Naɔm 3:6 - NYANMIƐN NDƐ'N 1998

⁶ N ´cuɛn wɔ ase nnɔtiɛ'n nun, n ´sokpa wɔ nan be `tu be `nian wɔ.»

Naɔm 3:6 ပူးပေါင်းရင်းမြစ်များ

Zɔb I Nyrɛnnɛn Wunlɛ 30:19

Ɔ'a fa min ɔ'a yi i nnɔtiɛ'n nun. M'an yo kɛ ndutre annzɛ nzuɛn sa.

Zɔb I Nyrɛnnɛn Wunlɛ 30:8

Wlakafuɛ sɔ'm b'a sɔn-man aɔwi. Be fa nyantiaan be fuan be mɛn'n nun.

Zɔb I Nyrɛnnɛn Wunlɛ 9:31

san ɔ ´fa min wla nnɔtiɛ'n nun ekun. Yɛ sɛ min tralɛ'm be ti sran'n, wuun n ´se kɛ be ´sro min.

Zeremi 51:37

Babilɔni ´kaci yɛbuɛ kwle. Lɔ yɛ nsoso'm be ´la-a. Sran fi su ijɔ-man su kun. Be wun i sa-a, bé nuan'n yɛ ɔ ´bo bé wun-ɔn. Nyrɛnnɛn yɛ ɔ ´yo sa ngbɛn-ɔn.

Ngwlɛ Yilɛ 3:16

Ɔ yoli man m'an bobo aunnyan n je nun. Ɔ yoli man m'an la kondo ndutre nun.

Ezekiɛl 16:37

ɔ soman'n nga a nin be be la'n be kwlaa, be nga a kloli be mun o, be nga a kpɔli be o, n ´kan be kwlaa m bo nun. Kɛ n ko fa be lika'n kwlaa nun n ko ba'n, n ´yi ɔ́ wun kplɛn yɛ be ´wun wɔ, be wun ɔ wunnɛn kplɛn'n.

Naɔm 1:14

Ninivfuɛ mun, Anannganman ɔ'a fua a kle amun. I waan: «Amun su nyan-man osufuɛ fi b'ɔ ´suan amun dunman nin-ɔn. Amun amuɛn sua'n nun amuɛn mma nga amun fali waka yɛ be sɛli'n nin nga amun fali blalɛ yɛ be yoli'n, n ´saci be. Kunman nga be ko sie amun nun'n, n su kpɛ. N su kpɛ, afin amun ti-man like fi min nyrun kun.»

Abakik 2:16

?Anyrunnyan like yɛlɛ sɔ'n? ?Nán nyannzuɛn like-ɔ? Amun bɔbɔ amun `nɔn wie nan an yi amun wun kplɛn. Anannganman i ya klowa'n, ɔ wa fa tannin amún ti. Sɛ n ´kwla se'n, amun ´nɔn i ya sɔ'n weiin. Amun anyrunnyan bɔ amun waan amun ´nyɛn i'n, nyannzuɛn yɛ amun wa wun i-ɔ .

Sofoni 2:15

«Sran kwlaa ng'ɔ ´sin i wun lɛ'n, srilɛ'n yɛ be sri wɔ-ɔ, be keje be sa be se kɛ: ?Klɔ klanman bɔ i nunfuɛ'm be klun ti-man be'n, bɔ be bu i kɛ be lɛ-man wunsu'n yɛlɛ nga ɔ'a yo sa yɛ'n? ?Klɔ sɔ'n yɛlɛ nga ɔ'a nunnun mlɔnmlɔnmlɔn bɔ ɔ'a kaci nnɛn'm be lawlɛ yɛ'n? »

Malasi 2:2

«Sɛ amu'an fa-man mín nuan su ndɛ'n, nan amu'an kplin-man amún nyin b'a manman-man min'n, m ´bo amun sannzan. Muae nga n ko man amun'n, n ´fa nyrɛnnɛn n ´kaci i, yɛlɛ kɛ sa fi lo-man amun.

Malasi 2:3

Sɛ amu'an nian-man amún wun kpa'n, n ´nunnun amun osu'n. Kɛ amun ´di be cɛn mun'n, n ´fa nnɛn nga amun fa yi tɛ'n be waka su'n n ´gua amún nyin'n nun. Be ´fa amun nin waka su sɔ'n yɛ be ´kɔ ofuɛ'n su lɔ-ɔ.

Malasi 2:9

N kusu n wa yo man Izraɛlfuɛ'm be ´yo amun finfin, be ´gua amún nyin ase, afin amu'an fa-man min atin'n su, amu'an jran-man ndɛ sin, sran sin yɛ amun jran be di ndɛ mun-ɔn.»

1 Korɛntfuɛ Mun 4:13

Be saci e dunman-an e tɛ-man su. Sran'm be nyrun y'a kaci kɛ wla sa, e ti kɛ bé ja bo fa sa, lele ndɛ be tɛ bu ye sɔ.

1 Korɛntfuɛ Mun 4:9

Afin m bu i kɛ Nyanmiɛn a yo e bɔ Jésus sunmannin ye'n kɛ e nun-man sran nun sa. Y'a kaci finfinfuɛ sran nin anz'm be nyrun kɛ sran bɔ be su wa kun i sa.

Hébreu 10:33

Cɛn wie be kpɛ amun nun wie nzowa, yɛ be yo amun tɛtɛ nzra nun, cɛn wie kusu an fa amún wun wla be bɔ be su yo be tɛtɛ'n be nun.

Jude 1:7

I kunngba nin-ɔn, Sodɔm, nin Gomɔr, ɔ nin klɔklɔ nga be mantan-mantan be lɛ'n be nunfuɛ'm be ti kɛ anz sɔ'm be sa. Be fa bé wun wlali tekle bolɛ'n nun, yɛ yasua'm be kunndɛ be wiengu yasua. I nuan like nga be nyɛnnin i'n yɛlɛ nyrɛnnɛn nga be wunnin i sin b'ɔ nuan-man mlɔnmlɔn'n nun'n. Nyanmiɛn yoli i sɔ nan sran'm be kwlaa be `fa tu bé wun fɔ .