'ɔ kan kleli be'n su.

Mmla'n 28:64

Anannganman ´fa amun ´sanndi nvle'm be kwlaa be nun kɛ ɔ fɛ i asiɛ'n i bue kun b'ɔ fa ju i bue kun ekun lɔ'n. Kpɛkuun amun wa sɔ amuɛn wie mun bɔ amun nannan'm b'a si-man be nan ´se kɛ amun bɔbɔ'n . Amuɛn sɔ'm be ti waka nin yɛbuɛ.