Neemi 1:6 - NYANMIƐN NDƐ'N 1998

⁶ nian min, sie ɔ́ su tie min srɛlɛ'n. Kɔnguɛ nin wia su n srɛ wɔ m man ɔ sufuɛ Izraɛlfuɛ mun. N kan Izraɛlfuɛ mun ɔ nin e kwlakwla e sa tɛ'n bɔ e yoli wɔ'n i ndɛ kle wɔ, afin e nin min nannan mun e yoli sa tɛ.

Neemi 1:6 ပူးပေါင်းရင်းမြစ်များ

1 Famiɛn Mun 8:30

Kɛ a o ɔ tranwlɛ'n nun nyanmiɛn su lɔ'n, tie min bɔ n ti ɔ sufuɛ'n, ɔ nin Izraɛlfuɛ'm bɔ be ti ɔ nvle'n nunfuɛ mun ye aunnvuɛ srɛlɛ'n nga e ´jran lika nga nun e ´srɛ wɔ'n. Tie nan yaci é wun sa mun cɛ ye.

1 Famiɛn Mun 8:47

Kɛ be o kanga nun mɛn sɔ'n nun lɔ'n, atrɛkpa-a, be ´kaci akunndan, yɛ be ´fa bé wun wla ɔ sa nun ekun. Atrɛkpa-a, be ´se kɛ: ‹E yoli sa tɛ. Atin nga e nantili su'n, ti-man sein. E fɔnnin.›

2 Be Nyoliɛ 28:10

I sin kpɛkuun Zerizalɛmfuɛ mun nin Zidafuɛ sɔ mun'n, amun kunndɛ kɛ amun ´fa be kaci amun kanga. ? Sanngɛ amun bɔbɔ kpa nin-ɔn, amun fɔn-man Anannganman amun Nyanmiɛn'n wun wie?

2 Be Nyoliɛ 29:6

E nannan'm b'a mantan-man Anannganman e Nyanmiɛn'n. Be yoli sa ng'ɔ yo-mɛn i fɛ'n, be kacili be sin sili i. Be kacili bé sin sili i sua'n, b'a kpɛ-man bé nyin Anannganman su lɔ kun.

2 Be Nyoliɛ 6:40

Siɛn'n, min Nyanmiɛn, nán kata ɔ nyin, sie ɔ́ su srɛwa nga n su srɛ wɔ sua nga nun yɛ'n i bo.

Ɛsdras 10:1

Kɛ Ɛsdras kotoli Nyanmiɛn i sua'n nyrun lɛ b'ɔ ´srɛ Nyanmiɛn'n, b'ɔ ´kpɛtɛ i, wuun ɔ ´sun. Izraɛlfuɛ kpanngban kpa, yasua nin bla, nin ba kanngan'm be wa yiɛli i wun lɛ. Be kwlaa be sunnin kpa.

Ɛsdras 10:11

Siɛn'n, amun `di amún sa tɛ'm be nanwlɛ kle Anannganman amun nannan'm be Nyanmiɛn'n, nan amun `yo i klun sa. Nán amun nin nvle nga be o wa'm be nunfuɛ'm be nanti kun. Amun `yaci nvle nun bla mun.»

Neemi 1:11

Min Min, sie ɔ́ su tie min srɛlɛ'n ɔ nin ɔ sran nga be nyin yi wɔ'n be srɛlɛ'n. Man n nyan muae ndɛkɛn, yo man n nyan jranwlɛ bian sɔ'n i nyrun.» I blɛ sɔ nun'n, wuun n ti famiɛn'n i nzan sufuɛ.

Jue Mun 102:17

Anannganman'n ´kplan Siɔn klɔ'n uflɛ, ɔ yi i anyrunnyan'n i nglo.

Jue Mun 106:6

E yoli sa tɛ kɛ e si'm be sa. E fɔnnin, e yoli klunwi.

Jue Mun 130:2

Min Min, tie min aniɛn! Sie ɔ́ su min srɛwa tantrantan'n i bo!

Jue Mun 32:5

Yɛ n seli min wun kɛ: «Man n sin n di min sa tɛ'n i nanwlɛ n kle Anannganman ke!» Yɛ n kannin min fɔnlɛ bɔ n fɔnnin'n n kleli wɔ-ɔ, m'an fia-man su. Kpɛkuun ɔ kusu, min wun sa sɔ'n b'ɔ ti kɛ trɔ sa b'ɔ jin min ti su'n, a sike jinnin.

Jue Mun 34:15

Ɔ wla sa tɛtɛ'n i ase, ɔ yo sa kpa. Man ɔ nin sran kwlaa be nuan sɛ. Man sran'm be afiɛn siesielɛ'n ɔ kaci i junman.

Jue Mun 55:17

N liɛ'n, n kpan n flɛ Nyanmiɛn, kpɛkuun ɔ'a de min.

Jue Mun 88:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo blo. Be waan Eman b'ɔ ti Ɛzrafuɛ'n i jue-ɔ.

Ezai 6:5

Yɛ n seli kɛ: «M'an wu o! M'an mlin o, afin n ti sran kun bɔ min nuan bui'm be ti fiɛn, yɛ nvle'n bɔ n tran nun'n, i nun sran'm bé nuan bui'm be ti fiɛn, yɛ min nyinma ɔ'a wun Famiɛn'n, m'an wun Anannganman b'ɔ sie mɛn wunmuan'n.»

