Naɔm 1:7 - NYANMIƐN NDƐ'N 1998

⁷ Anannganman'n ti kpa. Awlaboɛ blɛ nun'n, i sin yɛ be fia-a. Be nga be fiɛ i fɔnvɔ'n bo'n, ɔ nian be lika .

Naɔm 1:7 ပူးပေါင်းရင်းမြစ်များ

1 Be Nyoliɛ 16:34

Amun `manman Anannganman'n, afin ɔ ti kpa, yɛ i klun-ufue'n wo lɛ tititi.

1 Be Nyoliɛ 5:20

Alɛ sɔ'n i kunlɛ nun'n, be kpan flɛli Nyanmiɛn nan ɔ'a tɛ be su, afin be fa be wla'n be guɛli i su. Ɔ ukali be, ɔ man be kwlali Agarenfuɛ mun nin be mantanfuɛ mun.

2 Be Nyoliɛ 13:18

I cɛn sɔ nun'n, Izraɛlfuɛ'm bé nyin guali ase dan. Zidafuɛ'm be liɛ'n, kwlalɛ bɔ be kwlali'n fin Anannganman be nannan'm be Nyanmiɛn'n i su bɔ be kisali'n.

2 Be Nyoliɛ 32:11

Ezekias seli amun kɛ Anannganman amun Nyanmiɛn'n wa de amun mín sa nun. Lakalɛ yɛ ɔ laka amun-ɔn. Awe nin nzue we wa kun amun lele amun ´wu.

2 Be Nyoliɛ 32:21

Anannganman sunmɛnnin i anz kun Asiri famiɛn'n i ngblaliɛ'n nun lɔ. Ɔ ko kunnin sonja nga be ti safunyrɛn'm be kwlaa nin sonja'm be nun kaklaakla'm be ngba, ɔ nin kpɛnngbɛn mun. Asiri famiɛn'n fɛli i sɔ nyannzuɛn'n sɛli i sin i mɛn'n nun. Yɛ cɛn kun b'ɔ ɔli i amuɛn sua'n nun lɔ'n, i bɔbɔ i klun ba'm be ko kunnin i .

2 Be Nyoliɛ 32:8

I liɛ'n, i sonja'm be ti sran, sanngɛ e liɛ'n, Anannganman e Nyanmiɛn'n yɛ ɔ o é sin-ɔn. Ɔ ´uka ye, ɔ ´kun alɛ'n man ye.» Famiɛn Ezekias i ndɛ sɔ'n wlali klɔ'n sufuɛ'm be kwlaa be fanngan.

Ɛsdras 3:11

Nyanmiɛn i ayɛ yilɛ nin i manmanlɛ jue ng'ɔ o yɛ'n, be ´to'n wuun be ´sɔ su. Be se kɛ: «Anannganman ti kpa, afin i klun-ufue'n ng'ɔ yo Izraɛlfuɛ mun'n wo lɛ tititi.» Nzrafuɛ'm be kpannin kekle kpa, afin be klun ti jɔwa, be manmannin Anannganman i sua'n i bo ase bɔ be su wla'n ti.

Jue Mun 1:6

Anannganman nian sran ng'ɔ bu be sran kpa'n be atin nga be fa'n su. Klunwifuɛ'm be atin liɛ'n, ɔ fa be kɔ mlinlɛ nun.

Jue Mun 100:5

Afin ɔ ti kpa. I klun-ufue'n wo lɛ tititi. Ɔ di nanwlɛ tititi.

Jue Mun 20:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan:

Jue Mun 25:8

Anannganman ti kpa, ɔ ti sɛsɛ. I ti ɔ kle be bɔ b'a fɔn'n be atin.

Jue Mun 27:5

I liɛ'n, cɛn nga sa su ba'n, ɔ ´fa min fia i tannin sua'n nun, yɛ ɔ ´man mín su sie i yɛbuɛ kun su nglo mmua kpa.

