Naɔm 2:12 - NYANMIƐN NDƐ'N 1998

¹² ?Asɔmɔli'm be klɔ'n ɔ'a yo sɛ siɛn'n? Laa, asɔmɔli mma'm be nyan be aliɛ lɛ be di. Kɛ asɔmɔli'n ´kɔ koniɛn dilɛ'n, i mma'm be o be olɛ lɛ cɛ sran fi bo-man bé wun tanngɔ.

Naɔm 2:12 ပူးပေါင်းရင်းမြစ်များ

2 Samiɛl 17:8

A si ɔ́ si nin i sran mun. Be ti yasua sran mun, i ti be yo sro kɛ nnɛn ngble wie b'ɔ be flɛ i urs bɔ b'a fɛ i wa'n sa. Ɔ si ti alɛ kunfuɛ. Ɔ nin sran kun nga'm be su la-man likawlɛ.

Jue Mun 17:12

Be ti kɛ asɔmɔli wie b'ɔ su kunndɛ like ɔ ´trɛ i nan ɔ ´titi i nun'n sa. Be ti kɛ nnɛn wlɛfuɛ wie bɔ ɔ'a bu ɔ'a sa i buɛ nuan'n sa.

Zeremi 51:34

«Nɛbikadnɛzar b'ɔ ti Babilɔni famiɛn'n ɔ'a yo-man ye blɛblɛ, ɔ kunnin ye mlɔnmlɔn. Ɔ'a gua ye lɛ kɛ kpongbo bɔ like fi nun-man nun kun'n sa. Ɔ mɛnnin e kɛ wuo ɔ'a mɛn like sa. E sa nun like kpakpa'n, ɔ wieli i kwlaa di trili. Kpɛkuun ɔ tuli ye i mɛn'n nun.

Naɔm 2:11

Be de ninnge mun, be saci-saci be, be fɛn be! Sran'm bé sa sin ɔ'a bubu be, be jran bé ja'm be su-ɔ, ɔ jran-man kun, be usu sa kpɛkpɛkpɛ, kɛ a wun be nyrun'n a si kɛ srɛ kun be .

Naɔm 2:13

Kɛ asɔmɔli'n kun nnɛn mun'n, ɔ titi be nun fa man asɔmɔli bla'n ɔ nin i mma mun. Nnɛn ng'ɔ tra be'n, be yi i lawlɛ'n kpɔkpɔkpɔ.

Kalɛ 23:24

Nvle sɔ'n, ɔ jaso kɛ asɔmɔli wie bɔ sɛ ɔ nian di-man nnɛn b'ɔ trɛli i'n, sɛ ɔ nian nɔn-mɛn i mmoja'n, wuun ɔ nian la-man'n sa.»