Naɔm 2:5 - NYANMIƐN NDƐ'N 1998

⁵ Kakaklolo'm be sin akpɔ'm be su nin lika'm be nun kɛ sran bɔ b'a bo fia sa. A wun be sa-a ɔ waan tɛ yɛ b'a sɔ-ɔ. Be sin ndɛndɛ kɛ nyanmiɛn'n su kpa sin sa.

Naɔm 2:5 ပူးပေါင်းရင်းမြစ်များ

Ezai 21:5

B'a fa aliɛ'n b'a sie i tabli'n su, gladi difuɛ'm b'a jranjran. Kpɛnngbɛn'm be su di like, be su nɔn nzan, kpɛkuun be ti kpanlɛ! Be ti i kɛ: «Famiɛn i awlo lɔ sran dandan mun, amun `jaso! Amun `fa amun alɛ ninnge mun!»

Ezai 5:27

I sran'm be liɛ'n, ɔ lɛ-man kɛ b'a fɛ, be cuɛn-cuɛn-man like ase. Be tɔ-man ngwlɛ, be lafi-man, bé bo kplo'n kwlaa ɔ ci bé bo, bé ja ngbabua'm be nyanman'n kwlaa ti ciciwa.

Zeremi 46:12

Ɔ nyin ng'ɔ utuli ase'n, nvle kun nga'm be tili. Ɔ kplinlɛ nga a kplin'n, ɔ lɛ-man lika kun nga b'a ti-man-an. Ɔ sonja'n kun nin i wiengu kun ko bo su kpɛkuun be nnyɔn'n be gua lɛ.

Zeremi 50:29

An `flɛflɛ ta tofuɛ'm be ngba man be nin Babilɔni ko kun. Man be ko tran Babilɔni anuan'n i nyrun lɛ. Nán be man sran kun sa sinwlɛ. Sa ng'ɔ fa yoli i wiengu mun'n, man be fa yo i wie. Sa ng'ɔ fa wlali be nun'n, man be fa wlɛ i nun wie. Yɛlɛ kɛ ɔ yoli i wun kpakpa Anannganman'n su. Ɔ yoli i wun kpakpa Izraɛl i Nyanmiɛn'n su.

Naɔm 2:6

Niniv famiɛn'n flɛ i sonja kpɛnngbɛn mun, be ´ba'n, wuun be ´bo nvaka. Be kpɔfuɛ'm be wanndi be kɔ talɛ'm bé wun lɔ, be ko fia nyrɛn dan'n i sin.

Naɔm 3:18

Asiri famiɛn, ɔ sran nga a siesieli be kɛ be `nian ɔ sran'm be su'n be su lafi. Ɔ sonja su kpɛn'm be kwla-man bé wun keje kun. Ɔ nvle'n nunfuɛ'm b'a bo je oka'm be su, sran fi nun-man lɛ kun nan ɔ'a flɛflɛ be kɛ be `yia.

Naɔm 3:3

Nnɛn kpanngɔ su fufuɛ'm be kpɛ alɛ ba, tokofi'm be bo sa mianmianmian. Cua'm be kpa sin, be nga b'a tɔ'n be tru lika'n kwlaa nun, fuɛn'm be tian be wiengu su, be kwla-man be ka, bé ja kpla fuɛn'm be su.

Abakik 1:8

Be nnɛn kpanngɔ'm be kwla wanndi be tra kangale. Be wun yo mmlɛ tra blo alua'm bɔ be di kɔnguɛ koniɛn'n. Kɛ be nnɛn kpanngɔ fufuɛ'm be fin mmua lɔ be ´ba'n, be tu sa bɛiin, kpɛkuun be jra lɔ kli! Be nnɛn kpanngɔ'm be fin mmua lɔ be tu kɛ anunman nyin b'ɔ su fuan i nnɛn'n sa.