Naɔm 2:9 - NYANMIƐN NDƐ'N 1998

⁹ Niniv ti kɛ sɛ wie bɔ ɔ'a yi bɔ i nun nzue'n kwlaa su wie utu'n sa. Klɔ'n sufuɛ'm be lɛ wanndilɛ, be kpan flɛ be kɛ: «Amun `jran! Amun `jran!» Sanngɛ be liɛ nga be si i'n yɛlɛ wanndilɛ, sran fi bli-mɛn i nyin niɛn-mɛn i sin.

Naɔm 2:9 ပူးပေါင်းရင်းမြစ်များ

2 Be Nyoliɛ 36:10

I afuɛ nuan b'ɔ ´yia ekun'n, Nɛbikadnɛzar man be fɛ ɔli Babilɔni. Be fali Nyanmiɛn i sua'n nun ninnge kpakpa mun ɔli wie. Ɔ fali Zozakin niaan Sedesias sieli Zidafuɛ mun nin Zerizalɛmfuɛ'm be famiɛn.

Ezai 33:1

Ɔ bɔ a saci like'n bɔ be nian saci-man wɔ wie'n, ɔ yako! Ɔ bɔ a laka ɔ wiengu mun'n bɔ be nian laka-man wɔ wie'n, ɔ yako! Kɛ a ko wie ninnge'm be saci'n, be ´saci wɔ wie kusu. Kɛ a ko wie ɔ wiengu be laka'n, be ´laka wɔ be ´nyan wɔ wie kusu.

Ezai 33:4

Kɛ ɔ ko yo sɔ'n, wuun ninnge fɛnlɛ'n ɔ'a ju. A wun ninnge fɛnfuɛ mun sa-a ɔ waan lalo mun-ɔn. Be tɔ ninnge'm be su gblu wuun be su fɛn, be ti kɛ aɛcɛ kpanngban wie mun sa.

Zeremi 25:34

Izraɛl su kpɛn mun, an `sun, an `kpan. Min nvle'n i su nianfuɛ mun, an `la kondo. Amun kɔmin kpɛlɛ liɛ'n ɔ'a ju. Be wa kun amun kɛ be fa kun bua nene kpakpa mun'n sa.

Zeremi 46:5

«?Nguɛ sa-a? ?Nguɛ yɛ n sun i-ɔ? Be wawɛ yɛ ɔ'a wanndi bé wun yɛ. B'a kaci bé ja sin. Be alɛ kunfuɛ'm b'a gua flɛnnɛnnɛn! Be ´wanndi be ´kɔ siɛn nin-ɔn be nian-man bé sin kun. Lika'n kwlaa ɔ'a sanngan.» Anannganman yɛ ɔ kan sɔ-ɔ.

Zeremi 51:56

Lika sacifuɛ'n wo balɛ. Ɔ nin Babilɔni su wa yia nun. Ɔ wa tra Babilɔni i safunyrɛn mun. Ɔ ´bubu be ta'm be nun. Afin Anannganman'n ti Nyanmiɛn kun b'ɔ sran kun i sa ng'ɔ yo'n i su yɛ ɔ nian yo i wie-ɔ.

Ezekiɛl 26:12

Be ´wua wɔ anyanbeun'n, be ´fɛn wɔ aata ninnge mun. Be ´bubu ɔ talɛ mun, be ´saci ɔ́ sua kpakpa mun. Be ´fa ɔ yɛbuɛ mun, nin ɔ waka mun, nin sua nga be bubuli be'n be buebue'n, ɔ nin ndutre'n, be gua be jenvie'n i afiɛn lɔ.

Daniɛl 11:8

Yɛ be amuɛn mun nin be ninnge kpakpa bɔ be ti sika ɔkwlɛ nin jɛtɛ ufue ninnge'n, ɔ ´fa be kɔ Ezipt. I sin ɔ wa cuɛn i wun afuɛ kaka Siri famiɛn'n i wun mmua.

Naɔm 3:17

Amun aata su nianfuɛ'm be sɔnnin kɛ lalo mun sa, yɛ amun awa junman difuɛ'm be sɔnnin kɛ kakaa bɔ b'a tian bé nuan susrɛ'm be su ayrɛ blɛ nun'n sa. Kɛ wia'n man su'n, kpɛkuun b'a mlin, be wun-man lika bɔ be ɔli-ɔ. A kunndɛ be-ɔ a wun-man be kun.

Sa nglô yile 18:12

Be ninnge sɔ mun yɛlɛ sika ɔkwlɛ, jɛtɛ ufue, yɛbuɛ kpakpa bɔ be ti nyannyan'n, afle kpakpa, tannin kpakpa, ago, lɛn kplɔkɔɔ, tannin ɔkwlɛ kankankan, waka nga be bɔn fannin'n i kwlaa, like nga be fa sui je nin waka kpakpa be sɛ'n i kwlaa, aaba, blalɛ, yɛbuɛ bɔ be sɛ be'n,

Sa nglô yile 18:16

´se kɛ: ‹?Eee, nzu nyrɛnnɛn sa yɛlɛ nga? ?Nzu nyrɛnnɛn sa yɛlɛ nga bɔ ɔ'a tɔ klɔ dan nga su yɛ'n? Ɔ klali lɛn kplɔkɔɔ, ɔ klali ago, nin tannin ɔkwlɛ kankankan, nin tannin ɔkwlɛ youun, ɔ wlali sika ɔkwlɛ, nin yɛbuɛ kpakpa bɔ be ti nyannyan'n, ɔ nin afle kpakpa mun !