Jue Mun 37:39

Anannganman yɛ man sran kpa'm be nyan bé ti-ɔ. Kɛ nyrɛnnɛn tɔ be su'n, i yɛ be talo i-ɔ.

Jue Mun 37:40

Anannganman uka be, ɔ de be. Ɔ de be klunwifuɛ'm bé sa nun, ɔ man be fite nun, afin be fia i nun.

Jue Mun 46:2

Nyanmiɛn ti é fiawlɛ nin e bo suanfuɛ. Blɛ kekle nun'n ɔ uka e tititi.

Jue Mun 50:15

Sɛ nyrɛnnɛn tɔ wɔ su'n, kpan flɛ min, n ´de wɔ kɛ ɔ ´yo nan ɔ kusu w'a yi min ayɛ'n ti.

Jue Mun 59:16

Be wlan-wlan lika'n nun be ´kunndɛ like be ´di. Sɛ be ku a yi-man'n, kpɛkuun be su ijɔ.

Jue Mun 71:3

A ti kɛ yɛbuɛ sa min waan n ´talo wɔ, min waan n ´fia wɔ nun, i liɛ'n n ´fite nun.

Jue Mun 86:7

Kɛ n wo nyrɛnnɛn nun'n, n kpan flɛ wɔ, afin n si kɛ a ´tɛ min su.

Jue Mun 9:10

Anannganman ti be nga be mian-mian be'n be fiawlɛ. Sɛ nyrɛnnɛn tɔ be su-ɔ, i yɛ be talo i-ɔ.

Jue Mun 91:15

Sɛ ɔ kpan flɛ min'n, n ´tɛ i su, Sɛ ɔ o nyrɛnnɛn nun'n, e nin i-ɔ.

Nyanndra Mun 18:10

Anannganman ti kɛ awa dan wie bɔ b'a si'n sa. Sran kpa ng'ɔ wanndi ko talo i'n, ɔ nyan manndran.

Ezai 25:4

Afin a sasali be nga be lɛ-man wunmiɛn'n, a sasali yalɛfuɛ bɔ be o nyrɛnnɛn nun'n. A yoli kɛ lika bɔ be kata su'n, bɔ kɛ nzue'n ɔ tɔ dan'n, be fiɛ i bo'n sa. A yoli kɛ fɔnvɔ bɔ kɛ wia'n ɔ bo'n be trɛn i bo'n sa. Afin be nga be sie sran mun, bɔ be tin be su'n, be ya bɔ be fa'n ɔ ti kɛ nzue dan b'ɔ tɔ fin talɛ kun'n sa.

Ezai 32:2

Be ngba be wa yo kɛ like bɔ be fiɛ i bo bɔ kɛ aunngban'n ɔ ´fita'n ɔ nyan-man be'n sa. Be ´yo kɛ lika bɔ be fia nun, bɔ kɛ aunngban dan'n ɔ ´tu'n, ɔ kan-man be'n sa. Be ´yo kɛ nzue ba b'ɔ sonji lika kee nun'n sa. Be ´yo kɛ yɛbuɛ dan wie b'ɔ man fɔnvɔ lika bɔ waka fi fifi-man lɛ'n sa.

Ezai 50:10

?Amun nun onin yɛ i nyin yi Anannganman b'ɔ ti i sufuɛ'n i ndɛ b'ɔ kan nin-ɔn? Sran ng'ɔ nanti aosin'n nun'n, bɔ like kpɛjɛ-mɛn i atin'n su'n, man ɔ lafi Anannganman i dunman'n su, yɛ man ɔ kisa i Nyanmiɛn'n su.

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Zeremi 17:17

Nán yo man min akunndan'n sanngan, afin nyrɛnnɛn blɛ nun'n, ɔ sin yɛ n fia-a.

Zeremi 24:5

«Min Anannganman bɔ n ti Izraɛl Nyanmiɛn'n min wan yoo: ‹Kɛ a wun figie mma kpa mun bɔ a klo be'n, i kunngba'n yɛ n fa klo Zidafuɛ nga n yoli man be trali be ɔli Kaldefuɛ'm be mɛn'n nun nin-ɔn.

