Naɔm 1:5 - NYANMIƐN NDƐ'N 1998

⁵ Kɛ ɔ kɛn i wun'n, oka'm be keje, kpɛkuun kpɔlɛ'm be bubu be gua. Kɛ ɔ ´ba'n, asiɛ wunmuan'n keje, asiɛ wunmuan'n nin i su sran'm be kwlaa be usu.

Naɔm 1:5 ပူးပေါင်းရင်းမြစ်များ

2 Samiɛl 22:8

Kpɛkuun asiɛ wunmuan'n nin nyanmiɛn'n b'ɔ la nglo lɔ plaii'n be su keje, afin Anannganman fali ya dan.

Zɔb I Nyrɛnnɛn Wunlɛ 26:11

Kɛ ɔ kpan sa fiaan! Sɛ e ´kwla se'n, kuatrɛn nga be lɛ nglo lɔ lika'n nun'n, be nuan bo bé wun yɛ be usu tututu.

Zɔb I Nyrɛnnɛn Wunlɛ 9:5

Ɔ tu oka'm be bo ko sie be lika uflɛ, be bɔbɔ be si-man nun. Kɛ ɔ fa ya'n, ɔ sanngan be nun.

Jue Mun 104:32

Kɛ a nian asiɛ'n sa'n, wuun ɔ su keje. Kɛ a kan oka mun nin ɔ sa'n, wuun wɛnsrɛn su fin be nun fite.

Jue Mun 114:4

Oka'm be ´kɔ'n, wuun be ´tu kpɛn kɛ bua nene mun sa, kpɔlɛ'm be kusu be tu kpɛn kɛ boli mun sa.

Jue Mun 114:6

?Oka mun, nguɛ sa ti yɛ an tu kpɛn kɛ bua nene mun sa-a? ?Kpɔlɛ mun, nguɛ sa ti yɛ an tu kpɛn kɛ boli mun sa-a?

Jue Mun 18:7

Min nyrɛnnɛn blɛ sɔ nun'n, n kpan flɛli Anannganman'n. N flɛli min Nyanmiɛn'n, kpɛkuun ɔ o i sua'n nun lɔ ɔ tili min aniɛn'n. Ɔ sieli i su tili flɛlɛ bɔ n flɛli i'n.

Jue Mun 18:8

Ya dan b'ɔ kunnin Anannganman'n ti, asiɛ'n ɔ kejeli, oka'm be kusu be kejeli wie.

Jue Mun 46:6

Nyanmiɛn'n wo klɔ sɔ'n nun, ɔ man klɔ sɔ'n, kɛ ɔ taka lɛ'n yɛ ɔ taka-a. Kɛ lika'n ´ti muaan'n, Nyanmiɛn niɛn i lika.

Jue Mun 68:8

Nyanmiɛn, kɛ a dunnin mmua ɔ sran'm be nyrun'n, kɛ a nantili aawlɛ flɛnnɛn'n nun lɔ'n,

Jue Mun 98:7

Man jenvie'n ɔ bo, sɛ n ´kwla se'n, man i nun ninnge'n be kwlaa be kpan. Man asiɛ'n nin i sufuɛ'm be kpan wie.

Ezipt Lɔ Tulɛ'n 19:18

Sin wɛnsrɛn'n fali oka wunmuan'n, afin Anannganman jrali sin'n i afiɛn. Sin wɛnsrɛn'n jaso mlemlemle kɛ ngbɛ nun sin wɛnsrɛn sa, yɛ oka wunmuan'n kejeli kpa.

Ezai 24:1

Amun `nian, Anannganman wa saci asiɛ'n, ɔ man asiɛ'n i sufuɛ'm be ´wie. Ɔ ´utu i nyin ase, yɛ ɔ ´sanngan be nga be o su'n be nun.

Ezai 24:20

Sɛ asiɛ'n ti sran'n, wuun e ´se kɛ ɔ su bo nvaka kɛ nzanboɛfuɛ sa. Ɔ keje kɛ kuku wie sa. Asiɛ'n sufuɛ'm be sa tɛ'n tin be su kɛ trɔ sa. B'a tɔ yɛ be kwla jaso-man kun.

