Naɔm 1:6 - NYANMIƐN NDƐ'N 1998

⁶ ?Kɛ ɔ ko fa ya'n, wan yɛ ɔ kwla jrɛn i nyrun-ɔn? ?Blɛ b'ɔ yi i ya dan'n i nglo'n, wan yɛ ɔ kwla jrɛn i nyrun-ɔn? I ya'n ɔ jue kɔ i nyrun kɛ sin sa. Yɛbuɛ tanda mun bɔbɔ ɔ kpaci be nun.

Naɔm 1:6 ပူးပေါင်းရင်းမြစ်များ

1 Famiɛn Mun 19:11

Yɛ Anannganman seli i kɛ: «Fite ko jran oka'n su min nyrun lɛ. N wa sin.» Yɛ aunngban dan kpa kun fitali-ɔ. I kekle liɛ'n, be kan-man! Ɔ kpacili oka'm be nun, yɛ ɔ kpukeli yɛbuɛ'm be nun, ɔ dun mmua Anannganman nyrun. Anannganman nun-man nun. Kɛ aunngban sɔ'n sinnin, asiɛ'n kejeli, sanngɛ Anannganman nun-man asiɛ kejelɛ sɔ'n nun.

Zɔb I Nyrɛnnɛn Wunlɛ 26:11

Kɛ ɔ kpan sa fiaan! Sɛ e ´kwla se'n, kuatrɛn nga be lɛ nglo lɔ lika'n nun'n, be nuan bo bé wun yɛ be usu tututu.

Zɔb I Nyrɛnnɛn Wunlɛ 40:11

Yi ɔ ya'n i ngba i nglo. Wun tufuɛ kwlaa nga a wun i'n, kɛn i ase.

Zɔb I Nyrɛnnɛn Wunlɛ 9:5

Ɔ tu oka'm be bo ko sie be lika uflɛ, be bɔbɔ be si-man nun. Kɛ ɔ fa ya'n, ɔ sanngan be nun.

Jue Mun 130:3

?Anannganman, sɛ ɔ waan a ´nian tɛ nga e yo'n, wan cɛ yɛ ɔ ka lɛ-ɔ ɔ ´yo ye-ɔ ?

Jue Mun 2:12

Amun `koto i bo nan ɔ'a fa-man ya, nan atin nga amun fa su'n, amu'an mlin-man. Afin ɔ fa ya ndɛndɛ kpa. Sran ng'ɔ kunndɛ fiawlɛ i nun'n, i liɛ su ti ye!

Jue Mun 76:7

Zakɔb Nyanmiɛn, kɛ a kannin ndɛ kekle kleli nnɛn kpanngɔ mun nin bé su fufuɛ mun'n, be wuli be klun sa kuɛɛn .

Jue Mun 76:8

Ee! A yo sro o! ?Kɛ a ko fa ya'n, wan cɛ yɛ ɔ kwla ɔ nyrun jran-an?

Jue Mun 90:11

?Wan yɛ ɔ kwla si kɛ ɔ ya'n i dan'n fa ti ju-ɔ? ?Wan yɛ ɔ kwla wun ɔ ya'n i wlɛ b'ɔ man i nyin yi wɔ kɛ ɔ fata'n sa-a?

Ezai 10:16

I sɔ'n ti, Nyanmiɛn Kpli'n, Anannganman b'ɔ sie mɛn wunmuan'n, ɔ man Asiri famiɛn'n i sran mun bɔ be wunnɛn o nun'n, be ´yo koklo, yɛ i sran kpakpa mun'n, like wie ɔ ´jue be afiɛn, ɔ ´yra kɛ sin sa.

Ezai 13:13

I sɔ'n ti, min Anannganman bɔ n sie mɛn wunmuan'n, min ya dan bɔ m'an fa'n nin min anwlɛn bɔ fita min klun'n ti, n wa keje nyanmiɛn su lɔ'n, yɛ n ´keje asiɛ'n kusu.

Ezai 27:4

N fɛ-mɛn i wun ya, sanngɛ sɛ n wun susrɛ nin owie nun'n, n ´tiatia be su, yɛ n ´wɔ be kwlakwla be nun.

Ezai 33:14

Siɔn lɔ be nga be yo sa tɛ'n, srɛ kun be. Be nga be nyin yi-man Nyanmiɛn'n, be usu. Be usa kɛ: «Wan yɛ ɔ wo e nun b'ɔ kwla jran sin dan nga i nyrun-ɔn? ?Wan yɛ ɔ wo e nun b'ɔ kwla jran sin kpli ng'ɔ nuan-man mlɔnmlɔn yɛ'n i wun koko-ɔ?»

Ezai 66:15

Afin amun `nian, Anannganman yɛ ɔ o sin kun nun ɔ su ba yɛ, i alɛ kakaklolo'm be yo kɛ aunngban dan kun b'ɔ su fita'n sa, ɔ wa yi i ya'n i nglo kekle kpa, yɛ ɔ ´fa sin taaman fa yi sa kekle nga i waan ɔ ´fa yo sran mun'n i nglo.

