Mmla'n 9:6 - NYANMIƐN NDƐ'N 1998

⁶ Man amun si kɛ sɛ Anannganman amun Nyanmiɛn'n fa mɛn klanman nga man amun kɛ amun tran nun'n, nán kpa yɛ amun ti i ti yɛ ɔ fa mannin amun-ɔn, afin amun ti nyin keklefuɛ.

Mmla'n 9:6 ပူးပေါင်းရင်းမြစ်များ

2 Be Nyoliɛ 30:8

Nán amun yo nyin kekle kɛ amun nannan'm be yoli'n sa. Amun `fa amun wun man Anannganman man ɔ sie amun. Amun `bla i sua'n bɔ i bɔbɔ ɔ'a yo i saun'n nun. Sua sɔ'n, ɔ ´yo saun tititi. Yɛ amun `su Anannganman amun Nyanmiɛn'n, kɛ ɔ ´yo nan i ya dan'n b'ɔ fɛli i amún wun'n ɔ'a jɔ'n ti.

2 Be Nyoliɛ 36:13

Famiɛn Nɛbikadnɛzar man ɔ tali nda Anannganman nyrun, sanngɛ ɔ jasoli Nɛbikadnɛzar wun, ɔ keteli i anwlɛn'n, ɔ'a kplin-man su mlɔnmlɔn kɛ ɔ ´sɛ i sin Anannganman b'ɔ ti Izraɛl Nyanmiɛn'n sin.

Jue Mun 78:8

I liɛ'n, be su yo-man kɛ be nannan'm, bɔ be yoli nyin kekle dan'n, bɔ be anwlɛn'n yoli nnyɔn-nnyɔn'n, bɔ be akunndan'n ɔ'a tran-man Nyanmiɛn su'n sa.

Ezipt Lɔ Tulɛ'n 32:9

Anannganman seli Moiz kɛ: «M'an wun kɛ nvle nga nunfuɛ mun be nyin ti kekle dan.

Ezipt Lɔ Tulɛ'n 33:3

N ´fa amun n ´kɔ mɛn bɔ lɔ asiɛ'n yo like ye kpa'n, bɔ i kunngba'n ti nnɛn tawlɛ klanman'n i nun lɔ. Sanngɛ m bɔbɔ e nin amun e su kɔ-man, n su tran-man amun afiɛn, afin amún nyin su ti kekle dan. Ɔ cɛ-man nan m'an nunnun amun atin afiɛn.»

Ezipt Lɔ Tulɛ'n 34:9

I sin ɔ seli kɛ: «Sɛ ɔ waan a ´yo min ye sakpa'n, Anannganman, n ´srɛ wɔ, ɔ bɔbɔ a nin e wɔ. Ɔ ti nanwlɛ kɛ minniɛn nga'm be nyin ti kekle kpa. Sanngɛ yaci é wun sa'n nin é fɔnlɛ mun cɛ ye, sɔ e nun kɛ ɔ sran mun sa.»

Ezekiɛl 2:4

Sran bɔ bé nyin su ti kekle bɔ be kan ndɛ kle be-ɔ, be ti-man'n, bé sin yɛ n su sunman wɔ lɛ. Se be kɛ: ‹Anannganman Nyanmiɛn wan yoo.›

Ezekiɛl 20:44

Izraɛlfuɛ mun, n su nian-man amun nzuɛn tɛtɛ nin amun aeliɛ tɛtɛ kpanngban'm be su yɛ n ´yo amun sa-a. Sanngɛ n ´yo man amun nyin ´yi min, yɛ amun wa si jrɛiin kɛ min yɛ n ti Anannganman nin-ɔn.»

Ezekiɛl 36:22

I sɔ'n ti'n, kan kle Izraɛlfuɛ'm be kɛ Anannganman Nyanmiɛn wan yoo: ‹Izraɛlfuɛ mun, like nga n wa yo yɛ'n, nán amun ti-ɔ, sanngɛ min dunman fɛ'n bɔ amu'an saci i kaiin nvle-nvlefuɛ'm nga amun ɔli be afiɛn'n i ti-ɔ.

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

Mmla'n 10:16

Ɔ man i ti'n, amun `fa amun wun mɛn i mlɔnmlɔn. Nán amun yo nyin kekle i su kun.

Mmla'n 3:18

I blɛ sɔ nun'n, n kannin ndɛ kleli amun, n jrannin su, n seli amun kɛ: «Anannganman amun Nyanmiɛn'n fali lika nga mannin amun. Sonja mun, amun kwlakwla amun `fa amun alɛ ninnge mun nan amun `dun mmua amun niaan Izraɛlfuɛ kun nga'm be nyrun.

Mmla'n 31:27

Afin n si kɛ be ti nyin keklefuɛ dan kpa, be bli be-ɔ ɔ bli-man. Nian sunnzun bɔ min nyin tɛ o su'n, nian jasolɛ bɔ be ´jaso Anannganman wun-ɔn. ?Yɛ sɛ be waan m'an wu nin?

Mmla'n 9:13

Anannganman seli min ekun kɛ: «M'an wun kɛ nvle nga nunfuɛ'm be nyin ti kekle.

Mmla'n 9:24

Kɛ n si amun lele'n, amun nian yaci-man nyin kekle yolɛ'n Anannganman su le.