Ezai 5:25

I sɔ'n ti Anannganman fali ya i sran'm bé wun. I sa kannin be. Oka'm be kejeli, sran'm be saka'm be tru klɔ'n nun atin'm be nun kɛ wla sa. Sanngɛ ɔ nin i sɔ'n ngba'n, Anannganman i ya'n ɔ'a jɔ-man, ɔ nin be tɛ nyɛn i tititi.

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Zeremi 4:24

N wun kɛ oka'm be lɛ kejelɛ, yɛ kpɔlɛ'm be bo nvaka.

Ezekiɛl 38:20

Yɛ n tali nda ekun kɛ jenvie'n nun jue mun nin anunman'm be ´usu min nyrun sa tututu. Blo nnɛn mun nin nnɛn nga be cuɛn bé wun ase mun, yɛ sran nga be o asiɛ'n su'n be kwlaa be ´usu sa tututu. Oka'm be ´utu. Kpɔlɛ'm bé nuan su'm be ´bu tɔ. Yɛ talɛ'm be ´bu tɔ.

Zoɛl 2:10

Kɛ be ´ba'n, asiɛ'n keje, nyanmiɛn'n b'ɔ la nglo lɔ plaii yo kɛ ɔ su wa bu tɔ sa, wia'n kpan-man kun, anglo kusu ta-man kun, be wun-man nzraama'm be wun kun .

Amɔs 9:5

Kɛ Anannganman Nyanmiɛn b'ɔ sie mɛn wunmuan'n fɛ i sama'n kan asiɛ'n, kpɛkuun asiɛ'n su keje. Asiɛ'n sufuɛ'm be kwlakwla be ´tran awlaboɛ nun. Sɛ n ´kwla se'n, asiɛ wunmuan'n ɔ ´mɛn i wun su kpɛkuun ɔ ´tɛ i wun ase kɛ Ezipt lɔ nzue ba dan'n sa.

Mise 1:4

Kɛ ɔ ´nanti ba'n, wuun oka'm be ´kan ase. Kongokongo'm be kusu be klo, be klo kɛ sin ɔ'a kan awɛma'm be sua nan ɔ su klo sa. Be sonji kɛ wie kusu-ɔ nzue ɔ'a kpɛn ndroliɛ nun nan ɔ su sonji sa.

Abakik 3:10

Kɛ oka'm be wun wɔ'n, be usu. Kɛ nzue'n ɔ tɔ dandan'n, kpɛkuun ɔ'a kata asiɛ'n su kplu. Jenvie'n ɔ bo kpɛkuun ɔ wunndun kendengleiin to nyanmiɛn'n.

Zakari 4:7

?Oka dan, a ti nzu Zorobabɛl nyrun? Zorobabɛl ´trɛtrɛ wɔ nun kpɛtɛɛ. Ɔ nun yɛ be yi yɛbuɛ nga be fa sie i Nyanmiɛn i sua'n i ti nun lɔ nin-ɔn. Be ´yi wuun be ´kpan: Ɔ ti klanman o! Ɔ ti klanman o!› »

Matthieu 27:51

Kpɛkuun tannin dan'n bɔ be fa kpɛ Nyanmiɛn i sua nun'n, ɔ kpacili i nglo lɔ lele fa juli i ngua wa, asiɛ'n kejeli, yɛbuɛ'm be kpukeli .

Matthieu 28:2

Kpɛkuun asiɛ'n kejeli dan kpa, afin e Min Nyanmiɛn'n i anz kun fin nyanmiɛn su lɔ jrali, kpɛkuun ɔ kondoli yɛbuɛ bɔ be fa nyinnin ndia i anuan'n, ɔ trannin su.

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.

Sa nglô yile 6:14

Nyanmiɛn b'ɔ la nglo lɔ plaii'n ɔ nyɔnnyɔnnin kɛ fluwa bɔ be nyɔnnyɔn i'n sa, yɛ oka nin asiɛ nga nzue sin yia be'n be jaoli be osu'n nun lɛ.

Jɔlɛ Difuɛ Mun 5:5

Oka'm be jran Anannganman nyrun-ɔn, ɔ jran-man kun. Sinai oka'n kejeli Anannganman b'ɔ ti Izraɛl Nyanmiɛn'n i nyrun.