Naɔm 3:7 - NYANMIƐN NDƐ'N 1998

⁷ Sran kwlaa ng'ɔ wun wɔ'n, ɔ ´wanndi. Kpɛkuun ɔ usɛ i wun kɛ yoo: «?Nan bolɛ nga Niniv ɔ'a bo yɛ'n, wan li cɛ yɛ ɔ ´koko i-ɔ? ?Nin yɛ be ´nyan wɔ anwlɛn su nzue guafuɛ-ɔ?»

Naɔm 3:7 ပူးပေါင်းရင်းမြစ်များ

Ezai 51:19

Sayalɛ nnyɔn kannin amun: amún bo ninnge'n i fɛnlɛ, nin lika'n i bubulɛ b'ɔ bubuli'n, yɛ alɛ nin awe'n. ?Wan yɛ ɔ ´koko amun-ɔn? ?Wan yɛ ɔ ´fɔnvɔ amun-ɔn?

Zeremi 15:5

«?Zerizalɛm, wan cɛ yɛ ɔ ´yaci wɔ lɛ-ɔ? ?Wan yɛ ɔ ´koko wɔ-ɔ? ?Wan yɛ ɔ ´usa wɔ osu-ɔ?»

Zeremi 50:18

Ɔ man i ti Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Sa nga n fa yoli Asiri famiɛn'n, i kunngba'n yɛ n ´fa yo Babilɔni famiɛn'n nin i mɛn nin-ɔn.

Zeremi 51:9

E yoli Babilɔni lele ngbɛn. Nán juejue yɛ ɔ ko yo-ɔ. Nga, man e yaci i lɛ e wɔ é mɛn kunngun'm be nun ke! Anannganman su sa nga ɔ'a tɔ i su yɛ'n, nán kan ngowa sa-a .

Ngwlɛ Yilɛ 2:13

Ee! ?Zerizalɛm, n `kan sɛ yɛ n `kle wɔ-ɔ? ?Wan cɛ yɛ n ´fa ɔ́ sa yalɛ'n n sunnzun i liɛ nin-ɔn? ?Be ´fɔnvɔ wɔ wafa sɛ cɛ yɛ ɔ ´yo ye-ɔ? Sa nga ɔ'a nyan wɔ'n i dan liɛ'n san jenvie'n yɛ be ´fa sunnzun i-ɔ. ?Wan cɛ yɛ ɔ kwla yo man a ´kpɛn ɔ osu nun-ɔn ?

Naɔm 1:1

Niniv klɔ'n i wun ndɛ nga bɔ Anannganman fa wlali Naɔm b'ɔ fin Ɛlkɔs, i nuan kɛ ɔ kan'n yɛ. Aolia nun yɛ Nyanmiɛn kan ndɛ sɔ'n kleli i-ɔ.

Sofoni 2:13

Anannganman nin be nga be o mɛn'n i nglo lɔ lika liɛ nun'n be ´yia nun. Ɔ ´nunnun Asiri, ɔ ´yo man Niniv ´nunnun, ɔ ´kaci aawlɛ flɛnnɛn, ɔ su yo-man like ye.

Kalɛ 16:34

Izraɛlfuɛ nga be mantan koko lɛ'n be kwlaa be wanndili srɛ b'ɔ kunnin be'n ti, afin be bu i kɛ wuun asiɛ'n wa mɛn be wie.

Sa nglô yile 18:10

Kɛ be ´wun nyrɛnnɛn b'ɔ su wun i'n b'ɔ ´yo be sro'n ti'n, be ´jran mmua lɔ be ´se kɛ: ‹?Eee, nzu nyrɛnnɛn sa yɛlɛ nga? ?Nzu nyrɛnnɛn sa yɛlɛ nga? Babilɔni klɔ dan'n b'ɔ ti famiɛn klɔ'n, dɔ kunngba su i sufuɛ'm b'a nyan sa nga be yoli'n i nuan akatua!›