Neemi 1:3 - NYANMIƐN NDƐ'N 1998

³ Be seli min kɛ be nga be fin kanga nun ɔli'n be tran Zida akpasua'n su lɔ, yɛ be o nyrɛnnɛn nin nyannzuɛn'n nun. Be seli min ekun kɛ Zerizalɛm klɔ'n kusu i talɛ'n wie ɔ'a bu, yɛ be wɔli i anuan'm be nun.

Neemi 1:3 ပူးပေါင်းရင်းမြစ်များ

1 Famiɛn Mun 9:7

i liɛ'n, n ´kan amun bo mɛn nga n fa mannin amun'n i nun, yɛ sua nga n fali min dunman sieli su'n, n su bu-mɛn i like fi kun, kpɛkuun nvle'm be nunfuɛ'm be kwlaa be ´yo amun finfin, be ´srisri amun.

2 Famiɛn Mun 25:10

Babilɔni sonja nga be nin gladi difuɛ'm be su kpɛn bali'n, be bubuli talɛ ng'ɔ si Zerizalɛm klɔ'n i wun'n.

2 Be Nyoliɛ 36:19

Babilɔnifuɛ'm be wɔli Nyanmiɛn i sua'n nun. Be bubuli Zerizalɛm klɔ'n wun talɛ'n. Be wɔli famiɛn i sua'm be kwlaa be nun, yɛ be sacili klɔ'n nun ninnge kpakpa'm be kwlaa kpan.

Ɛsdras 2:1

Be nga Nɛbikadnɛzar b'ɔ ti Babilɔni famiɛn'n ɔ trali be lomuɛn ɔli Babilɔni'n, be sunman be sali be sin Zerizalɛm ɔ nin Zida mɛn nun. Be kwlaa be ɔli be klɔ kunngun'n be su.

Ɛsdras 5:8

E ɔli Zida nvle'n nun, kan Nyanmiɛn Kpli'n i sua'n wo lɔ'n. Be su kplan. Be sɛ yɛbuɛ yɛ be fa kplan-an. Be fa waka be wlɛwlɛ i talɛ'n nun. Be su nian nun di junman sɔ'n kpa. Ɔ kɔ i nyrun ndɛndɛ.

Neemi 11:3

Zida klɔ kun nga'm be su'n, sran'm be kali be asiɛ nin be klɔ'm be su. Be sɔfuɛ mun yɛlɛ Nyanmiɛn nyrun jranfuɛ mun, nin Levifuɛ mun, nin Nyanmiɛn i sua'n nun junman difuɛ nga be lɛ su kpɛn mun'n, ɔ nin Salomɔn i sufuɛ mun. Zida kpɛnngbɛn kun nga'm be trannin Zerizalɛm.

Neemi 2:13

N sinnin Kongo'n Nun Lɔ anuan'n nun n fiteli kɔnguɛ, n ɔli nzue ti bɔ be flɛ i Dragɔn'n su lɔ, yɛ n juli kan be gua wla lɔ'n i anuan'n nun lɔ. N ´kɔ'n, wuun n ´nian Zerizalɛm klɔ'n i talɛ'n. N wunnin kɛ i lika'n wie ti buwa yɛ i anuan'm be ti yrawa.

Neemi 2:17

Yɛ n seli be kɛ: «Amun `nian nyrɛnnɛn bɔ e o nun-ɔn. Zerizalɛm klɔ'n ɔ'a bubu, i anuan'm b'a yra. Amun man e kplan Zerizalɛm klɔ'n i wun talɛ'n ekun nan e `titi e nyrun nyannzuɛn'n.»

Neemi 2:3

Yɛ n seli famiɛn'n kɛ: «Nannan, man wie wla fi wɔ! Min nyrun bɔ m mlan'n yɛlɛ kɛ b'a bubu klɔ nga be sieli min nannan'm be su'n . Yɛ b'a wɔ i anuan'm be nun.»

Neemi 7:6

Be nga Babilɔnifuɛ'm be famiɛn Nɛbikadnɛzar trali be lomuɛn ɔli'n, be sunman be sali bé sin bali Zerizalɛm annzɛ Zida nvle'n nun. Be ɔli be klɔklɔ nga be fin su'm be su.

Ɛstɛr 1:1

Famiɛn Asieris blɛ su yɛ sa ng'ɔ o yɛ'n juli-ɔ. Asieris sɔ'n i sielɛ'n fɛli i Ɛnd lele fa juli Etiopi. Ɔ sieli mɛn akpasua-akpasua ya ablaɔn-nin-nso .

Jue Mun 79:4

Be nga be lika'm be mantan e wa'n, be kpɛ e nzowa. Be nga be mɛn'm be sin yia e liɛ'n, be yo e finfin, be srisri ye.

