Naɔm 1:2 - NYANMIƐN NDƐ'N 1998

² Anannganman'n ti Nyanmiɛn kun b'ɔ si kwla. Be yo i sa-a ɔ yaci cɛ-man, ɔ yo be wie, i ya'n ti-man blɛblɛ. I kpɔfuɛ'm be yo i sa-a ɔ yo be wie. Ɔ yaci cɛ-man be .

Naɔm 1:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 20:23

Kɛ ɔ ´di like'n, wuun Nyanmiɛn i ya'n ɔ'a jaso i wun. Ɔ man nyrɛnnɛn'n ɔ ´tɔ i su kɛ nzue yɛ ɔ su tɔ sa .

Jue Mun 94:1

Anannganman Nyanmiɛn bɔ a tu klunngbɔ'n, Nyanmiɛn bɔ a tu klunngbɔ'n, yi ɔ́ wun nglo.

Ezipt Lɔ Tulɛ'n 20:5

Nán koto bé bo, nán su be, afin n ti Anannganman ɔ Nyanmiɛn yɛ n si kwla. Sɛ sran kun jaso mín wun'n, n tu i fɔ, n tu i nin i mma mun be fɔ lele n fa wlu i anunman'm be mma liɛ'm be nun.

Ezipt Lɔ Tulɛ'n 34:14

Nán amun koto amuɛn'm bé bo, afin min Anannganman, n ti Nyanmiɛn kun bɔ n klo kɛ be su min kunngba cɛ. N si kwla.

Ezipt Lɔ Tulɛ'n 34:7

N yi min aklunye'n i nglo sran'm be lika lele n fa wlu be anunman'm be anunman liɛ'm be nun lele ju be akpasua akpi su. N yaci bé sa tɛ mun, nin bé nyin kekle, ɔ nin be fɔnlɛ mun n cɛ be. Sanngɛ sran ng'ɔ yo sa tɛ'n, n se-mɛn kɛ ɔ'a yo-man like fi. N tu siɛ'm be fɔ lele fa wlu be mma nin be anunman'm be nun, kpɛkuun ɔ wlu be anunman siansian'm be nun.»

Ezai 42:13

Anannganman ba kɛ safunyrɛn sa, ɔ siesie i wun kɛ alɛ kunfuɛ b'ɔ su ko kun alɛ'n sa. Ɔ bo sro, ɔ kpan, ɔ kwlɛ i kpɔfuɛ mun.

Ezai 51:17

Amun `tinnge, amun `tinnge! Zerizalɛmfuɛ mun, amun `tinnge! Sɛ Anannganman i ya'n ti nzan'n, wuun n ´se kɛ ɔ fa mannin amun'n, amun nɔnnin. Amun nɔnnin i lele ɔ wieli klowa'n nun, yɛ amún nyin su kpɛli amun .

Ezai 51:20

Amun mma'm be lala klɔ'n nun anngɔnda'm be kwlaa su, be o lɛ, be keje-man bé wun. B'a yo kɛ wannzannin bɔ aya ɔ'a trɛ i'n sa. Anannganman i ya'n wo be su, ɔ kan ndɛ kekle kle be.

Ezai 66:15

Afin amun `nian, Anannganman yɛ ɔ o sin kun nun ɔ su ba yɛ, i alɛ kakaklolo'm be yo kɛ aunngban dan kun b'ɔ su fita'n sa, ɔ wa yi i ya'n i nglo kekle kpa, yɛ ɔ ´fa sin taaman fa yi sa kekle nga i waan ɔ ´fa yo sran mun'n i nglo.

Zeremi 25:15

An `se kɛ sɛ, Anannganman b'ɔ ti Izraɛl famiɛn'n seli min kɛ yoo: «Min ya'n ti dan kɛ klowa bɔ nzan'n ɔ'a yi i piɛ'n sa, klowa sɔ'n yɛ ɔ o yɛ, sɔ nun. Fa man nvle nga n ´sunman wɔ be nun'n be nunfuɛ'm be kwlaa man be nɔn.

Zeremi 28:8

Kɛ ɔ fin lalafuɛ nun'n, Nyanmiɛn nuan ijɔfuɛ nga be dunnin mmua wɔ nin min e nyrun'n, be kannin alɛ nin nyrɛnnɛn ɔ nin tukpacɛ b'ɔ sa ndɛndɛ ng'ɔ wa ju mɛn dandan nin famiɛn diwlɛ kpakpa'm be su'n.