Ngwlɛ Yilɛ 5:7

E nannan'm bɔ be yoli be sa tɛ'n be nun-man nun kun. I sɔ'n kpɛkuun é ti su yɛ bé sa tɛ sɔ'n i trɔ'n ɔ'a taka-a .

Daniɛl 9:15

E Min e Nyanmiɛn, wɔ tinmin'n bɔ be jrɛn i nyrun-ɔn ɔ yo-man ye'n ti, a fali ɔ nvle'n nunfuɛ mun Ezipt mɛn'n nun lɔ bali, ɔ man ɔ dunman'n fuli, yɛ kɛ e ´se yɛ'n ɔ tɛ fu. Sanngɛ é nyin a yi-man wɔ, e fɔnnin.

Daniɛl 9:20

«N kannin ndɛ ekun, n srɛli Nyanmiɛn, n dili mín sa tɛ'm be nanwlɛ, n kannin Izraɛlfuɛ bɔ be ti min nvle'n nunfuɛ mun bé sa tɛ'm bé wun ndɛ. N sun flɛli Anannganman min Nyanmiɛn'n i lika b'ɔ ti i liɛ klonglo'n i dunman nun ti.

Daniɛl 9:4

N srɛli Anannganman min Nyanmiɛn'n, yɛ n kannin e sa tɛ nga e yoli mun n kleli i, n seli kɛ yoo: ‹Anannganman, Nyanmiɛn b'ɔ ti dan yɛ b'ɔ yo sro'n, sran nga be fa ɔ mmla'm be su'n, aenguɛ nga a nin be tra'n ɔ ka lɛ titi. A nin be nga be klo wɔ'n be o nun titi.

Daniɛl 9:5

E nyin a yi-man wɔ, e yoli sa tɛ, e fɔnnin, e jasoli ɔ́ wun. Ɔ mmla nin ɔ́ nuan su ndɛ nga a kannin'n, y'a di-man su.

Daniɛl 9:8

Nanwlɛ, e Min, nyannzuɛn'n ɔ'a kun ye kpo. E bɔbɔ o, e famiɛn mun o, e famiɛn i awlo lɔ sran dandan mun o, e nannan mun o, e yɛ nyannzuɛn sɔ'n ɔ'a kun ye-ɔ, afin é nyin a yi-man wɔ.

JÉSUS-CHRIST I DYASIN FE'N BO LUC KLELI'N 18:7

?Yɛ be nga Nyanmiɛn kpali be bɔ be sun flɛ i kɔnguɛ nin wia nun'n, ɔ su jran-man bé sin di-man be ndɛ'n? ?Ɔ ´sisi i bo nan ɔ'a di be jɔlɛ'n?

JÉSUS-CHRIST I DYASIN FE'N BO LUC KLELI'N 2:37

ɔ'a ja-man bian kun. Ɔ'a di afuɛ ablaɔcuɛ-nin-nnan, ɔ tu-mɛn i bo Nyanmiɛn i sua'n nun. Ɔ su Nyanmiɛn kɔnguɛ nin wia nun, ɔ kpɛ srɛ nun yɛ ɔ srɛ Nyanmiɛn.

Efɛzfuɛ Mun 2:3

Laa e kwlaa e ti kɛ be sa, like nga klɔ sran konvi sɔ i'n yɛ e kunndɛ-ɔ, like kwlaa ng'ɔ yo e fɛ bɔ e bu i akunndan'n yɛ e yo-ɔ. Nzuɛn sɔ'n bɔ be wuli ye nin i'n ti'n, san Nyanmiɛn ´fa é wun ya kɛ ɔ fali sran wie'm bé wun ya'n sa.

1 Timote 5:5

Bla nga i wun wuli b'ɔ lɛ-man sran niɛn-mɛn i lika mlɔnmlɔn'n, ɔ fɛ i wla'n gua Nyanmiɛn su, yɛ wia nun o, kɔnguɛ o, ɔ nin i koko yalɛ, ɔ srɛ i kɛ ɔ niɛn i su.

2 Timote 1:3

Nyanmiɛn bɔ min nannan mun be suli i be klun a titi-man be'n, bɔ n kusu n su i sɔ'n, n ´lɛ i ase. Kɔnguɛ nin wia nun kɛ n ´koko yalɛ kle Nyanmiɛn'n, n kan ɔ ndɛ kle i titi,

1 Jean 1:9

Sanngɛ sɛ e di sa tɛ nga e yoli'n i nanwlɛ kle Nyanmiɛn'n, e kwla fa é wla'n guɛ i su, afin ɔ yo sa i nuan su, ɔ ´yaci cɛ ye, yɛ ɔ man é wun sa'n kwlaa ´wie.

1 Samiɛl 15:11

«Sail i famiɛn sielɛ nga n fɛ i sieli yɛ'n, ɔ yo min ya kpa. Sail nin min nun-man nun kun, ɔ fa-man min ndɛ'n su kun.» Ndɛ sɔ'n yoli Samiɛl ya kpa. Kɔnguɛ wunmuan'n nun'n, ɔ sun flɛli Anannganman.