Neemi 1:4 - NYANMIƐN NDƐ'N 1998

⁴ Kɛ n tili ndɛ sɔ'n, n trannin ase, n sunnin, n trannin awlaboɛ sɔ'n nun n dili le nnyɔn kun. N kpɛli srɛ nun, n srɛli Nyanmiɛn b'ɔ o nglo lɔ'n.

Neemi 1:4 ပူးပေါင်းရင်းမြစ်များ

2 Samiɛl 12:16

David srɛli Nyanmiɛn mannin bakan'n. Ɔ cili nglɛmun. Kɔnguɛ kɛ ɔ ju i sua lɔ'n, ɔ la asiɛ wun.

2 Famiɛn Mun 22:19

A tili i kɛ min waan m ´bo klɔ nga nin i nun sran'm be sannzan nan n ´nunnun be. Ndɛ sɔ'n wluli ɔ́ wun, ɔ man a titili ɔ wun tralɛ'm be nun, a kannin ɔ́ wun ase min bo, a sunnin. I sɔ'n ti, m'an ti ndɛ nga a kannin'n. Min Anannganman yɛ n kan sɔ-ɔ.

2 Be Nyoliɛ 6:13

Salomɔn fali aaba kplannin like kun bɔ be kwla jran su, ɔ fa sieli awlo klun'n i afiɛn. I bue'n kwlaa ti mɛtri nnyɔn nin sin, yɛ i nglo-nglo su'n ti mɛtri kun nin sin. Ɔ fuli su, yɛ ɔ kotoli Izraɛlfuɛ'm be kwlaa be nyrun lɛ. Ɔ mɛnnin i sa'm be su nglo yɛ ɔ seli kɛ:

Ɛsdras 1:2

«M bɔbɔ min Siris bɔ n ti Pɛrs famiɛn'n, min wan yoo: Anannganman b'ɔ ti nglo lɔ Nyanmiɛn'n fali asiɛ'n su famiɛn diwlɛ'm be kwlaa mannin min. Yɛ ɔ seli min kɛ n `kplɛn i sua kun Zerizalɛm, Zida nvle nun .

Ɛsdras 10:1

Kɛ Ɛsdras kotoli Nyanmiɛn i sua'n nyrun lɛ b'ɔ ´srɛ Nyanmiɛn'n, b'ɔ ´kpɛtɛ i, wuun ɔ ´sun. Izraɛlfuɛ kpanngban kpa, yasua nin bla, nin ba kanngan'm be wa yiɛli i wun lɛ. Be kwlaa be sunnin kpa.

Ɛsdras 9:3

Kɛ n tili ndɛ nga'n, n titili tralɛ nga be wla mín wun'n be nun. N tutuli mín ti ndrɛ'n ɔ nin min akanza'n, yɛ n trannin ase awlaboɛ b'ɔ kunnin min kpo'n ti .

Ɛsdras 9:5

Nnɔsua tɛ yilɛ dɔ'n su'n, n fali min wun tralɛ titiwa mun, n fin min awlaboɛ'n nun n jasoli, nan m'an koto m'an man mín sa'n su nglo Anannganman min Nyanmiɛn'n i nyrun.

Neemi 2:20

N tɛli be su kɛ: «Nglo lɔ Nyanmiɛn'n man nga e sunnzun'n ɔ ´yo ye. I sufuɛ yɛlɛ ye, é bo ti kun, e wa bo talɛ'n i kplanlɛ'n bo. Amun liɛ'n, Zerizalɛm lɔ like ti-man amun like. Amun kwla yo-man like lɔ. Be ´kan Zerizalɛm ndɛ-ɔ, be bo-man amun dunman nun.»

Neemi 2:4

Famiɛn'n usali min kɛ: «?Nguɛ yɛ ɔ waan n yo m man wɔ-ɔ?» Yɛ n srɛli nglo lɔ Nyanmiɛn nin-ɔn.

Jue Mun 102:15

Afin e bɔ e ti ɔ sufuɛ mun'n, Siɔn lɔ yɛbuɛ'm be yo e klanman, e klo i osu-osu ng'ɔ ka lɛ'n.

Jue Mun 136:26

An `la nglo lɔ Nyanmiɛn'n i ase, afin i klun-ufue'n wo lɛ tititi.

Jue Mun 137:1

Kɛ e titi Babilɔni nzue ba'm bé nuan lɔ'n, bɔ e nyin kpɛnkpɛn Siɔn su'n, e sunnin.

Daniɛl 10:2

«I blɛ sɔ nun'n, m bɔbɔ min Daniɛl, n trannin sɛnvuɛ tranlɛ sɔ lele le mɔcuɛ klonglo nsan.

Daniɛl 2:18

Ɔ seli be kɛ be `srɛ Nyanmiɛn b'ɔ o nglo lɔ b'ɔ ti aklunyefuɛ'n, nan ɔ `yi nvialiɛ nun sa sɔ'n i nglo `kle be kɛ ɔ ´yo nan b'a kun-man be nin Babilɔni lɔ sa sifuɛ mun'n ti.

Daniɛl 9:3

N kpɛli mín nyin Anannganman Nyanmiɛn'n i wun lɔ, n srɛli i tantrantan kpa, yɛ n fɛfɛli i wun. N cili nglɛmun, n wlali bajɛ tralɛ, yɛ n fali nzuɛn guali mín ti'n su.

Zonas 1:9

Zonas tɛli be su kɛ: «N ti Ebre, n su Anannganman b'ɔ ti nglo lɔ Nyanmiɛn'n. I yɛ ɔ boli jenvie'n nin asiɛ nin-ɔn.»

Sofoni 3:18

kɛ be fa yo i cɛn dilɛ nun'n sa. Sayalɛ'n su nyan-man amun kun Anannganman ´titi amun nyrun nyannzuɛn'n.

Rɔmfuɛ Mun 12:15

Sɛ sran kun i klun jɔ'n, man ɔ yo amun fɛ, sɛ sran kun ´sun'n, man ɔ yo amun annvɔ.