Neemi 1:5 - NYANMIƐN NDƐ'N 1998

⁵ N seli i kɛ: «Ee! Anannganman, nglo lɔ Nyanmiɛn, Nyanmiɛn Kpli b'ɔ yo sro, wɔ bɔ a nin sran tra aenguɛ-ɔ, a saci-mɛn i'n, wɔ bɔ sran nga be klo wɔ'n, bɔ be fa ɔ mmla'n su'n, a nin be nanti klanman'n,

Neemi 1:5 ပူးပေါင်းရင်းမြစ်များ

1 Famiɛn Mun 8:23

Yɛ ɔ seli kɛ: «Anannganman, Izraɛl Nyanmiɛn, like fi nin wɔ sɛ-man nyanmiɛn su lɔ nin asiɛ'n su wa. Ɔ sufuɛ nga be fa bé wla gua wɔ su'n, bɔ be fa wɔ atin'n su seiin'n, aenguɛ nga a nin be trali'n ti'n, a kpɔci-man be.

1 Be Nyoliɛ 17:21

Nvle fi nun-man lɛ bɔ be kwla fa sunnzun Izraɛl-ɔ. Izraɛl kunngba yɛ a ko deli i, yɛ a fa yoli ɔ nvle-ɔ. A yoli sa dandan mun nin sa sroesroe mun, ɔ man ɔ dunman'n fuli. Ɔ sran bɔ a deli be Ezipt lɔ'n be ti a fuannin mɛn wie nun sran mun.

Ɛsdras 1:2

«M bɔbɔ min Siris bɔ n ti Pɛrs famiɛn'n, min wan yoo: Anannganman b'ɔ ti nglo lɔ Nyanmiɛn'n fali asiɛ'n su famiɛn diwlɛ'm be kwlaa mannin min. Yɛ ɔ seli min kɛ n `kplɛn i sua kun Zerizalɛm, Zida nvle nun .

Neemi 2:4

Famiɛn'n usali min kɛ: «?Nguɛ yɛ ɔ waan n yo m man wɔ-ɔ?» Yɛ n srɛli nglo lɔ Nyanmiɛn nin-ɔn.

Neemi 4:14

Sɛ amun ti awɛ'n, amun `yia kan e o bɔ e bo awɛ'n lɛ'n. E Nyanmiɛn'n ´kun e ti alɛ!»

Neemi 4:8

Kɛ n wieli kan be wo'n i nian-nian'n, n seli kpɛnngbɛn nin jɔlɛ difuɛ, nin sran'm be kwlaa kɛ: «Nán man amun sro be! Nán amún wla fi kɛ Anannganman ti dan nan ɔ yo sro. Amun `kun amun niaan nin amun mma mun, nin amún yi mun, ɔ nin amun awlo'm be ti alɛ.»

Neemi 9:32

Siɛn'n e Min, Nyanmiɛn Kpli b'ɔ kwla like kwlaa yo'n, b'ɔ yo sro'n, Nyanmiɛn b'ɔ nanti aenguɛ b'ɔ nin ye trali'n su'n, Nyanmiɛn b'ɔ si aunnvuɛ'n, kɛ ɔ fɛ i Asiri famiɛn'm be blɛ su lele b'ɔ ´fa ju ndɛ'n, afɛ ng'ɔ tɔli é su e nin e famiɛn mun, nin e famiɛn i awlo lɔ sran dandan mun, nin e Nyanmiɛn nyrun jranfuɛ mun, nin e Nyanmiɛn nuan ijɔfuɛ mun, nin e nannan mun, nin e nvle'n kwlaa'n, afɛ sɔ'n, nán bu i like kaan.

Jue Mun 47:2

Nvle nunfuɛ'm be kwlaa, amun `bo ndɛ, amun klun b'ɔ ti jɔwa'n ti'n, amun `bo sro nan amun `manman Nyanmiɛn.

Jue Mun 76:8

Ee! A yo sro o! ?Kɛ a ko fa ya'n, wan cɛ yɛ ɔ kwla ɔ nyrun jran-an?

Jue Mun 89:2

Anannganman, n ´to jue n ´fa kan ɔ klun-ufue'n i wun ndɛ. N ´kan ɔ nanwlɛ bɔ a di i titi'n i wun ndɛ n kle sran akpasua nga be wa jaso su'n.

Jue Mun 89:3

Afin n kɛn i kɛ ɔ klun-ufue'n lɛ-man kpɛbo, yɛ ɔ nanwlɛ bɔ a di'n ɔ wie-man nyanmiɛn su lɔ.

Jue Mun 89:8

Be nga be o nyanmiɛn su lɔ'n, Nyanmiɛn ti dan tra be ngba. Ɔ wun sran'm be sa ɔ nyan.

Ezipt Lɔ Tulɛ'n 20:6

Sanngɛ sran nga be klo min'n, bɔ be fa min ndɛ'm bé su'n, n klo be lele n fa wlu be anunman'm be mma liɛ'm be nun lele ju be akpasua akpi su.

Mmla'n 7:12

Sɛ amun fa amún su sie mmla sɔ'm bé bo nan amun nian be su, nan amun fa bé su'n, Anannganman kusu ɔ ´nian aenguɛ ng'ɔ nin amún si'm be trali'n su, yɛ ɔ ´yo amun ye, afin ɔ tali be nda.

Mmla'n 7:21

Nán srɛ kun amun bé wun, afin Anannganman amun Nyanmiɛn'n nin amun o nun. Ɔ ti Nyanmiɛn kun b'ɔ ti dan yɛ ɔ yo sro.

Mmla'n 7:9

I sɔ'n ti, amun `si kɛ Anannganman amun Nyanmiɛn'n yɛ ɔ ti Nyanmiɛn nin-ɔn. Nyanmiɛn sɔ'n ɔ ti nanwlɛfuɛ, ɔ nin sran mun tra aenguɛ. Sɛ be klo i nan be fɛ i mmla'm be su'n, i kusu ɔ nian aenguɛ ng'ɔ nin be trali'n su yɛ ɔ si be aunnvuɛ lele fa wlu be anunman'm be mma liɛ'm be nun lele ju be akpasua akpi su.