Ngwlɛ Yilɛ 3:25

Sran nga b'ɔ fɛ i wla gua Anannganman su'n, sran ng'ɔ mɛntɛn i'n, nanwlɛ, ɔ yo i kpa.

Daniɛl 3:28

Yɛ famiɛn'n waan: «Be `manman Sadrak nin Mesak, ɔ nin Abɛd-Nego be Nyanmiɛn'n. Afin ɔ sunmɛnnin i anz'n kɛ ɔ wa de i sufuɛ mun. Be fali be wla'n be guɛli i su, i ti b'a fa-man min nuan ndɛ'n su. Be kplinnin su kɛ be `kle be wunnɛn i yalɛ, afin be wunnin i kɛ i sɔ'n ɔ ti kpa tra kɛ b'a yaci be Nyanmiɛn'n lɛ nan b'a su amuɛn mun.

Daniɛl 6:23

Min Nyanmiɛn'n sunmɛnnin i anz'n kun ɔ wa katali asɔmɔli'm bé nuan'n. B'a yo-man min like fi. Afin Nyanmiɛn wunnin i kɛ m'an yo-man sa tɛ fi, yɛ Nannan, wɔ kusu, m'an yo-man sa tɛ fi ɔ́ wun .»

Sofoni 3:12

Amun nvle'n nun sran nga n ´yaci be lɛ'n, yɛlɛ wɛtɛɛfuɛ mun nin yalɛfuɛ mun. Be liɛ'n be ´lafi min su, be ´fia min sin.

Matthieu 27:43

Ɔ fɛ i wla guali Nyanmiɛn su, sɛ Nyanmiɛn sɔ'n klo i'n, man ɔ de i siɛn'n, afin i waan ɔ ti Nyanmiɛn Wa.»

Matthieu 7:23

Yɛ n ´se be kɛ: ‹Amun bɔ an saci mmla'n, an `fa jao min wun lɛ. N si-man amun mlɔnmlɔn .› »

Jean 10:14

N liɛ'n, n ti bua tafuɛ kpa. Kɛ n Si si min bɔ n kusu n si i'n, i kunngba nin-ɔn, n si m bua mun yɛ be kusu be si min. Yɛ m bua'm be ti n fa min wun m man.

Jean 10:27

M bua'm be ti min nɛn, n si be, yɛ be su n su.

Rɔmfuɛ Mun 11:22

I sɔ'n ti, nian, Nyanmiɛn ti kpa, yɛ kusu ndɛ ng'ɔ kan'n ɔ lɛ-man kaciwlɛ. Kɛ a niɛn i bue kun'n, a wun kɛ ndɛ ng'ɔ kan kle be nga be lafi-mɛn i su kun'n ɔ lɛ-man kaciwlɛ, yɛ kɛ a niɛn i bue kun ekun'n, a wun kɛ sɛ a yo kɛ ɔ ´yo ɔ kpa'n, ɔ ´yo ɔ kpa. Sɛ ɔ'a yo-man sɔ'n, ɔ ´kpɛ wɔ yi.

Galasifuɛ Mun 4:9

?Sanngɛ siɛn'n, kɛ amu'an si Nyanmiɛn'n, annzɛ bɔ Nyanmiɛn bɔbɔ a si amun'n, nguɛ ti yɛ an klo kɛ amun ´sa amun sin kɔ ninnge ngbɛn-ngbɛn bɔ be kwla yo-man like fi'n bé sin ekun kɛ amun ´ko yo be akua-a?

2 Timote 2:19

Sanngɛ Nyanmiɛn i sua'n i bo ase b'ɔ wlali'n ɔ jran kekle, be klɛli su kɛ: «E Min'n si be nga be ti i liɛ'n,» yɛ be klɛli su ekun kɛ: «Sran kwlaa nga i waan ɔ ti e Min'n i liɛ'n, man ɔ yaci sa tɛ yolɛ'n .»