Mmla'n 9:9 - NYANMIƐN NDƐ'N 1998

⁹ N fuli oka'n su lɔ yɛbuɛ paplaapla nnyɔn'm be falɛ. Aenguɛ nga Anannganman nin amun trali'n, i nun ndɛ'm be klɛ guali yɛbuɛ sɔ'm be su. N trannin lɔ kɔnguɛ nin wia nun cɛn ba ablanan, m'an di-man like, m'an nɔn-man nzue.

Mmla'n 9:9 ပူးပေါင်းရင်းမြစ်များ

1 Famiɛn Mun 19:8

Yɛ ɔ jasoli, ɔ dili like, ɔ nɔnnin nzue-ɔ. Ɔ man ɔ fali fanngan. Ɔ nantili cɛn ba ablanan, kɔnguɛ nin wia'n nun. Ɔ juli Orɛb, Nyanmiɛn i oka'n su lɔ.

2 Famiɛn Mun 6:22

Elize tɛli i su kɛ: «Nán kun be! ?I kpa'n, be nga a kɔ alɛ kunlɛ bɔ a tra be yo ɔ kanga'n, a kun be? Man be aliɛ man be di, man be nzue man be nɔn, nan yaci be nun man be wɔ be min'n sin.»

Ezipt Lɔ Tulɛ'n 24:12

Anannganman seli Moiz kɛ: «Fu mín sin oka'n su wa nan jran lɛ. N wa fa yɛbuɛ paplapa bɔ n klɛli mmla'm bé su'n n ´fa man wɔ, nan `fa mmla sɔ mun kle Izraɛlfuɛ mun.»

Ezipt Lɔ Tulɛ'n 24:15

Kɛ Moiz ´fu oka'n su'n, sin wɛnsrɛn kɛtɛli i su bliblibli.

Ezipt Lɔ Tulɛ'n 24:18

Moiz wluli sin wɛnsrɛn'n nun, nan ɔ'a fu oka'n su lɔ. Moiz dili oka'n su lɔ kɔnguɛ ablanan nin wia su ablanan.

Ezipt Lɔ Tulɛ'n 31:18

Blɛ bɔ Anannganman kannin ndɛ kleli Moiz Sinai oka'n su lɔ wieli'n, ɔ mɛnnin i yɛbuɛ paplaapla nnyɔn, bé su yɛ Nyanmiɛn bɔbɔ fɛli i sama klɛli i mmla mun nin-ɔn.

Ezipt Lɔ Tulɛ'n 32:1

Kɛ nvlefuɛ'm be wunnin i kɛ Moiz su cɛ oka'n su lɔ ngboko'n, be ko sin yiali Aarɔn nan b'a se i kɛ: «Jaso, yo amuɛn kun man ye, man ɔ dun mmua e nyrun. Afin Moiz'n, bian sɔ'n b'ɔ fali ye Ezipt lɔ bali'n, e si-man like nga ɔ'a yo i-ɔ.»

Ezipt Lɔ Tulɛ'n 34:28

Moiz nin Anannganman be kali lɛ lele cɛn ba ablanan nin kɔnguɛ ablanan, i nuan sa ɔ'a kan-man like fi, yɛ ɔ'a nɔn-man nzue kusu. Anannganman klɛli aenguɛ nga ɔ nin Izraɛlfuɛ mun trali'n i nun ndɛ mun. Be ti mmla blu. Ɔ klɛli be yɛbuɛ paplaapla'm bé su.

Matthieu 4:2

Ɔ kpɛli srɛ nun kɔnguɛ nin wia'n nun cɛn ba ablanan, i sin awe kunnin i .

Galasifuɛ Mun 4:24

Sa sɔ'n ti kɛ nyanndra sa, afin be kwla fa bla nnyɔn sɔ'n sunnzun aenguɛ wafa nnyɔn nga Nyanmiɛn nin sran'm be trali. Agar ti Sinai Oka b'ɔ o Arabi lɔ'n, i mma'm be ti kanga.

Mmla'n 8:3

Ɔ kannin amun ase, ɔ fali awe kleli amun nun. Kpɛkuun mani bɔ amun si-mɛn i laa'n, ɔ fa tali amun. Amun nannan'm b'a si-mɛn i bɔbɔ. I waan ɔ ´yo sɔ nan amu'an si kɛ nán aliɛ kunngba yɛ ɔ man sran nguan-an, nan ndɛ kwlaa ng'ɔ fin Anannganman'n nuan fite'n yɛ ɔ man sran nguan-an.

Mmla'n 9:11

Kɛ cɛn ba klonglo ablanan sɔ'm be sinnin'n yɛ Anannganman fali yɛbuɛ paplaapla mun mannin min-ɔn. Yɛbuɛ sɔ'm be su yɛ aenguɛ nga Anannganman nin amun trali'n i nun ndɛ be o-ɔ.

Mmla'n 9:15

Yɛ n ´fin oka'n su lɔ n ´jrali-ɔ. M ´ba-a, aenguɛ nga Anannganman nin e trali'n i yɛbuɛ paplaapla nnyɔn'm be o n sa nnyɔn'm be nun. Kɛ ɔ ´yo sɔ'n, wuun sin'n ´jue oka'n su lɔ.

Mmla'n 9:18

Kpɛkuun n tɔli nan m'an utu mín nyin ase Anannganman nyrun kɔnguɛ nin wia nun cɛn ba ablanan ekun, m'an di-man like, m'an nɔn-man nzue, afin amun klɔklɔli Anannganman, ɔ man ɔ fali ya amun sa tɛ bɔ amun yoli'n ti.

Hébreu 9:4

Nyanmiɛn sɔwlɛ b'ɔ ti sika ɔkwlɛ'n, bɔ be yra ayre fannin su'n, ɔ nin Nyanmiɛn i alaka, bɔ be klo sika ɔkwlɛ guɛli i wun'n be o lɔ. Sika ɔkwlɛ sɛma'n bɔ mani'n wo nun'n, nin Aarɔn kpɔnman b'ɔ fɛfɛli'n, ɔ nin yɛbuɛ paplaapla bɔ be klɛ aenguɛ nga Nyanmiɛn waan ɔ nin sran'm be ´tra bé su'n, be wo alaka sɔ'n nun .