Zeremi 3:5

kɛ ɔ ´fa min wun ya'n sa titi? ?Kɛ mín wun sa ´trɛn i klun sa titi?› A kɛn i sɔ cɛ, sanngɛ nán kɛ a ´yaci sa tɛtɛ yolɛ'n le ti-ɔ.»

Zeremi 36:7

Nja, sɛ be wa kpan be ´kpata Anannganman nin o! Sɛ be ´yaci be aeliɛ tɛtɛ nin o! Afin Anannganman'n kɛnnin i kɛ ya ng'ɔ fɛli i bé wun'n, ɔ ti-man blɛblɛ.»

Zeremi 4:4

An `wla klɛn nan an `yo Anannganman'n liɛ. Zidafuɛ mun nin Zerizalɛm klɔ'n sufuɛ mun, an `wla amun anwlɛn'n i klɛn. Ɔ'a yo-man sɔ-ɔ, amun nzuɛn tɛ'n ti, min ya'n ɔ wa jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i.› »

Zeremi 50:15

Amun `bo sin yiɛ i nan amun `kpan alɛ kpanlɛ. An `nian, ɔ'a mɛn i sa'n su. I sasawlɛ sua'm be su bu be gua. I klɔ wun talɛ'n ɔ'a wie bu. Anannganman'n su tu i klunngbɔ. An `tu amun klunngbɔ be guɛ i su. Sa ng'ɔ fa yo sran mun'n, an `fa yo i wie.

Ngwlɛ Yilɛ 4:11

Anannganman fali ya dan. I sɔ ya ble liɛ'n, ɔ yoli i su like. Ɔ sɔli sin nuan fa yili Siɔn klɔ'n nun, sin'n ɔ yrali Siɔn klɔ'n mlɔnmlɔn, like fi ɔ'a ka-man lɛ.

Ezekiɛl 36:6

I sɔ'n ti'n, kan mín nuan ndɛ kle Izraɛl mɛn'n. Kan kle oka mun nin kpɔlɛ mun, nin kongo kanngan nin dandan'm be kɛ Anannganman Nyanmiɛn wan yoo: ‹M bɔbɔ min yɛ min ya dan nun n su ijɔ-ɔ, yɛlɛ kɛ nvle wie nunfuɛ'm b'a sokpa amun.

Ezekiɛl 38:18

Yɛ n kɛnnin i ekun kɛ cɛn sɔ nun'n, blɛ nga bɔ wɔ Gɔg, a wa tɔ Izraɛl mɛn'n su'n, min ya'n ɔ wa jaso.» Anannganman Nyanmiɛn yɛ ɔ kan sɔ-ɔ.

Ezekiɛl 38:19

«Min ya dan bɔ n fali'n ti'n, n tali nda kɛ cɛn sɔ'n asiɛ'n ɔ wa keje dan kpa Izraɛl mɛn'n nun.

Ezekiɛl 39:25

Anannganman Nyanmiɛn wan yoo: «N ´fa Zakɔb i anunman nga be trali be lomuɛn'n n ´sa be sin, yɛ n ´si Izraɛlfuɛ'm be aunnvuɛ. N ´si min dunman fɛ'n i ti kwla.

Ezekiɛl 5:13

N ´fa ya dan kpa, ya tɛtɛ kpa'n yɛ n ´fa-a, kpɛkuun n ´tu min klunngbɔ amun su. Ɔ man amun wa si jrɛiin kɛ min Anannganman'n yɛ m'an kan ndɛ m'an kle amun-ɔn, afin n ti kwla sifuɛ.

Ezekiɛl 6:12

Sran ng'ɔ o mmua'n, tukpacɛ b'ɔ sa ndɛndɛ'n yɛ ɔ ´kun i-ɔ, sran ng'ɔ o koko'n, alɛ yɛ ɔ ´di i-ɔ. Sran ng'ɔ ka klɔ'n nun lɛ'n, sɛ be utu klɔ'n, awe yɛ ɔ ´kun i yɛ ɔ wu-ɔ. N ´yi min ya tɛtɛ kpa'n i nglo n kle be.

