Neemi 1:7 - NYANMIƐN NDƐ'N 1998

⁷ E fɔnnin ɔ́ wun, y'a fa-man mmla fanunfanun nga a fa mannin ɔ sufuɛ Moiz'n su .

Neemi 1:7 ပူးပေါင်းရင်းမြစ်များ

1 Famiɛn Mun 2:3

Nanti Anannganman ɔ Nyanmiɛn'n i atin'n su sɛsɛsɛ. Niɛn i nuan ndɛ'n su yo ng'ɔ kan kle wɔ'n. Fɛ i mmla fanunfanun'm bɔ be ti klɛwa Moiz i fluwa nun'n bé su. I liɛ'n, lika kwlaa nga a wo'n, sɛ a gugu kɛ a ´yo like wie'n, ɔ wa yo kpa man wɔ.

2 Be Nyoliɛ 25:4

Sanngɛ ɔ'a kun-man be mma mun wie. Ɔ niannin mmla ng'ɔ ti klɛwa Moiz i fluwa'n nun'n su. Fluwa sɔ nun'n Anannganman kɛnnin i kɛ: «Sɛ ba'm be yo tɛ'n, nán be kun bé si mun, sɛ kusu siɛ'm be yo sa tɛ'n, nán be kun be mma mun. Sanngɛ man sran kun wu i bɔbɔ i sa tɛ'n i nuan.»

2 Be Nyoliɛ 27:2

Ɔ yoli sa nga be yo Anannganman fɛ'n kɛ i si Ozias yoli'n sa. Sanngɛ i liɛ'n, ɔ'a wlu-man Anannganman i sua'n nun. Ɔ nin i sɔ ngba'n, sran'm be yoli sa tɛ'n be ɔli be nyrun.

Ɛsdras 7:6

Ɛsdras sɔ'n fin Babilɔni lɔ yɛ ɔ bali-ɔ. Ɔ ti Anannganman b'ɔ ti Izraɛl Nyanmiɛn'n i mmla nga Moiz mannin'n i klefuɛ. Ɔ si mmla sɔ'n kpa sakpa. Anannganman b'ɔ ti i Nyanmiɛn'n jin i sin. Ɔ man like kwlaa ng'ɔ usali famiɛn'n, ɔ fa mɛnnin i.

Jue Mun 106:6

E yoli sa tɛ kɛ e si'm be sa. E fɔnnin, e yoli klunwi.

Jue Mun 89:31

Sɛ i osu'n nunfuɛ nga be wa jaso su'n be yi min mmla'n i ase'n, sɛ be fa-man ndɛ nga n kan'n su'n,

Jue Mun 89:32

sɛ be fa-man ndɛ nga n kan kle be'n be su'n nan be fa-man min mmla'm be su'n ,

Ezai 1:4

Nvle b'ɔ ti sa tɛ yofuɛ, nvle bɔ sran kunlɛ'n ti i nzuɛn'n, nvle bɔ i nunfuɛ'm be ti kakajefuɛ ngunmin kokoko'n, amu'an wie wu mlɔnmlɔnmlɔnmlɔn, amun yako! Amu'an yi min Anannganman min ase, amu'an yo min bɔ n ti Izraɛl i Nyanmiɛn kunngba'n min finfin, amu'an kaci amun sin b'a si min.

Daniɛl 9:11

Izraɛl nvle wunmuan'n ɔ fɔnnin ɔ mmla'n, yɛ ɔ kacili i sin sili wɔ. I sɔ'n ti nan nyrɛnnɛn nin sannzan nga be klɛli be Moiz b'ɔ ti ɔ sufuɛ'n i mmla fluwa'n nun'n b'a tɔ e su . Yɛlɛ kɛ e yoli sa tɛ.

Daniɛl 9:13

Nyrɛnnɛn sɔ'n bɔ be kannin be ndɛ Moiz i mmla'n nun'n, be kwlaa be juli e su. Kpɛkuun e kusu y'a kpata-man wɔ kɛ a gua ɔ ya'n i ase. Anannganman e Nyanmiɛn, y'a kaci-man é sin y'a si-man é sa tɛ mun, y'a bu-man ɔ gugulɛ nga a guguli'n i akunndan.

Ndɛ Nga Nyanmiɛn I Nuan Ijɔfuɛ Oze Kannin'n 9:9

An yoli sa tɛtɛ'n lele ɔ'a bobo su kɛ Gibea blɛ su'n sa, i sɔ sa tɛ liɛ'n, Anannganman'n su bu-man nnya gua-man su, ɔ ´tu amun fɔ sa tɛ sɔ'm be ti .

Saun Yolɛ 27:34

Mmla nga Anannganman kan kleli Moiz Sinai oka'n su lɔ kɛ ɔ kan kle Izraɛlfuɛ mun'n yɛ ɔ o lɛ-ɔ.

Sofoni 3:7

Min waan sɛ n ´yo sɔ nan Zerizalɛmfuɛ'm be ´sro min o. Bé nyin nglo-nglo nga n wlali'n, min waan wuun sɛ be ´wun i wlɛ o. Sa nga n ko yo'n, n yoli, sanngɛ sa tɛtɛ yolɛ'n yɛ bé wun kpɛ su-ɔ.»

Mmla'n 4:1

Siɛn'n, Izraɛlfuɛ mun, amun `tie mmla fanunfanun nga n fa kle amun'n, amun `fa be su. I liɛ, amun ´tran nguan nun, kpɛkuun mɛn nga Anannganman amun nannan'm be Nyanmiɛn'n fa mannin amun'n, amun ´ko fa.

Mmla'n 4:5

Amun si kɛ mmla fanunfanun nga Anannganman min Nyanmiɛn'n fa mannin min'n yɛ n kusu n fa kleli amun-ɔn. Sɛ amun ju mɛn nga amun ´kɔ i falɛ yɛ'n nun lɔ'n, amun `nian be su `fa nanti.

Mmla'n 5:1

Moiz flɛli Izraɛlfuɛ'm be kwlaa, nan ɔ'a se be kɛ: Izraɛlfuɛ mun, amun `tie mmla fanunfanun nga n ´kan be n ´kle amun ndɛ yɛ'n. Amun `suan be, yɛ amun `nian bé su `nanti.

Mmla'n 6:1

«Mmla fanunfanun ng'ɔ o yɛ'n kwlaa Anannganman amun Nyanmiɛn'n waan n `kle amun nan sɛ amun ju mɛn nga amun su kɔ nun yɛ'n nun lɔ'n, amun `fa be su.

Sa nglô yile 19:2

I ndɛ ng'ɔ di'n ɔ ti nanwlɛ, yɛ ɔ ti su! Afin bla dan'n b'ɔ fɛli i tekle bolɛ'n sacili asiɛ'n ɔ'a bu i fɔ, yɛ ɔ tuli i sran bɔ bla sɔ'n ɔ kunnin be'n be klunngbɔ'n .»