Nyanndra Mun 25:28

Sran nga bɔ sɛ ya kun i-ɔ, ɔ si-mɛn i bɔbɔ wun kpata'n, i sɔ sran liɛ'n ti kɛ klɔ bɔ sɛ be fa alɛ be man i su sran mun-ɔn, be kwla-man bé ti kpli'n sa.

Ezai 43:28

I sɔ'n ti yɛ n yoli man be nga be ti min sua'n nun lɔ kpɛnngbɛn'n bé nyin guali ase nin-ɔn. I sɔ'n ti yɛ n sieli i kɛ be ´nunnun Zakɔb i osu'n nunfuɛ mun nin-ɔn. I sɔ'n ti yɛ Izraɛlfuɛ'm be kpɔfuɛ'm be kpɛli be nzowa nin-ɔn.»

Ezai 5:5

Ɔ man yoo, n wa kle amun like nga n wa fa yo min vinyi fie'n. M ´bubu i wun talɛ'n, yɛ nnɛn'm be wa di vinyi nga n tali'n. N ´saci awa ng'ɔ si i wun'n, yɛ be nga be ´sin'n be ´tiatia vinyi'n su.

Zeremi 24:9

Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Zeremi 29:18

N ´fa alɛ nin awe, ɔ nin tukpacɛ b'ɔ sa ndɛndɛ n ´su be su. N ´yo man asiɛ'n su famiɛn diwlɛ'm be wun be-ɔ be ´yo be sro.

Zeremi 39:8

Babilɔnifuɛ'm be wɔli famiɛn sua'n nin klɔ'n nun sua'm be nun. Yɛ be bubuli klɔ'n wun talɛ'n.

Zeremi 42:18

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ min ya dan'n kplo guali Zerizalɛmfuɛ'm be su'n yɛ ɔ ´kplo gua be nga be waan be kɔ Ezipt'n be su-ɔ. Sran'm be ´yo amun finfin: sɛ be waan be su bo sannzan'n, sɛ be ´kan sa sroesroe wie ndɛ'n annzɛ be su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ be ´bo-ɔ, yɛ amun su wun-man lika nga kun.»

Zeremi 5:10

Be `fu Zerizalɛm i vinyi'm be su be saci be, sanngɛ nán be nunnun be mlɔnmlɔn. Be `kpɛ vinyi sa mun, afin be ti-man min liɛ.

Zeremi 52:14

Babilɔni sonja nga be nin gladi difuɛ'm be su kpɛn'n bali'n, be bubuli talɛ ng'ɔ si Zerizalɛm klɔ'n i wun'n i ngba.

Ngwlɛ Yilɛ 1:7

Kɛ Zerizalɛm ´wun nyrɛnnɛn b'ɔ ´wlan daan'n, blɛli yɛ ɔ'a wun kɛ kannzu laa ɔ o fɛ nun-ɔn. Kɛ Zerizalɛmfuɛ'm be kpɔfuɛ'm be fali klɔ'n, bɔ sran fi ɔ'a ba-man be delɛ'n, ɔ yoli be kpɔfuɛ'm be klanman, ɔ kleli be srilɛ.

Ngwlɛ Yilɛ 2:9

Klɔ'n i anuan'm be bu tɔli. Ɔ sacili be nun gboklo mun mlɔnmlɔn. Famiɛn nin o, famiɛn i awlo lɔ sran dandan mun o, be kwlakwla be o be nga be si-man Nyanmiɛn'n be sa nun. Nyanmiɛn mmla'n, sran fi si-mɛn i kun. Nyanmiɛn nuan ijɔfuɛ'm be bɔbɔ, Anannganman fa-man ndɛ wla-man bé nuan kun.

Ngwlɛ Yilɛ 3:61

Nzowa nga be kpɛli min'n, Anannganman, a wunnin i. Gugulɛ tɛ nga be guguli mín wun'n, a wunnin i.

Ngwlɛ Yilɛ 5:1

Sa nga ɔ'a ju e su yɛ'n, Anannganman, nán ɔ́ wla fi. Ɔ bɔbɔ nian sokpalɛ bɔ y'a sokpa-a.

Saun Yolɛ 26:31

N ´nunnun amun klɔ mun, m ´bubu amun sraka yiwlɛ lika sua mun. Ansans nga amun yra be man min'n amún tɛ nga amun yi-ɔ amun yrɛ i nnɛn'n, kannzɛ man be bɔn fannin sɛ, sanngɛ n su fa gua-man min anwlɛn su nzue kun.

Saun Yolɛ 26:33

N ´fa alɛ n yi amún su, yɛ n ´yo man amun bo sanndi mɛn uflɛ'm be nun. N ´nunnun amun klɔ mun, m ´bo amun mɛn'n.