Neemi 1:11 - NYANMIƐN NDƐ'N 1998

¹¹ Min Min, sie ɔ́ su tie min srɛlɛ'n ɔ nin ɔ sran nga be nyin yi wɔ'n be srɛlɛ'n. Man n nyan muae ndɛkɛn, yo man n nyan jranwlɛ bian sɔ'n i nyrun.» I blɛ sɔ nun'n, wuun n ti famiɛn'n i nzan sufuɛ.

Neemi 1:11 ပူးပေါင်းရင်းမြစ်များ

Bo Bolɛ 24:42

Andɛ, kɛ n juli gbo'n wun lɛ'n, n srɛli Nyanmiɛn. N seli kɛ: ‹Anannganman, min min Abraam Nyanmiɛn, sɛ ɔ waan a ´di min nɛnnɛn nan n nanti ye'n,

Bo Bolɛ 32:11

N ti kaan ngboko. Nɛnnɛn nga a dili min'n nin nantilɛ klanman nga a nin min nantili'n, nannan, ɔ nin min fata-man. I nun bɔ n ´kpɛ Zurdɛn'n n ´kɔ'n, like ng'ɔ o ń sa nun'n yɛlɛ kpɔnman. Yɛ andɛ yɛ mín sa nun sran'm b'a ju akpasua nnyɔn yɛ.

Bo Bolɛ 32:28

Sran'n usɛli kɛ: «?Be flɛ wɔ sɛ?» Ɔ tɛli i su kɛ: «Be flɛ min Zakɔb.»

Bo Bolɛ 40:1

Be o lɛ kpɛkuun Ezipt famiɛn'n i nzan sufuɛ'n nin i kpaun tɔnfuɛ'n b'a yo be min bian'n i sa kun.

Bo Bolɛ 40:2

Famiɛn'n ɔ fali ya i mantanfuɛ nnyɔn sɔ'm bé wun.

Bo Bolɛ 40:21

Ɔ fali nzan sufuɛ'm be su kpɛn'n sieli i junman laa'n su kɛ ɔ su i nzan'n mɛn i.

Bo Bolɛ 40:23

Sanngɛ nzan sufuɛ'm be su kpɛnngbɛn'n i wla ɔ'a kpɛn-man Zozɛf su. I wla fili i su.

Bo Bolɛ 41:9

Yɛ nzan sufuɛ'm be kpɛnngbɛn'n seli Ezipt famiɛn'n kɛ: «Nannan, n wa bo n fɔnlɛ bɔ n fɔnnin'n su kle wɔ.

Bo Bolɛ 43:14

Man Nyanmiɛn b'ɔ kwla like kwlaa yo'n, ɔ `lualua bian sɔ'n nan ɔ `si amun aunnvuɛ ɔ yaci amun niaan'n Simeɔn nin Bɛnzamɛn be nun nan be nin amun bla. N liɛ, min mma'm be yaci-man mín sa filɛ le, n lɛ-man ndɛ.»

2 Be Nyoliɛ 6:40

Siɛn'n, min Nyanmiɛn, nán kata ɔ nyin, sie ɔ́ su srɛwa nga n su srɛ wɔ sua nga nun yɛ'n i bo.

Ɛsdras 1:1

Kɛ Siris b'ɔ ti Pɛrs mɛn'n i famiɛn'n, ɔ trannin bia'n su'n, i afuɛ klikli nun'n, Anannganman waan ɔ ´yo nan ndɛ ng'ɔ fa wlɛli i nuan ijɔfuɛ Zeremi nuan kɛ ɔ kan'n, i nuan ɔ `yia. Ɔ dili junman famiɛn Siris i akunndan'n nun . Ɔ suli i bo man ɔ boli ndɛ kun jɔ sinnin kan ɔ sie ju lɛ'n i lika'n kwlaa. I sin ɔ klɛli fluwa nannannin su. Ɔ klɛli i kɛ

Ɛsdras 7:6

Ɛsdras sɔ'n fin Babilɔni lɔ yɛ ɔ bali-ɔ. Ɔ ti Anannganman b'ɔ ti Izraɛl Nyanmiɛn'n i mmla nga Moiz mannin'n i klefuɛ. Ɔ si mmla sɔ'n kpa sakpa. Anannganman b'ɔ ti i Nyanmiɛn'n jin i sin. Ɔ man like kwlaa ng'ɔ usali famiɛn'n, ɔ fa mɛnnin i.

