Naɔm 3:3 - NYANMIƐN NDƐ'N 1998

³ Nnɛn kpanngɔ su fufuɛ'm be kpɛ alɛ ba, tokofi'm be bo sa mianmianmian. Cua'm be kpa sin, be nga b'a tɔ'n be tru lika'n kwlaa nun, fuɛn'm be tian be wiengu su, be kwla-man be ka, bé ja kpla fuɛn'm be su.

Naɔm 3:3 ပူးပေါင်းရင်းမြစ်များ

Bo Bolɛ 3:24

Kɛ Nyanmiɛn fuannin sran'n, ɔ fali anz nga be niɛn i ninnge'm be su mun fa sieli i Edɛni fie'n i wia afiliɛ lɔ. Kue sunman sin taaman o bé sa nun yɛ be fa sasa nguan waka nin-ɔn.

2 Famiɛn Mun 19:35

Le kun sɔ'n i kɔnguɛ'n, Anannganman i anz'n ɔli Asirifuɛ'm be nanmue'n nun lɔ. Ɔ ko kunnin sran akpi-akpi ya sran akpi-akpi ablaɔcuɛ-nin-nnun (185.000). Be ´jaso nglɛmun'n, nanmue nun ti fuɛn ngunmin.

Ezai 34:3

Be nga like nyannin be'n, be ´tru asiɛ wun lɛ. Saka'm be ´bɔn fiaan. Be mmoja'n sonji oka'm be su.

Ezai 37:36

Anannganman i anz'n ɔli Asirifuɛ'm be nanmue'n nun. Ɔ ko kunnin sran akpi-akpi ya sran akpi-akpi ablaɔcuɛ-nin-nnun (185.000). Be ´jaso nglɛmun-ɔn, nanmue'n nun ti fuɛn ngunmin.

Ezai 66:16

Sin yɛ Anannganman ´fa di sran'm be kwla be jɔlɛ-ɔ, yɛ tokofi yɛ ɔ ´fa bu be fɔ-ɔ. Ɔ ´kun sran kpanngban kpa.

Ezekiɛl 39:4

Yɛ wɔ, a nin ɔ sonja'm be kwlaa nin ɔ sran nga be jran ɔ sin'n be kwlaa, amun ´tɔ Izraɛl oka'm be su. N ´yo man anunman nga be di nnɛn nin blo nnɛn'm be ´di amun fuɛn mun.

Saun Yolɛ 26:37

Be ´tu be ´si be wiengu kɛ be su wanndi be kwlafuɛ wie nyrun sa, i kusu wuun sran fi su-man bé su. Be su kwla jran-man be nga be nin be be kun'n be nyrun.

Naɔm 2:4

Ninivfuɛ'm be kpɔfuɛ'm be sonja mun be nyrɛn'm be ti ɔkwlɛ, bé wun tralɛ'm be blo kankankan. Kɛ be ´kɔ alɛ kunlɛ'n, be kakaklolo'm be sɔ youn kɛ sin sa, a ´nian-an b'a man be ta'm be su.

Abakik 3:11

Kɛ ɔ ta mma'm bɔ a to be'n be ´kɔ bɔ be ´kpa sin'n, bɔ wuun ɔ cua'm be ´bo mianmian be ´kɔ'n, kpɛkuun bi, wia nin anglo'n b'a jran .