Ezekiɛl 8:18

Min liɛ'n nga n wa fa yo be'n, ɔ ´ju be. N su si-man be aunnvuɛ, n su yo-man be blɛblɛ. Kɛ be kpan kekle mín su nun kɛ n wa de be'n, n su tɛ-man be su .»

Zoɛl 2:18

Anannganman klo i mɛn'n dan, i sran'm be yo i annvɔ.

Saun Yolɛ 26:28

min kusu kɛ n ko fa ya'n, min nin amun e ´yia nun. Fɔ nga n ´tuli amun'n, n ´uka su, ɔ ´tra laa liɛ'n i sɔ kpɛ nso.

Mise 7:18

Nanwlɛ, Anannganman, like wie fi nin wɔ sɛ-man. Ɔ mɛn'n nun sran nga b'a wu-man'n, a nian be lika, yɛ kusu sa tɛ nga be yoli'n, a yaci cɛli be. A fa-man ya sie-man ɔ klun, afin a tu ɔ klun a yo klun-ufue.

Zakari 1:14

Anz sɔ ng'ɔ nin min koko yalɛ'n seli min kɛ: «Ijɔ Anannganman b'ɔ sie mɛn wunmuan'n i nuan se kɛ: ‹Zerizalɛm nin Siɔn be klolɛ nga n fa klo be'n ti dan.

Zakari 8:2

«Klolɛ nga n fa klo Siɔn'n ti dan. M'an wu i ti kpo!» Anannganman b'ɔ sie mɛn wunmuan'n yɛ ɔ kan sɔ-ɔ.

Kalɛ 25:11

«Eleazar i wa Fine b'ɔ ti Nyanmiɛn nyrun jranfuɛ'n b'ɔ ti Aarɔn i osu'n nunfuɛ'n, i dunman nun ti min ya nga n fɛli Izraɛlfuɛ'm bé wun ɔ'a wie. Ɔ kplili mín ti amun afiɛn. I sɔ'n ti yɛ man m'an nunnun-man Izraɛlfuɛ mun kɛ n fali ya nin-ɔn.

Rɔmfuɛ Mun 12:19

N sran kpa mun, nán amun se kɛ amun bɔbɔ amun ´tu amun klunngbɔ'n, sanngɛ an `yaci man Nyanmiɛn, afin be klɛli i kɛ: «E Min'n se kɛ: ‹Min yɛ n tu klunngbɔ nin-ɔn, min yɛ n ´tua be kalɛ-ɔ .› »

Rɔmfuɛ Mun 13:4

afin Nyanmiɛn man be nian ɔ su yɛ man a yo kpa-a. Sanngɛ sa a yo sa tɛ'n, man ɔ klun titi wɔ. Afin Nyanmiɛn a sie-man be lɛ ngbɛn, ɔ sieli be lɛ kɛ be tu i klunngbɔ, yɛ be tu sran ng'ɔ yo sa tɛ'n i fɔ.

Mmla'n 4:24

Afin Anannganman amun Nyanmiɛn'n jue kɛ sin sa, ɔ yra, ɔ ti Nyanmiɛn kun b'ɔ si kwla .

Mmla'n 7:10

I kpɔfuɛ'm be kusu ɔ ka lɛ tu be fɔ, ɔ sisi-mɛn i bo, ɔ `yo man be wu. Sran ng'ɔ kpɔ i Anannganman'n, ɔ yaci cɛ-mɛn i, ɔ ka lɛ tu i fɔ.

Hébreu 10:30

Afin e si sran ng'ɔ seli kɛ: «Min yɛ n tu klunngbɔ nin-ɔn, yɛ min yɛ n ´tua be kalɛ-ɔ,» yɛ ɔ kɛnnin ekun kɛ: «E Min'n i ja su yɛ be ´fɛ i sran mun kɔ-ɔ .»

Zozie 24:19

Zozie tɛli be su kɛ: «Amun su kwla-man Anannganman su yɛlɛ kɛ ɔ ti Nyanmiɛn kun bɔ i nzuɛn'n nin klɔ sran liɛ'n ti-man kun. Ɔ su kwla suan-man amun fɔnlɛ nin amun sa tɛ'm bé bo, yɛ ɔ su kplin-man su kɛ amun fa like uflɛ ukɛ i su.

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.