Naɔm 3:5 - NYANMIƐN NDƐ'N 1998

⁵ Anannganman b'ɔ sie mɛn wunmuan'n wan yoo: «I sɔ'n ti e nin wɔ y'a nyɛn i. N ´susu ɔ tralɛ tɛnndɛn'n lele ɔ ju ɔ ti wa, kpɛkuun n ´yi ɔ wun ngbɛn n ´kle nvle uflɛ mun. N ´gua ɔ́ nyin ase be nyrun.

Naɔm 3:5 ပူးပေါင်းရင်းမြစ်များ

Zeremi 13:22

A wa usa ɔ́ wun kɛ: ‹?Nguɛ ti yɛ sa nga'm be ju min su-ɔ?› Sɛ a ti bla'n, wuun n ´se kɛ sa tɛ dan bɔ a yoli'n ti yɛ be trali wɔ bɔ be nin wɔ lali kekle nun nin-ɔn.

Zeremi 13:26

Sɛ a ti bla'n, wuun n ´se kɛ: «N kusu n wa kpa ɔ bo nan a `wun nyannzuɛn.

Zeremi 50:31

«Wun tufuɛ kpli, e nin wɔ y'a nyɛn i. Ɔ fɔ tulɛ blɛ liɛ'n juli.» Anannganman b'ɔ sie mɛn wunmuan'n yɛ ɔ kan sɔ-ɔ.

Ezekiɛl 16:37

ɔ soman'n nga a nin be be la'n be kwlaa, be nga a kloli be mun o, be nga a kpɔli be o, n ´kan be kwlaa m bo nun. Kɛ n ko fa be lika'n kwlaa nun n ko ba'n, n ´yi ɔ́ wun kplɛn yɛ be ´wun wɔ, be wun ɔ wunnɛn kplɛn'n.

Ezekiɛl 21:3

Kan kle be kɛ: ‹Amun `sie amun su tie ndɛ nga Anannganman Nyanmiɛn kɛn i ngua lɔ bo'n su'n. Anannganman Nyanmiɛn'n wan yoo: M bɔbɔ n ´sɔ sin kun nuan bo'n nun. Ɔ ´yra waka mɔnnɛn'n kwlaa nin waka kee'n kwlaa. Like fi su kwla nuan-man sin taaman'n. Like nga be wo asiɛ sɔ su'n, kɛ ɔ fɛ i ngua lɔ'n lele fa ju nglo lɔ'n, be kwlaa be ´yra.

Ezekiɛl 23:25

Min ya nga n ´fɛ i ɔ́ wun'n ti'n, n ´yaci be lɛ be ´yo wɔ tɛtɛ. Be ´kpɛ ɔ bue nin ɔ́ su mun. Be ´fa be tokofi mun be ´wiewie wɔ. Be ´fa ɔ́ wa bla mun nin ɔ́ wa yasua mun. Sran nga b'a wu-man'n, be ´wɔ be nun mɔnnɛn-mɔnnɛn.

Ezekiɛl 23:29

Be ´yo wɔ sa tɛtɛ kpa, ɔ bo ninnge nga a dili junman nan w'a nyan be'n, be ´de be. Be ´jra wɔ kplɛn sa kli, yɛ be ´nian-nian wɔ kɛ tekle bla sa. Ɔ tekle nin ɔ wlaka'n ti-ɔ.

Ezekiɛl 26:3

I sɔ'n ti, Anannganman Nyanmiɛn wan yoo: Nian, Tir klɔ, e nin wɔ e lɛ i, n ´yo man nvle-nvle kpanngban kpa be ´jaso ɔ́ wun. Be ´jaso ɔ́ wun kɛ jenvie'n i nzue'n b'ɔ jaso kendenglein'n sa.

Mise 1:11

Safirfuɛ mun, an `fa amun nyrun nyannzuɛn'n nin amun wun ngbɛn'n be `sin be wɔ. Ɔ kle-man Zaananfuɛ'm be kɛ be `fin klɔ'n nun be `fite, nyinmuɛn'n b'ɔ o Bɛt-Aɛzɛl nyin bo'n ti. Ɔ man an kunman be kɔ i su-ɔ ɔ yo-man ye kun.

Naɔm 2:13

Kɛ asɔmɔli'n kun nnɛn mun'n, ɔ titi be nun fa man asɔmɔli bla'n ɔ nin i mma mun. Nnɛn ng'ɔ tra be'n, be yi i lawlɛ'n kpɔkpɔkpɔ.

Abakik 2:16

?Anyrunnyan like yɛlɛ sɔ'n? ?Nán nyannzuɛn like-ɔ? Amun bɔbɔ amun `nɔn wie nan an yi amun wun kplɛn. Anannganman i ya klowa'n, ɔ wa fa tannin amún ti. Sɛ n ´kwla se'n, amun ´nɔn i ya sɔ'n weiin. Amun anyrunnyan bɔ amun waan amun ´nyɛn i'n, nyannzuɛn yɛ amun wa wun i-ɔ .