Neemi 1:6

nian min, sie ɔ́ su tie min srɛlɛ'n. Kɔnguɛ nin wia su n srɛ wɔ m man ɔ sufuɛ Izraɛlfuɛ mun. N kan Izraɛlfuɛ mun ɔ nin e kwlakwla e sa tɛ'n bɔ e yoli wɔ'n i ndɛ kle wɔ, afin e nin min nannan mun e yoli sa tɛ.

Neemi 2:1

Kɛ Artaksɛrksɛs trannin bia'n su'n i afuɛ ablaɔn'n su'n, Nizan anglo nun'n, n fali nzan'n b'ɔ o famiɛn'n i nyrun lɛ'n nan m'an fa su i. Kɛ ɔ ´yo sɔ'n, wuun min nyrun'n ti mlanwa, yɛ min nyrun mlanlɛ klikli bɔ m ´mlan'n yɛ ɔ o lɛ-ɔ.

Neemi 2:8

Klɛ kun ekun man n `fa ko man Azaf b'ɔ nian ɔ bo'n su'n, nan ɔ `man min waka nga n ko fa ko yo klɔ wun sasalɛ sua b'ɔ mantan Nyanmiɛn i sua'n i anuan mun'n, ɔ nin waka nga n ko fa ko kplan klɔ'n wun talɛ'n, ɔ nin nga n ko fa ko kplan sua nga n ´tran nun'n.» Famiɛn'n klɛ fluwa sɔ mun mannin min afin min Nyanmiɛn'n jin mín sin.

Jue Mun 106:46

Ɔ yoli man be nga be trali be lomuɛn'n, be kwlaa be sili be aunnvuɛ.

Jue Mun 130:2

Min Min, tie min aniɛn! Sie ɔ́ su min srɛwa tantrantan'n i bo!

Jue Mun 61:5

N klo kɛ n ´tran ɔ tannin sua'n nun tititi nan n ´fia ɔ ndɛwa'n bo.

Jue Mun 86:6

Anannganman, sie ɔ su min srɛlɛ'n bo. Kɛ n kpata wɔ'n, sie ɔ su.

Nyanndra Mun 1:29

Sa ti bɔ amun su wun-man min'n yɛlɛ ngwlɛlɛ bɔ amu'an klo-mɛn i'n, yɛlɛ amún nyin bɔ ɔ'a yi-man Anannganman'n.

Nyanndra Mun 21:1

Famiɛn'n i klun akunndan'n, ɔ ti kɛ nzue ba sa. Kan Anannganman tinndin i sa'n lɛ'n, lɛ yɛ ɔ kɔ-ɔ.

Zeremi 42:12

N'yo man ɔ ´si amun aunnvuɛ, amun ´yo i annvɔ, kpɛkuun ɔ ´fa amun ninnge mun man amun.›

Malasi 3:16

Kpɛkuun be nga bé nyin yi Anannganman'n, be yiali be kokoli bé wun. Be ndɛ nga be kannin'n, Anannganman fɛli i su sieli i bo ɔ tili. Be nga bé nyin yi Anannganman b'ɔ kan ndɛ kle be-ɔ be fa'n, be klɛli be dunman i bɔbɔ i nyrun lɛ .

Hébreu 13:18

An `srɛ Nyanmiɛn titi kɛ ɔ nian e su. E si e klun lɔ weiin kɛ y'a yo-man sa fi, afin sa'n kwlaa nun e klo kɛ e ´yo sa ng'ɔ ti kpa'n.