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Zeremi 21:12

David awlofuɛ mun, Anannganman'n wan yoo: «Kɛ aliɛ'n cɛn cɛ'n, sɛ amun ´di jɔlɛ'n, amun `nian nanwlɛ'n be di. Amun `de sran mun be nga be fɛn sran'm bé bo ninnge'n bé sa nun. Ɔ'a yo-man sɔ-ɔ, min ya'n ɔ ´jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i. Amún sa tɛ'n i nuan akatua nga amun ´nyɛn i'n yɛ ɔ o lɛ-ɔ.

Ngwlɛ Yilɛ 2:3

Ɔ fali ya dan, yɛ ɔ yoli man Izraɛl'n i fanngan'n kwlaa wieli. Kɛ ɔ wunnin e kpɔfuɛ mun'n, ɔ'a kle-mɛn i kɛ ɔ tu é ti ngondin. Ɔ trɔli Zakɔb i nvle nun sin. I sɔ sin liɛ'n ɔ didi lika'n kwlaa.

Ngwlɛ Yilɛ 2:4

Ɔ cuɛnnin i ta'n i nyanman nun kɛ ɔ ti e kpɔfuɛ wie sa. I sa fama'n ɔ lɛ ta mma'n nun kɛ i yɛ e nin i e lɛ i sa. Like nga e wun be bɔ e klo be'n, ɔ sacili be kwlakwla. I ya'n b'ɔ jue kɛ sin sa'n, ɔ kplo guali Siɔn i Nyanmiɛn i sua dan'n su.

Ngwlɛ Yilɛ 4:11

Anannganman fali ya dan. I sɔ ya ble liɛ'n, ɔ yoli i su like. Ɔ sɔli sin nuan fa yili Siɔn klɔ'n nun, sin'n ɔ yrali Siɔn klɔ'n mlɔnmlɔn, like fi ɔ'a ka-man lɛ.

Ezekiɛl 21:31

Min Anannganman n wan yoo: «Be ´de wɔ famiɛn nzɔliɛ'n. Be ´de wɔ famiɛn kle'n. Lika'n ɔ'a kpɛ i wun, afin be nga be kan bé wun ase'n, be ´man be su, yɛ be nga be man bé wun su'n, be wa kan be ase.

Ezekiɛl 30:16

N ´fa sin n ´yi Ezipt mɛn'n nun, Sin klɔ'n ɔ wa keje, No asiɛ'n i nun wa kpaci kpla, yɛ Nɔf i kpɔfuɛ'm be wa utu i wia klengle kpa'n nun.

Ezekiɛl 39:6

N ´sɔ sin Magɔg nin be nga be tran jenvie'n nuan fɔuun'n be mɛn'n nun. Kɛ ɔ ´yo sɔ'n, sran'm be wa si jrɛiin kɛ min yɛ n ti Anannganman nin-ɔn.

Ezekiɛl 7:8

N wa fa min ya tɛtɛ'n n ´gua amun su. N ´fɛ sɔ ya liɛ'n lele n ´guɛ i ti nin i bo. Kɛ amun nantiwlɛ'n fa ti'n, i su yɛ n ´fa bu amun fɔ-ɔ. N ´yo man amun fɛ amun tete ninnge nga an yoli'n bé su afɛ'n.

Naɔm 1:2

Anannganman'n ti Nyanmiɛn kun b'ɔ si kwla. Be yo i sa-a ɔ yaci cɛ-man, ɔ yo be wie, i ya'n ti-man blɛblɛ. I kpɔfuɛ'm be yo i sa-a ɔ yo be wie. Ɔ yaci cɛ-man be .

Sofoni 2:2

kɛ ɔ ko yo nan Anannganman i ya cɛn dan'n ju-ɔ, amu'an bo-man b'a sanndi-man le kunngba kɛ awie wla sa, nan Anannganman ɔ'a fɛ-mɛn i ya dan'n ɔ'a gua-man amun su'n ti.

Malasi 3:2

?Cɛn ng'ɔ ´ba'n, wan cɛ yɛ ɔ kwla jrɛn i nyrun-ɔn? ?Cɛn nga amun nyinma guɛ i wun'n, amun nun onin yɛ ɔ ´kwla jrɛn i ja'n su nglo-ɔ? Ɔ ´yo kɛ tunnzue sin sa, ɔ ´yo kɛ sanmlan bɔ be fa kpu ninnge'n sa .

Sa nglô yile 16:1

N tili sran kun nɛn kekle kpa Nyanmiɛn lika'n nun lɔ, ɔ seli anz nso'm be kɛ: «An `ko utu Nyanmiɛn i ya dan'n b'ɔ o klowa nso'n be nun'n asiɛ'n su !»

Sa nglô yile 16:8

Anz'm be nun kun ko utuli i klowa'n nun ninnge liɛ'n wia'n su, ɔ man ɔ yrali sran mun kɛ sin sa.

Sa nglô yile 6:17

Afin cɛn nga be ya'n ɔ ´jao dan'n ɔ'a ju. ?Wan yɛ ɔ ´kwla jran be nyrun-ɔn ?»