Naɔm 2:3 - NYANMIƐN NDƐ'N 1998

³ Amun `nian! Anannganman'n su man Zakɔb i anunman'm be kɔmin su kɛ laa'n sa. Ɔ su man Izraɛl kɔmin su kɛ laa'n sa, afin Izraɛl ti kɛ i vinyi fie sa. Abɔlɛfuɛ'm be kpɔngbɔli vinyi sɔ'n i mma'n, be bubuli vinyi'n bɔbɔ kpɛtɛɛ .

Naɔm 2:3 ပူးပေါင်းရင်းမြစ်များ

Zɔb I Nyrɛnnɛn Wunlɛ 39:23

Cua'n nin kanga kue'n, ɔ nin ta'n be sende i bue kun, wuun be tɛ.

Jue Mun 80:13

?Ɔ yo sɛ ti yɛ a kpɛli fie sɔ'n i wun awa nun toklo nin-ɔn? Ɔ man sran'm be kwlaa bɔ be sin'n be saci i.

Ezai 14:8

Sɛ e ´kwla se'n, waka'm be bɔbɔ be klun ti jɔwa sran'n b'ɔ tin sran'm be su'n i agualiɛ'n ti. Siprɛs waka mun nin Liban lɔ sɛdri waka mun be se sran sɔ'n kɛ: «Kɛ ɔ fin cɛn bɔ a tɔli'n, be ba-man kɛ be wa kpɛ e bo kun.»

Ezekiɛl 23:24

Be fin mɛn'n i nglo lɔ lika nun yɛ be ba-a. Be nin alɛ ninnge mun, nin alɛ kakaklolo mun, nin ninnge nga be fu be nun kɛ loto'm sa'n, ɔ nin alɛ kunfuɛ kpanngban yɛ be ba-a. Be fa be nyrɛn kaan mun nin be nyrɛn dan mun, yɛ be ´wla kpongbo kle, be ´sin yia wɔ. N ´fa ɔ wun ndɛ n wla be sa nun, be ´jran be mmla su be ´di wɔ jɔlɛ.

Ezekiɛl 26:7

Anannganman Nyanmiɛn wan yoo: «Tir klɔ, n wa fa famiɛn'n ng'ɔ o mɛn'n i nglo lɔ lika nun'n, b'ɔ lɛ tinmin tra famiɛn'm be kwlaa'n, bɔ i dunman yɛlɛ Nɛbikadnɛzar, b'ɔ ti Babilɔni famiɛn'n, ɔ ´ba yɛ ɔ nin wɔ be ´kun. Ɔ ´ba-a, ɔ ´fa nnɛn kpanngɔ mun, nin alɛ kakaklolo mun, nin nnɛn kpanngɔ su fufuɛ mun, ɔ nin alɛ kunfuɛ mun kpanngban kpa.

Naɔm 3:2

Amun `nian ngble'm be tɛlɛ bɔ be ´tɛ-ɔ, amun `nian kakaklolo ja mun be tɛlɛ bɔ be ´tɛ-ɔ, amun `nian nnɛn kpanngɔ'm bé ja bo kplalɛ b'ɔ ´kpla lɔ-ɔ, ɔ nin alɛ kakaklolo'm be sinlɛ bɔ be ´sin-ɔn.

Zakari 1:8

Zakari kɛnnin i kɛ: Kɛ n lali kɔnguɛ'n, like nga n wunnin i'n yɛ. Sran kun wo nnɛn kpanngɔ zoun kun su, ɔ jin mirt waka'm be afiɛn tɔnun'n nun. Nnɛn kpanngɔ wie'm be o i sin lɔ: wie ti zoun, wie ti ble nzue-nzue, wie kusu ti ufue .

Zakari 11:2

Siprɛs waka mun, an `kpan, afin sɛdri waka'm b'a bu b'a gua. Waka nglanman sɔ'm b'a nunnun. Bazan lɔ sɛni waka mun, an `kpan, afin amún bo ble nga be kwla-man nun wlu'n ɔ'a yra.

Zakari 6:2

Nnɛn kpanngɔ nga be minnda kakaklolo klikli'n be ti zoun-zoun, i nnyɔn su'n i nnɛn kpanngɔ'm be ti bleble,

Sa nglô yile 12:3

Abonuan sa kun ekun fiteli nglo nyanmiɛn su lɔ. Dragɔn ɔkwlɛ sroesroe dan kpa kun o lɛ, i ti'n ti nso, yɛ i wuɛ'n ti blu, sika kle o i ti nso sɔ'm bé su .

Sa nglô yile 6:4

Yɛ nnɛn kpanngɔ kun ekun fiteli-ɔ. Ɔ ti ɔkwlɛ. Be mannin sran ng'ɔ ti su'n i atin kɛ ɔ kpɛ alɛ nan sran'm be kun bé wun. Be mɛnnin i tokofi dan kun.