Naɔm 2:2 - NYANMIƐN NDƐ'N 1998

² Ninivfuɛ mun, sonja kpakpa'm be nin amun su ba alɛ kunlɛ. Amun `sasa amun fiawlɛ klɔ'n i anuan'n, amun `nian amun atin'm be su, amun `buabua amún wun amun `fa amun wunmiɛn'n kwlakwla nan an nin be an `kun.

Naɔm 2:2 ပူးပေါင်းရင်းမြစ်များ

Jue Mun 47:4

Ɔ kwlali nvle wie'm be nunfuɛ mun mannin ye, ɔ man e tiali mɛn wie'm be nunfuɛ'm be su.

Ezai 60:15

Sran'm b'a nian-man ɔ nyrun kun, be kpɔli wɔ, b'a nian-man ɔ osu kun. Sanngɛ ɔ su yo-man sɔ kun, n wa yo man be ´fa wɔ di bé nuan cɛn'n kwlaa, yɛ be klun ´jɔ ɔ dunman nun tititi.

Zeremi 25:29

?Kɛ bɔ klɔ nga min dunman'n wo su yɛ'n n dun mmua n fali nyrɛnnɛn'n n yili su nin-ɔn, yɛ amun li yɛ n ´yaci n ´cɛ amun-ɔn? N su yaci cɛ-man amun. N ´fa alɛ'n n yi i asiɛ wunmuan'n su. Min Anannganman b'ɔ n sie mɛn wunmuan'n yɛ ɔ kan sɔ-ɔ.»

Zeremi 48:11

Sɛ Moab ti sran'n, wuun n ´se kɛ kɛ ɔ fin i kaan nun lele'n, sran fi nian kle-mɛn i yalɛ le'n, wuun n ´se kɛ sran fi nian fɛ-mɛn i nian ɔ-man mɛn uflɛ nun le. Ɔ o i wolɛ lɛ cɛ kɛ nzan wie b'ɔ o i tomua'n nun bɔ be nian kaci-mɛn i le'n sa. I sɔ'n ti ɔ tɛ yo uflɛ kɛ blɛ li yɛ b'a yi i sa. Yɛ i bɔnlɛ fannin fannin tɛ o i osu'n nun.»

Zeremi 49:9

Vinyi tifuɛ mun'n, sɛ be kpɛn amun fie nun'n, be su yaci-man vinyi sɔsɔwa kun sa lɛ! Sɛ awiefuɛ'm be ko to amun kɔnguɛ'n, be ´fɛn amún bo ninnge'n ngba.

Ezekiɛl 37:21

Se be kɛ Anannganman Nyanmiɛn wan yoo: ‹Amun `nian, n ´fa Izraɛlfuɛ mun nvle-nvle nga be ɔli be nun'n be nun, n ´kan be m bo nun, yɛ n ´fa be m ba be mɛn'n nun.

Ezekiɛl 37:23

Be su sɔ-man amuɛn kun nan b'a yo fiɛn. Be su yo-man be tete sa mun kun be su fa-man sran kunlɛ'n be tra-man nun kun nan b'a yo fiɛn. Kan kwlaa nga be tran lɛ'n, n ´wunnzin be saun, sa tɛtɛ kwlaa nga be yoli'n ɔ ´wie. Be ´yo min nvle, yɛ n kusu n ´yo be Nyanmiɛn.

Ndɛ Nga Nyanmiɛn I Nuan Ijɔfuɛ Oze Kannin'n 10:1

Laa, Izraɛl ti kɛ vinyi fie bɔ ɔ'a bua bɔ ɔ'a su kaka klanman'n sa. Sanngɛ kɛ ɔ ´su mma kpanngban ´kɔ i nyrun'n, wuun i sraka yiwlɛ'm be kusu be ´sɔn be liɛ. Kɛ mɛn'n ´yo klanman ´kɔ i nyrun'n, wuun blɛ li yɛ b'a se kɛ ɔ taka yɛbuɛ nga be sɔ be mun-ɔn.

Naɔm 2:10

Be `fɛn jɛtɛ ufue'n nin sika ɔkwlɛ'n. Klɔ'n su aunnyan'n su wie-man le, afin ninnge kpakpa'm be yi klɔ'n piɛ!

Naɔm 3:14

Sɛ bɔ amun waan: «Alɛ b'ɔ ba'n ti'n, amun `sa nzue be sie, amun `wlawla be sasawlɛ lika'm talɛ'm be nun, amun `yo be kpa kekleke! Amun `si ufa'n yɛ amun `siesie bliki kpɛwlɛ'm be ye!

Sofoni 3:11

«Cɛn sɔ nun'n sa nga amun yoli min'n, fɔnlɛ nga amun fɔnnin min wun'n, amun su fɛ-mɛn i su afɛ'n kun, afin be nga be tu bé wun beblebe'n, n ´kan be bo amun wun lɛ. Kpɛkuun amun ´yaci amun wun tulɛ min Nyanmiɛn min oka'n su.